Maigan mungdan ni hta nga nna anhte gaw amu bungli galaw lu nga ai
zawn, amu n'lu ai ni gaw seng ang ai asuya kaw nna garum madi shadaw
hkam la let shim lum ai hku malu masha mayak lam ni ntsang ra ai sha
asak hkrung nga lu ai gaw Karai Kasang a shaman chyeju san san nan rai
nga ai.
Laklai ai shiga hta anhte yawng matut n gun la nna
tinang daidaw buga de shim lam nlu ai sha n ga, lani mi shat da mi, kara
hku lu sha na hpe myit tsang ra nga ai anhte a sai daw sai chyen ni hpe
dum nga ga ai.
KBC shiga dap
hku chye lu ai hta, Waimaw Ginwang, Hpungmai Yang Buga Hpung kaw na
laklai ai hpyen yen alu, Ja ta chyawp langai mi lu la ai lam chye lu ai.
Mabyin gaw Waimaw Ginwang hpyen yen komiti Rev. Hkang Du Brang Shawng
(Namwa Hpung up) gaw Hpungmai Yang Buga Hpung de du ai shaloi dai ni na
ten Wunpawng myu sha ni hkam sha nga ai hpyen yen tsinyam lam ni hpe
hkaw tsun dan ngut ai hpang alu ka langai hta alu sa jawm bang na matu
saw saga dat ai shaloi Ja ta chyawp langai rawng ai laika sumbu langai
mi du wa ai. Laika sumbu ntsa kaw ka da ai laika gaw “An nu wa ni gaw
grai matsan ga ai majaw hpa mung nlu ga ai. Rai tim an a hkungran
lachyawp hpe alu bang ga ai hkap la jai lang ya rit wa e...” ngu ai re.
Kadai jaw bang ai hpe nchye lu ai. Ya dai ta chyawp alu hpe Waimaw
Ginwang hpyen yen alu kunhting a lata hta ap da sai lam chye lu ai. KBC
MNK
Hpyen yen nan rai nga ai ni nan, nlu nlawm tim shada garum
madi shadaw ai hta ndai zawn shang lawm nga ma ai. Anhte ni amyu hkye,
mung hkye madi shadaw lam hta shanglawm saga ai kun? The Kachin Relief
Fund gaw majan n nan byin ai aten hta UK du nga ai hpu nau ni kaw nna
laksan alu galang mi hta ai kaw nna lai nna, hpyen yen lanawn lakawn a
matu alu hta ai lam n galaw ga ai. Anhte amyu ni hpe tsawra ai maigan
jinghku ni garum ai alu hte hpyen yen tsin yam hte ma kaji ni a hpaji
lam, hkamja lam ni hta dang lu ai made madi shadaw nga ga ai.
Advocay lam hta lam magup hku shanglawm ap nawng nga ai magam gun ni
yawng hpe chyeju dum nga ga ai. Nshanglawm shi ai hpu nau ni hpe saw
saga mayu ai gaw, tinang n gun, atsam, machye machyang, aten hpe jaw nna
du nga ai mungdan na mung shawa hpe hkaw tsun ai lam ni hta shanglawm
mai ai zawn, ja gumhpraw alu ni hte shanglawm mai ai lam shana dat ai.
KRF gaw UK asuya kaw tara shang registration lu sai hte dam lada ai
hku, shanwglam bungli masing ni hpe galaw sa wa na rai nga ai. Mai Ja
Yang hta rung magam gun shatsam sa wa na ga ai. Htawm hpang na anhte a
ningbaw ningli rai wa na ma kaji ni a hpaji hte hkam kaja lam ahkyak ai
majaw, ndai lam ni hte madung dat garum sa wa na re lam shana shabra dat
ga ai.
Amyu hte mungdan hkye magam hta,
Maigan mungdan ni hta nga nna anhte gaw amu bungli galaw lu nga ai zawn, amu n'lu ai ni gaw seng ang ai asuya kaw nna garum madi shadaw hkam la let shim lum ai hku malu masha mayak lam ni ntsang ra ai sha asak hkrung nga lu ai gaw Karai Kasang a shaman chyeju san san nan rai nga ai.
Laklai ai shiga hta anhte yawng matut n gun la nna tinang daidaw buga de shim lam nlu ai sha n ga, lani mi shat da mi, kara hku lu sha na hpe myit tsang ra nga ai anhte a sai daw sai chyen ni hpe dum nga ga ai.
KBC shiga dap hku chye lu ai hta, Waimaw Ginwang, Hpungmai Yang Buga Hpung kaw na laklai ai hpyen yen alu, Ja ta chyawp langai mi lu la ai lam chye lu ai. Mabyin gaw Waimaw Ginwang hpyen yen komiti Rev. Hkang Du Brang Shawng (Namwa Hpung up) gaw Hpungmai Yang Buga Hpung de du ai shaloi dai ni na ten Wunpawng myu sha ni hkam sha nga ai hpyen yen tsinyam lam ni hpe hkaw tsun dan ngut ai hpang alu ka langai hta alu sa jawm bang na matu saw saga dat ai shaloi Ja ta chyawp langai rawng ai laika sumbu langai mi du wa ai. Laika sumbu ntsa kaw ka da ai laika gaw “An nu wa ni gaw grai matsan ga ai majaw hpa mung nlu ga ai. Rai tim an a hkungran lachyawp hpe alu bang ga ai hkap la jai lang ya rit wa e...” ngu ai re. Kadai jaw bang ai hpe nchye lu ai. Ya dai ta chyawp alu hpe Waimaw Ginwang hpyen yen alu kunhting a lata hta ap da sai lam chye lu ai. KBC MNK
Hpyen yen nan rai nga ai ni nan, nlu nlawm tim shada garum madi shadaw ai hta ndai zawn shang lawm nga ma ai. Anhte ni amyu hkye, mung hkye madi shadaw lam hta shanglawm saga ai kun? The Kachin Relief Fund gaw majan n nan byin ai aten hta UK du nga ai hpu nau ni kaw nna laksan alu galang mi hta ai kaw nna lai nna, hpyen yen lanawn lakawn a matu alu hta ai lam n galaw ga ai. Anhte amyu ni hpe tsawra ai maigan jinghku ni garum ai alu hte hpyen yen tsin yam hte ma kaji ni a hpaji lam, hkamja lam ni hta dang lu ai made madi shadaw nga ga ai.
Advocay lam hta lam magup hku shanglawm ap nawng nga ai magam gun ni yawng hpe chyeju dum nga ga ai. Nshanglawm shi ai hpu nau ni hpe saw saga mayu ai gaw, tinang n gun, atsam, machye machyang, aten hpe jaw nna du nga ai mungdan na mung shawa hpe hkaw tsun ai lam ni hta shanglawm mai ai zawn, ja gumhpraw alu ni hte shanglawm mai ai lam shana dat ai.
KRF gaw UK asuya kaw tara shang registration lu sai hte dam lada ai hku, shanwglam bungli masing ni hpe galaw sa wa na rai nga ai. Mai Ja Yang hta rung magam gun shatsam sa wa na ga ai. Htawm hpang na anhte a ningbaw ningli rai wa na ma kaji ni a hpaji hte hkam kaja lam ahkyak ai majaw, ndai lam ni hte madung dat garum sa wa na re lam shana shabra dat ga ai.
Amyu hte mungdan hkye magam hta,
