Kraw Madai Nsen
Du Tu Nan
Lai wa sai 10 ning jan daram hta, Miwa Gumsan mungdan, Samapa hta Maigan
Kyit Hkai Lit hkam magam hpe gun hpai let, Myu hte Mungdan a matu asak apnawng
mat wa sai; Kawa Dkb. Salaw Naw Hkam hte Jan; Myitung Htu Mai yan a kasha Du Salaw
Tu Mai re law.
Shi nan sharawng awng ai hte Kawa a hkang galai lu na matu, Masat-yan II Du
Jawng lung la sai. Myen asuya hte Wunpawng Mungdan Shanglawt asuya, 2 lang ngu na
majan bai hkat bang wa ai ten kaw na, Dap Ba 3, Dung 16 shawng lam majanpa de lit
ang ai Share Ninghkring langai re. Chyinghkai kanu gaida jan gaw, anhte a Share
Ninghkring ni a matu, matut n di akyu hpyi nga ai Nu Num langai re.
16.11.2012 shani 13:20 PM hta, kajawng kaja shiga kahtet na dat ai. Du Tu Nan
shawng lam majanpa hta, tinang ni hkam da ai bom kabye hkrup nna, Amyu hte
Mungdan a matu, 2:29PM ten hta asak ap nawng mat wa sai lam re.
Shi hpe shangai chyinghkai la lu ai 1983 ning nachying katsi lagyi dik ai Mali Nmai
Shagribum a January praw 1 ya shana yuptung minit kachyi mi lai re ai; praw 2 maga de
gale mat sai aten hta, kasha chyangai a htoi san ai wun-yaw myiman hpe mu dat ai hte
rau, Chyinghkai Nu gaw, Pu ba salu salat yawng hkoi nhtawm, hkum ting alum ala ngu
hkam sha let, kabu hkinnum lu, myit pyaw myit dik ai lam mu la lai wa sai re.
Raitim ya daini, dai shiga kahtet na ai shaloi, Chyinghkai kanu a salum kraw
wang, wan hkru hkrum ai hte, nsa pyi n lu sa hkra chyat mat ai gaw, kapaw si mat na
daram she rai sam sai. Lawan ladan moimang dep hkra Laiza Ginjaw Ginra, Woi Chyai
lawk kaw nna, Dap Ba 3, Dung 16 Ginra,Mai Ja Yang de den lung wa yang, hkagye-tawng
zawn katsi lagyi taw nga sai; Ma chyangai ten kaw nna pup ya ga ai, tsawra kasha a
shabyi hpe aten dep pup dat ya lu sai. Chyinghkai Nu pup shakram dat na shabyi naw
ngam da ya ai; Ma Tu Nan hpe chyeju dum dik ai yaw. Daini kaw na gaw Ma hkam kaja u
ga matu kyu hpyi ai ten shagu, Chyinghkai Nu myiprwi pru let, Ma a manang ni a matu
sha kyu hpyi ya ra na sai i.Ma, Nu kasha gaw- Madu Yesu hte rau Ngwi Pyaw Simsa mat
nu yaw; Chyinghkai Nu Tsen shakram dat nngai law.
Shanglawt Tsing
(22.11.2012,12:10AM)
Du Tu Nan
Lai wa sai 10 ning jan daram hta, Miwa Gumsan mungdan, Samapa hta Maigan
Kyit Hkai Lit hkam magam hpe gun hpai let, Myu hte Mungdan a matu asak apnawng
mat wa sai; Kawa Dkb. Salaw Naw Hkam hte Jan; Myitung Htu Mai yan a kasha Du Salaw
Tu Mai re law.
Shi nan sharawng awng ai hte Kawa a hkang galai lu na matu, Masat-yan II Du
Jawng lung la sai. Myen asuya hte Wunpawng Mungdan Shanglawt asuya, 2 lang ngu na
majan bai hkat bang wa ai ten kaw na, Dap Ba 3, Dung 16 shawng lam majanpa de lit
ang ai Share Ninghkring langai re. Chyinghkai kanu gaida jan gaw, anhte a Share
Ninghkring ni a matu, matut n di akyu hpyi nga ai Nu Num langai re.
16.11.2012 shani 13:20 PM hta, kajawng kaja shiga kahtet na dat ai. Du Tu Nan
shawng lam majanpa hta, tinang ni hkam da ai bom kabye hkrup nna, Amyu hte
Mungdan a matu, 2:29PM ten hta asak ap nawng mat wa sai lam re.
Shi hpe shangai chyinghkai la lu ai 1983 ning nachying katsi lagyi dik ai Mali Nmai
Shagribum a January praw 1 ya shana yuptung minit kachyi mi lai re ai; praw 2 maga de
gale mat sai aten hta, kasha chyangai a htoi san ai wun-yaw myiman hpe mu dat ai hte
rau, Chyinghkai Nu gaw, Pu ba salu salat yawng hkoi nhtawm, hkum ting alum ala ngu
hkam sha let, kabu hkinnum lu, myit pyaw myit dik ai lam mu la lai wa sai re.
Raitim ya daini, dai shiga kahtet na ai shaloi, Chyinghkai kanu a salum kraw
wang, wan hkru hkrum ai hte, nsa pyi n lu sa hkra chyat mat ai gaw, kapaw si mat na
daram she rai sam sai. Lawan ladan moimang dep hkra Laiza Ginjaw Ginra, Woi Chyai
lawk kaw nna, Dap Ba 3, Dung 16 Ginra,Mai Ja Yang de den lung wa yang, hkagye-tawng
zawn katsi lagyi taw nga sai; Ma chyangai ten kaw nna pup ya ga ai, tsawra kasha a
shabyi hpe aten dep pup dat ya lu sai. Chyinghkai Nu pup shakram dat na shabyi naw
ngam da ya ai; Ma Tu Nan hpe chyeju dum dik ai yaw. Daini kaw na gaw Ma hkam kaja u
ga matu kyu hpyi ai ten shagu, Chyinghkai Nu myiprwi pru let, Ma a manang ni a matu
sha kyu hpyi ya ra na sai i.Ma, Nu kasha gaw- Madu Yesu hte rau Ngwi Pyaw Simsa mat
nu yaw; Chyinghkai Nu Tsen shakram dat nngai law.
Shanglawt Tsing
(22.11.2012,12:10AM)
