Madang Dep Ai La

Myitrum manang ni, “Madang Dep Ai La” ngu ai Ga shagawp gawp shagun dat ai. Mani 28.11.2012,9:00AM hta Sammung Nawngtau maga, Dung 8, Hpaikawng ngu ai Sam Kahtawng e gasat poi hkring mi byin ai; (KIA ni hkap gap na masa nga ai) shani M ni bai hkan tam yang KIA hpe n mu ai majaw, masin pawt nna, kahtawng masha ni hpe Nawku jawng e gawt bang da ai; grai pawt let, “ Sat kau na” ngu hkrim ma ai da. 3:30PM hta gaw, M ni masin shakawp, Hpaikawng hpyen-yen htinggaw 50-60 nga ai dabang nat bang wa ai; jan du lup re ai, Kyu hpyi dum mi nga nna, sarama langai shana wa ai. Ndai shiga na ai ni yawng, kyu hpyi dum dat ga lu oi.
JIC
 Madang Dep Ai La

Adam gaw Ewa hpe yu,
Nye a ashan re ngu mu;
Nye a nra na nra,
Ewa gaw ngai she rai nga.

Ewa hpe yu dat shagu,
Nye a salum ngu she mu;
Karai Kasang hpan shalat,
Ningrum ningtau ngu masat.

Adam hkrai sha shi shingtai,
Manang n lu garen ai;
Yehowa dik hkra chye na,
Ewa hpe special hpan da.

Adam nachying wa tsaw ra,
Galoi tim nja nhpra;
Adup zingri mazut lai,
Adam galoi n di ai.

Daini Adam matu ni,
Num ma hpe n chye lali;
Majoi kam ai hku roi rip,
Adup zingri chye shakrip.

Num ma hpe manu n tawn,
Kunrai hku mung she zawn nawn;
Prat dep myu shayi ni hkrai,
Mazut roi rip ninghkap sai.

Nhtoi 26, November,
Myushayi ni ga shaga;
M’dang dep la ni matsing da,
N dep ai ni Gwi Manya ! ! !

¬ “Violence Against Women Day” hpe myit dum let,

Shanglawt Tsing