Sunday, October 15, 2017

Dr. Maran Ja Gun Galaw ai Amyu Sha Magam Langai Hpang Hkrat Mat Sai Kun? Tawn Da Kau Sana Kun?


Jawm Lang Ga Laika- Wunpawng Laika 
Nation Building hta ahkyak htum magam bungli langai gaw Jawm Lang ai Aga (Common Language) hte Jawm Lang ai Laika (Sh) Sinwa Laika re. Ndai masa hpe Dr. Ola Hanson gaw atsawm sha chye na wu ai hpe mu lu ai. 
Dr. Hanson aq shawng e du nga sai Sasana sara Dr. Cushing hte William Roberts ni gaw myen alphabet lang nna Jinghpaw Laika galaw ya sai. Hpa majaw nga yang dai aten hta laika lu sai Kayin, Mun, hte Sam ni a laika gaw myen alphabet (Pali & Sanskrit) hte ka da ai hkrai rai nga ai. Anhte kaw sasana sa a ni mung Kayin amyu sha ni law law rai nga ma ai. Dai majaw shawng nnan myen laika hkum hku nna Jinghpaw Laika galaw ya masai. 
Dai rai tim Sara Kaba Hanson bai du wa ai shaloi gaw myen laika hku nna Jinghpaw Wunpawng sha ni aq lam n mai ka ai law law mu hkrup u ai. Dai hte maren lani mi hta Amyu Langai Mungdan Langai hku nga pra sa wa na matu Myen Laika hku n re sha Roman Alphabet lang let Yawng jawm lang na laika Kachin Language hpe galaw ya sai.
1895 ning hta Jinghpaw Laika galaw ya ai shani gaw Kachin Nation Building gaw gap ai lam aq npawt nhpang gaw de da ya sai hte myen amyu ni hte san san re ai amyu re lam myit masin, hte minla jahkaq ya sai. 
1920 hta ka da ai Missionary Pioneers Among the Kachins nga ai laika hta “A Nation Born In A Day!” Mungdan Langai shangai chyinghkai wa na hpe myihtoi htoi nna ka da ai. Dai re ai majaw 1924 ning hta Rev. Lahpai Zau Tu, Hpaji Du Maran Robin ni woi awn nna Jinghpaw Wunpawng Sha ni hte Myen Amyu Sha ni hpe san san up hkang na matu hte Homerule (Madu Uphkang Mung) jaw na matu English kaw sa hpyi sai. Aga langai, Htunghkring langai hta myit hkrum ai lam aq mahtai re. Kachin Nation Building Npawt Nhpang hkrang pru wa sai. Jawm lang ai Laika (Sinwa laika) a matu mung masa myit hpaw wa ai lam rai nga ai.
Lai wa sai aten hta Duwa Htingbai Naw Awn mung Sinwa laika galaw na matu myit grai jasu lai wa sai. Sinwa ngu ai lachyum gaw Hkaq Sinwa ngu ai kaw na sa ai. Hkaq Sinwa ngu ai gaw Mare ting ja lu ai hka singgat hpe tsun ai. Mare ting jaq la mai ai hkahtung hpe tsun ai. Laika kanu hpung mi kaw na sha tinang sha, tinang manang a ga hte mai ka na matu ngu mayu ai rai nga ai. Rawang ga n chye ai wa mung, Sinwa laika a majaw Rawang laika hpe atsawm sha lu hti na matu re. Tsun mayu ai gaw Sinwa Laika shing nrai Jawm lang gaq laika, shing n rai Wunpawng Laika hpe yawng jawm lang yang Zaiwa ga chye yang Zaiwa laika alak mi n sharin ra sai. Shaga ai aga nbung tim Laika langai sha hpe jawm lang ai lam rai nga ai.
Ndai Sinwa laika hte seng nna Ningbaw Kaba Maran Brang Seng hpe Duwa Htingbai Naw Awn tsun dan nna, Ningbaw Kaba Brang Seng gaw gasi, gangau hte seng nna janmau lu da ai Dr. Maran Laq Raw hpe lit jaw nhtawn America na American linguists marai 6, Dr. Laq Raw hte rai yang marai sanit jawm galaw nna Hanson Jinghpaw laika hpe prat dep laika masa The International Phonetic Alphabet (IPA) hte jahkum shatsup nna Sinwa Laika shing n rai Wunpawng Laika hpe galaw sai. 
Dai hpang Rev. Dr. Maran Ja Gun mung ndai bungli hta shanglawm let Buga de nga ai Htunghking myit su Salang ni law law hte bawng jahkrup na Hanson a Laika hpe jahkum shatsup let Wunpawng Laika (sh) Sinwa Laika hpe aten jaw let woi awn sai. 
Ndai Wunpawng laika a matu PanK3 font hpe mung gyin shalat da sai. Ndai laika hpe Wunpawng Bawsang yawng jahkum nhtawm tang madung let 2001 March shata hta Jinghpaw Wunpawng amyu sha ni nga ai shara shagu hkan jai lang lu na matu Wunpawng laika sara tai wunkat hpe Mai Ja Yang mare, Sara Tai Hpaji Shalat Jawng kaw galaw lai wa sai. Bawsang shagu na htunghking hta woi awn ai ni, Ginjaw Hpaji Dap hte Ginwang Ginjaw shagu na hpaji du ni yawng hte Nawku hpung shagu na hpung a ningbaw ningla ni, ramma ni law law sa du sharin hkam la sai. Ndai wunkat hpe Dr. Maran Laq raw hte Rev. Dr. Maran Ja Gun ni woi awn sharin ya sai. 
Ndai Wunkat de sa wa ai Myitkyina mare na kasa ni jawn ai mawdaw Hilux gaw Loije Mare du hkyen ai shaloi dagup mat nna Tatkone Mare nga ai Salang Nhkum Hka gaw asak sum lai wa sai. Masha marai 10 jan hkalaq nbaq hkrum lai wa sai. Ndai wunkat hta sharin hkam la nga ai ni yawng mung Buga shara law law de sa du let sharin ya ai lam galaw lai wa sai. Nawng Nang Chyum Jawng htaq mung sara Lazing Tu, Rev. Ja Gun ni woi awn nna aja awaq sharin lai wa sai. 
Raitimung, dai aten na mung masa mabyin hte anhte Jinghpaw Wunpawng sha ni a lapran dawdan let shagrin ya na daru magam ahkan aya lu ai (Supreme Power) wuhpung n nga ai majaw anhte Jinghpaw Wupawng sha ni Baw Sang shagu jawm lang yang mai kaja dik Sinwa laika/Wunpawng laika gaw asak n hkrung mat sai. 
Lama na ndai Wunpawng Laika hpe asak lu jahkrung jai lang ai rai yang, nsen nem, tsaw atsawm sha chye hti mat na re. Grau nna dai ni pra wa ai brang ram, hkawn ram ni a matu nsen jaw jaw, lachyum hte hkrak chye hti mat na re. Dai hte maren kaga bawsang ni aq aga, laika hte seng nna aga sha sharin ra sana, alak mi laika san san n sharin ra na re. Ya gaw jawm lang ai Sinwa/Wunpawng Laika n nga ai majaw aga mung sharin ra, laika mung sharin ra rai nga ga ai. 
Dai ni ta tut bai hkrang shapraw yang n hpang hkrat shi na nhten? Dr. Maran Ja Gun gaw shi si wan a aten du hkra ndai bungli kaba hpe matut nna galaw na hpe grai myit katu shakut lai wa sai. Dai hte maren Linguistic hte Ph.D lu ai ni, Master ngut ai ni, Anthropology hta Master ngut ai ni anhte amyu htaq grai nga wa sai. Dai re ai majaw tinang amyu, tinang a mungdan ngang grin let shanglawt ai amyu tai na matu ndai magam bungli gaw ya jang ta tut hkrang shapraw ra ai magam bungli langai mi rai nga ai.
Daini na aten Kachin Nation Building hkrun lam hta Jinghpaw Wunpawng sha ni yawng Myusha dawnghkawn, Myusha mahkawn ni hpe amyu sha yawng jawm lang, masat masa galaw ai zawn amyu sha yawng kahkyin gumdin lu na matu ndai jawm lang ai laika Sinwa/Wunpawng laika hpe asak jahkrung na grai ahkyak nga ga ai law.
Palawng Naw Tawng.
LikeShow more reactions
Comment

Read more »

Thursday, October 12, 2017

"Prophetic vision for the Kachin youths in USA"

By Gum san Nsang
"USA kaw na Jinghpaw Wunpawng Ramma ni a matu Myihtoi Shingran" -- Duwa Nangzing La 
Ndai shingran laika hpe 1999 snr 2000 na USA-Kachin Family Camp hta Duwa Nangzing La, shi nan lakjat jaw ai shaloi garan ya ai re. Ndai laika ka aten hta USA ting hta Kachin amyu sha ni 200-300 daram sha naw nga ai. 
Tara Kasa Kaba Nangzing La gaw 2001 ning hta Madu Yesu hta yup pyaw mat tim, shi a numhtet ga ni gaw daini du hkra asak hkrung nga majaw ngai kyem da ai shaning law law rai sai. Ya USA hta e Jinghpaw Wunpawng amyu sha ni 4000 grup yin du nga sai majaw, yawng hkaja la yang kaja na re ngu majaw yawng hte garan kachyan dat ai.

Read more »

KBC Sasana Majen Je Shakut Shaja Lai Wa Sai Mungchying Sara Kaba Ni


Sara Kaba Rev. Dr. Maran Ja Gun tsun ai “Ningbaw Ningla langai mi a lam bai myit dum ai ngu ai gaw lachyum grai sung ai. Hpa majaw nga yang MYIT JASAT HKRINGHTAWNG jaw da ai majaw rai nga ai.” Anhte Jinghpaw Wunpawng sha ni hta mung Sasana majen je shakut shaja lai wa sai mung chying sara kaba ni law law nga lai wa sai. Dai ni ban prat nnan hta matut nna sasana hkringhtawng shachyaw lu na matu hte n gun bai la let sasana magam hta n gun dat sa wa ra nga ga ai. 
Dai re ai majaw Tsawra ai myit hte teng man ai ga hpe tsun nga let Dinghku Sasana kaw nna Maigan de, grau nna Kachin Diaspora missions hpe aja awaq majen je let Maigan du KBC hpung masha ni hpe zinlum ai masing kawn Maigan mungdan shara law law de Hkristu a sakse ni tai sa wa na aten rai sai. 
Rev. Lashi Naw
Rev. Lashi Naw gaw Manmaw mare Roberts sasana jawng sara re. 1917 hta lata mara hpung up hkam la nna Sasana sara ni e shangun ai hte maren Manmaw nna Sam mung Nbaw de sa nna majen je sai. Manmaw nna Namhkam du hkra kasha 2 hpe hkap hta hpai lang, sarajan gaw hkyep din pyi ndin ai sha lagaw hte (6) ya hkawm rai, sasana majen je hpang wa sai. Nbaw kaw laika sharing jawng mung hpaw hpang sai. Hkamkaja lam (tsi) hpaji lam hta mung woi awn rai nna makau grup yin mare kahtawng ni law law nat kau nna hpung shang wa sai. . Shi a shakut ai a majaw masha law nat kabai kau nna Yesu hpe tinang a hkye Madu ngu hkap la wa sai. Hpung masha ni law law hte kashu kasha ni hpaji chye nna galu kaba wa masai.
Rev. Labya De. 
Rev. Labya De gaw Nam Hkam mare kaw na rai nga ai. . Maymyo hpyen dap Jinghpaw seng kaw lani mi Lap mi lu nna bungli galaw nga ai kaw nna sara Hanson e shaga ai hte Namhkam kaw Dr. Hanson hpe Jinghpaw Chyum laika gale garum ai. Namhpaka de No. II mungkan majan ngut ai hpang Oct,1945 hta jawng wa hpaw nna sasana majen je sai hta grai awng dang sai. Jinghpaw Wunpawng ni law law hpung shang nna mi hpaw sai hte shi a kashu kasha ni mung hpaji chye, masha kaba byin wa masai.
Rev. Nhkum Zau Mai. 
Namhkam makau na Oilaw bum (Sinli du hte seng ai bum) na Kawng Lung du kasha re. Manmaw hte Namhkam jawng ni hta lung nna sara tai jawng mung awng la sai wa re. Sarajan gaw sam num re. 1919-ning hta Mungmau de jawng hpaw hpang nna majen je sai. Dai hpang Insein Myen chyum jawng mung lung la nna Munmau de bai wa shakut sai. Shi a shakut shaja sasana majen je ai majaw mare kahtawng ni law law kaw na Jinghpaw Wunpawng amyu sha ni hpung shang masai. Kasha ni hpaji grai kung ai hte du kaba/sarama kaba ni tai wa sai..
Rev. Lahtaw Gam.
Sara kaba Lahtaw Gam gaw Namhpaka, Hkalik kahtawng na re. Kaji aten hta Manmaw kaw jawng lung sai. Dai hpang Insein Myen Chyum Jawng de special jawngma hku lung la u ai. Mung Ji Hpung Up tai let sasana majen je sai. 2nd Kachin Rifle a Hpung up, Kutkai Hpung Up (Mungji hpung up tai let), Dumbang Hpung up, Kutkai Chyum Jawng sara, Myitkyina Ginwang a K/S dap hpa-awn, 1977 Jaw Masat hta Gaw Gap Hpa-awn etc.. tai sai. Campaign hkawm let sasana majen je grai woi je sai hte KBC a Hanson Htang Dip Gawng byin tai hkra hta n-ga KBC magma gun ni a providence Fund woi hpang sai. 
KBC a Labau hta Sara kaba Rev. Lahtaw Gam woi awn ai Nampaka La hpung ni gaw hpaji hpe tsaw ai hte amyu sha hpaji lam a kasi kaja hkringhtawng jaw da sai. Shanhte hkai da sai hpaji asi ni gaw Dr. Gam Seng Shae (Wunpawng sha ni hta shawng nnan na Ga Shaka Ningnan Chyum hpaji munu Ph.D), Dr. Maran La Raw (Wunpawng sha ni hta shawng nnan shinggan hpaji munu Ph.D), Dr. Lahtaw Gum Se (KTCS jawng up Usa), Sr. Kaba Hkangda Brang Gam (KTC Kutkai Jawng Up Usa, 7 Stars-KIA), Dr. La Wu (Lisu Chyumjawng Up Usa), Dr. Joshua Young (MBC Amu Madu Usa), Srm Kaba Lahtaw Ja Tawng (Lahta Tsang Jawng Up/Hpaji Du Usa), Dr. Seng Tawng (Tsidu/KTCS Trustee Nigbaw Usa), Dr. Lashi Labya Je Naw (Tsidu), Dr. Maran Ja Gun (KTCS Hpaji Up Usa) hte kaga law law amyu a, hpung a ningbaw ningla ni hpe shangai shapraw dat sai. Dai majaw Sara kaba Lahtaw Gam gaw Hpaji sasana majen je ai ningshawng mung rai nga ai law.
Bai hkringhtawng shachyaw ra ai lam ni:-
1. Ndai chyeju madu sara kaba ni yawng gaw tinang a akyu ntam ai sha kaja wa nan grai ap nawng ai ni re.
2. Shanhte a sasana majen je ai hta wenyi lam hta jan nna hpaji lam, hkai rem lam, hkam kaja lam ni the kaga machye machyang lam ni hta mung grai woi myi jahpaw ma ai.
3. Jinghpaw Chyum Laika Jawng garai n lu ai aten hta Sasana sara kaba ni e sharin ya ai hpe kang ka let sharin la nna hpung woi majen je nga ma ai. Nkau mi gaw Insein Myen Chyum jawng lung la lu nga ma ai. 
4. Kasha kashu ni hpe mung laika hpaji lam hta grai shakut ya ma ai. Nkau mi a kasha/kashu ni gaw masha law law hpe woi awn ai hte ningbaw ningla ni tai wa lu ai hpe mu lu nga ai. 
5. Hpung masha ni hpe gawan katsan ai hta grai n-gun dat ma ai. Lachyen ginhka nrai ai. Yesu a tsawra myit hpe madung dat ai. 
Daini anhte KBC hpung masha ni mung ndai shawng numshawn shaw majen je ai sara kaba ni galaw ai magam bungli ni hpe bai myit dum let shanhte jaw da ai sasana hkringhtawng hpe shachyaw let Tsawra ai myit hte teng man ai ga hpe tsun nga let Dinghku Sasana kaw nna Maigan de, grau nna Kachin Diaspora missions hpe aja awaq majen je let Maigan du KBC hpung masha ni hpe zinlum ai masing kawn Maigan mungdan shara law law de Sasana majen je let Hkristu a sakse ni tai wa saga law.
Mahta ai:-
- Rev. Dr. Saga Hkyen Naw a Lakjet
- Herman G. Tegenfeldt, A Century of Growth: The Kachin Baptist Church of Burma.  
-Gustaf A. Sword, Come What May.
- Rev. Marip Awng La - KBC Labau 
- Dr. Hpauyam Tu Htang (Nawku hpung Hpaji Ginra Lithkam) hte Sanhtai, KTC Alumni News Vol (1), 2014.
-Sara Myitung Sut Nau, Ja hte Lungseng Jubeli

Read more »

70 NING HPRING JANG SHANGLAWT LAWT SAI.


Chyum Laika Ningmu hte Kachin Karai Masa.
2018 ning hta gaw Britisha colony kawn Myen a colony hta bawng dung mat ai shaning 70 ning de anhte Kachin ni du shang wa sai. Chyum mungga hta Yuda masha ni gaw Babelon kaw shaning 70 ning bawng dung nna Shanglawt lu let Yerusalem bunghku hte Karai Kasang htingnu hpe bai gaw gap lu ma ai. Hpa majaw 70 ning hta Shanglawt ai mungdan hpe gaw gap lu ma ai kun? Chyum laika masa ningmu hte yu yu ga. Yerusalem Nawku Htingnu jahten sharun hkrum ai hte Babelon de bawng dung hkrum mat ai tim Karai Kasang gaw Yuda masha hpe shi a ga sadi hte maren magam bungli galaw u ai.
Yehowa ning nga ai: Babelon mare hta sanit shi (70)ning ladu hkrum jang, ngai nanhte hpe kawan katsan yu na nngai; ngai tawn da ai ga sadi hpe ngai nanhte a matu shadik nna, ndai ga de nanhte hpe bai wa shangun na nngai. (Yeremia 29:10)
722 BC aten hta Israela amyu lakung 10 gaw Asuri de bawng dung mat wa sai. 2 Hkawhkam 17:6 hta ning nga ka da nga ai. Hoshea hkaw dung ai jahku ning hta e, Asuri hkawhkam gaw Samari mare hpe lu la nna, Israela masha ni hpe Asuri mung de bawng rim wa sai. Ndai lakung 10 gaw amyu tingnan mat mat wa sai. Daini du hkra gara kaw nga ai hpe atsawm n lu sagawn ma ai. Yuda lakung hte Benjamin lakung sha Israela mungdan hta nga nga ma ai. 
Shaning 100 ning jan na ai hpang 605 BC aten hta Babelon hkawhkam Nebuhkadneza Yuda Hkawhkam Yehoiakim hpe lung gasat ai the Yehowa a htingnu nat kau, Yerusalem mare bunghku hpe mung run kau nna Karai Kasang nta na sutrai ni hpe la nhtawm Babelon mare na hkawhkam wa a nawku htingnu kaw tawn da u ai. Hkawhkam wa hte hpawn agyi salang, mung shawa ni hpe mung bawng masha hku woi mat ma ai. (2HkLb. 36:6-18). Yuda masha ni gaw shaning 70 ning bawng dung ai prat hta Karai Kasang hpe hkungga mung n lu jaw jau, amyu sha hte seng ai poi shingra mung n lu galaw rai nna Yerusalem mare, Ziun bum hpe dum let hkrap ngu hkrap ngoi, madai nga ma ai. 
Shaning 70 ning naq ai hpang Parsi (Persian) hkawhkawm Cyrus gaw Babelon hpe dang kau nna Medo-Persian Empire hpe gaw gap u ai. Ndai Persi hkaw hkam wa gaw bawng bung nga ai Yuda masha hta na kam ai ni yawng hpe Yerusalem mare de nhtang wa nna Karai Kasang a nawku htingnu gaw gap na matu shanglawt ahkan jaw dat u ai. Marai 43000 jan bawng kaw nna lawt nhtawm Yerusalem mare de nhtang wa ma ai. "Bavli" amyu mying ai Yuda masha ni gaw Babelon (daini na Iraq) kaw nna 1940 ning hpan e she bai Israel mung dang de bai nhtang wa ma ai.
70 Ning Bawng Dung Ten Hkyen Lajang ai lam ni.
Babelon e bawng dung ai shaning 70 hta Yuda masha ni sharin la ai lam law law lu la ma ai. Tinang a mungdan mung shamat, Karai a nawku htingnu ni htenza mat ai majaw myit htum shoi chyum hkrum tim, shanhte myit n dawq ma ai. Lani mi lawt lu na re ai hpe myit mada ala nga ma ai. Tsasam mungdan hta bawng dung nga timung Karai Kasang gaw shanhte hte rau mau hpa amu bungli galaw nga ai. Bawngdung nga ai aten hta Karai Kasang gaw shanhte myit ningma ni, arawn alai ni, myit jasat ni, makam masham ni hpe garam lajang tsi tsi ya u ai hte myit mada ai lam nnan jaw ya u ai.
1. Sumla Kadawng Naw ai hpe Koi Gam ai.
Babelon hta bawng dung ai aten shawng nnan sharin la lu ai lam gaw karai shaje sumla kadawng naw ai lam hpe koi gam ai lam re. Lai wa sai ten hta kaning mi rai rai, shanhte a makau grup yin e shing grup nga ai gawkngu sumla ni hpe yu matsat nna tinang a hkum hpe shachyoi shapra let Karai Kasang hpe sha nawku dingyawm ai lam re.
2. Laika Ka Sara hta Amyu a Laili Laika
Yerusalem mare, Karai a Nawku Htingnu ni hte tsang gang nga ai aten, bawng dung hkrum nga ai aten hta Scribes (laika ka sara/jawng sara) ni gaw grai ahkyak shara kaw magam bungli galaw ma ai. Shanhte a magam bungli madung gaw sharin achyin ai, woi awn ningshawng ai, Chyum laika hpe hkanzing ai lam ni re. Scribes ni hku nna Mishna hte Gemara ngu ai Rabbi – Tara sara ni hte seng ai laili laika (Rabbinical literature) woi ka shapraw ya ai. (Mishna ngu ai gaw Karai Kasang a Tara ni hpe n gup aga hte tsun hkai ai; Gemara ngu ai gaw Mishna a lachyun htai ya ai hte and hkapla hkannang hkansa ai htung lailen ni hpe ka mahkawng da ai). Ndai lahkawng gaw hpang daw hta Talmud ngu ai byin wa sai. Talmud ngu ai gaw Hebre ga hku hkaja ai, matsun madun ai ni lachyum re. Dai re ai majaw Talmud gaw Yuda htung hta Yuda labau, makam masham, htunglai len, htunghking, hkan sa ra ai tara ni a npawt tai wa sai. Ndai laili laika ni gaw amyu langai ngang grin na matu npawt nhpang tai ya sai.
3. Tara Jawng Ni
Yuda amyu masha ni hpawng chyawm na shara hte Nawku dawjau na shara Tara Jawng Ni (The Synagogues) gaw n nga n mai rai nga ai. Tinang a daidaw buga hte tsang gang nna bawng dung nga ai aten hta tara jawng ni gaw hpaji jawng ni tai wa sai. Tinang kadai re ai lam hpe chye lu hkra sharin achyin ya ai hpaji ginra tai wa ai. Bawng dung taw nga ai aten hta ndai Tara Jawng ni (The Synagogues) gaw makam masham, myu tsaw mung tsaw myit (national spirit) hpe gaw gap ya ai npawt gindai tai wa sai.
4. Chyum Mungga hpe Sharin Achyin ai
Yuda amyu masha ni gaw Karai Kasang a Chyum Mungga hta npawt da nna asak hkrung hkawm sa ai amyu ni rai ma ai. Chyum mungga ni hpe ka kahkyin mahkawng da nna ahkrit akrai hkaja ma ai. Hpa majaw bawng dung ra ai lam hpe shanhte a kashu kasha ni hpe tsun dan let lawt pru lu na lam a matu Chyum mungga hte la kap nna sharin ya ma ai. Ezra, laika ka sara, woi awn let chyum laika sharin ya ai, chyum laika a lachyum ni hpe hpyen dan let sharin achyin woi awn u ai.
5. Yuda Amyu Sha ni Kahkyin Gumdin Wa Sai 
Egutu hta bawng dung nga ai aten na zawn Babelon hta bawng dung nga ai aten hta dip sha roirip, tsim yam tsim dang, mayak, jam jau, shoi chyum shoi rang amyu amyu a majaw bawng dung nga ai Yuda masha ni shada, grau nna myit hkrum wa ai, woi awn ai ningbaw ni a npu hta shada da kahkyin gumdin wa ai, garun ningtum hkat wa ai, pu gang sin machyi rai wa ma ai. 
Amyu langai, mungdan langai bai gaw gap ra ai hpe grau myit hkawn wa ai. Ndai mahkrum madup hta tinang a hkung tinang jasan jaseng nna myit hkrum kahkyin gum din let Shanglawt lam hta hkawm sa wa ma ai. Nkau mi chyawm gaw ndai lam hpe myit n hkawn n shang lawm ai majaw Babelon kaw ngam kau da ma ai. Daini mat mat ai amyu tai mat wa masai.
Shaning 70 Yuda Masha Ni Bawng Dung ai hte Kachin Wunpawng ni.
Yuda Masha ni shaning 70 bawng dung ai hte Kachin Wunpawng ni a lam gaw hpa gaw n seng ai, rai timung sharin la ra ai lam ni law law rai nga ga ai. Babelon de chye chyang ai ni, sut gan ni yawng Hkawhkan Nebukhkadneza woi mat wa ai zawn dai ni mung ram ai ni yawng Myen mung de, mungkan de bra ayai mat wa ai. Sut gan ni yawng Myen mung de, mungkan de bra ayai wa sai. Lamu ga mung Kachin ni n madu, tsasam ni she madu mat wa sai. Balelon kaw bawng dung nga ai hte hpa n shai mat sai. 
1948 ning myen mung shanlawt lu ai aten hta Yangung mare kaba hta Kachin ni dum nta hte hkrak rai ai htingggaw 5, n nga na re, raitim daini gaw hti n dang sai. Kachin ni aq Babelon Myen mung de lam amyu myu a majaw htawt shingbyi mat ai ni mun kaba lam she rai mat sai. Yuda masha ni zawn bawng lawt ai aten hta tinang a mungdan Kachin Home Land de bai nhtang wa na ni gaw lawm nga ma ai kun? Ezra zawn Nehemiah zawn woi awn ningshawng na ni gaw paw pru wan a kun? 
Bawng dung nga ai aten hta Yuda amyu masha ni zawn anhte Kachin ni hkyen nga ga ai kun?
Dai ni Kachin ni na mabyin hpe bai myit yu, sawn dinglik yu ga.
Dai ni Jinghpaw Wunpawng sha ni a gam maka gaw myit sawn yak ai (critical) byin nga ai aten re. Masha amyu ni grai aw law hkrum ai rai tim, kata lam yu dat yang nsin chyip naw rai nga ai. Anhte a dai lup dai hpang, anhte a mungkan hpe praw di yu dat yang gaw gap ra nga ai lam ni hte shading sharai ra ai lam ni ndang tsun hkra law la nga ai. 
1. Anhte daidaw mungdan madu amyu (Ethnic Nation) rai nga ga ai. Shawng lam de prat hpe dep ai hku matut nga pra sa wa na re ngu ai masing masat grang da ai lam (Blue print of Nation Building) lu nga sai kun? Kade a lit rai nga ai kun?
2. Kachin ngu ai myu ni ning re ma ai ngu ai anhte a (Nation Image) nga sai kun?
3. Masha kaga amyu hte ganawn mazum ai shaloi, ahtawk ahtak ai shaloi, tsap na ngang grin ai Wuhpawng (Healthy Society) ngu sai kun? N nga yang kadai gaw gap na lit nga a ta?
Karai Kasang gaw shi tawn da ai ga sadi hpe shadik ai wa rai nga ai. Dai rai yang, Kachin amyu sha ni a matu Karai Kasang gaw kaning re ai ga sadi ni tawn da ya ai kun? Shaning 70, 80, 90, shing n rai 100 ning kun? Shing n rai yang mung Karai a pawt sindawng ai naw hkrum nga ga ai kun? Anhte Kachin ni a tsin-yam hkrun lam ndai galoi she htum na kun? Karai Kasang hta anhte Kachin ni a matu shingran katsi mat sai kun? Sawn ginhka dinglik yu ra nga sai. 
Yehowa ning nga ai: Nanhte a lam ngai myit ai hku, ngai chye nga nngai: nanhte hpe jahten na n rai; nanhte myit mada ai lam, htawm hpang e lu la hkra, ngwipyaw ai hku hkrai ngai myit nga nngai. (Yerimiah 29:11)
Palawng Naw Tawng
Refences:- 
Chyoi Pra ai Chyum Laika 
The Expositor’s Bible Commentary 
Dr.Maran La Raw a Lak Jet
LikeShow more reactions
Comment

Read more »

Yesu gaw Damaq (Dauma) wa re.


Jinghpaw Wunpawng Htunghking hta Mayu, Damaq, Kahpu Kanau ngu ai gaw ahkyak htum re. Numwawn Numla ai lam htaq Damaq ni gaw Mayu Du ni hpe jaw ya ai ja hpaga hpe HPU ngu tsun ai. 
Mayu Du ni hku nna Damaq ni hpe bai jaw ai hpe sharung shakau ngu tsun ai. Sara Kaba Ola Hanson gaw anhte a ndai ahkyak ai htunghkring hpe akrit akrai chye na ai wa re.
Dai re majaw Chyum laika hpe gale ai shaloi Mayu Du ni hku nna jaw ya ai Sharung Shakau a lam hpe Ningpawt Ninghpang 30:20 hta mu lu ai.
NN 30:20 Dai rai nna Lea gaw, Karai Kasang ngai hpe sharung shakau kaja jaw ni ai; ya chyawm gaw, nye a madu wa a matu shadang sha kru shangai ya se ai rai nna, shi ngai hte rau anga nga na sai, nga nna shi hpe Zebulun ngu shamying wu ai.
Mayu, Damaq ngu ai htunghking n nga ai Myen ni English ni a Chyum Laika hta dowry (HPU) Let Hpoit (လက္ဖြ႕ဲ) sha lawm ai. Rai ti mung Sara Hanson gaw anhte a Mayu ni hku shaman dat ya ai htunghking hpe atsawn chye ai majaw HPU ngu na malai Sharung Shakau nga nna lang da ai.
Dai re ai majaw anhte Jinghpaw Wunpawng sha ni a htunghking hku yu ai shaloi Karai Kasang gaw Mayu Wa zawn shaman ya ai wa re ngu mu lu ai.
Sharung shakau ngu ai gaw Mayu du ni hku nna Damaq du ni hpe shaman nna jaw ya ai kungdawn kumhpa hpe tsun ai. Ndai sharung shakau shingnoi hta shinggyim masha ni a npawt nhpang ra kadawn ai sut ni rai nga ai hkai nmai nai mam li, nhtu, di, hkra, Sali wunli, mayat maya lam, buhpun palawng ni bawn bang maq ai. 
Ndai hkinghtawng gaw matsaw ningtsa Lamu Madai ni hte Mayu daw ai kaw na lang hkrat wa ai lam rai nga ai.
NN 30:20 hta mung Karai Kasang gaw Lea hpe sharung shakau kaja jaw ya ai hte shaman chyeju Sali wunli hkamla lu ai lam hpe mu lu ai. De a jaw e Lea a hkritung kaw nna Yuda hpe shaprat ai. Yuda sai kaw na Dawi, Dawi kawn Yesu Hkristu yu hkrat wa ai hpe mu lu ai. Dai majaw Karai Kasang gaw Mayu du maga nga nna Lea hpe shaman ya ai wa re hpe mu lu ai.
Rai ti mung Yesu Hkristu gaw anhte a Dama wa she re, Mayu wa n re. Yesu Hkristu gaw Dama wa, La Nnan re. Yesu hpe kam sham ai anhte Hkristan ni gaw Yesu a Num Nnan ni rai ga ai. Yesu Hkristu bai du sa ai shaloi Sungsing hkungran poi kaba hta hkungran poi shang na ni rai ga ai (Shingran 19:9). 
Yesu gaw shi a num nnan kam sham ai ni hpe grai tsawra ai majaw Wudang Ntsa hta sai hkaw let, si hkam nna manu jahpu jaw let mari la sai. Kam sham sai Hkristan ni gaw Yesu Hkristu hte Liklai galai sai ni re. Yesu Hkristu a Liklai gaw Chyoi pra ai Wenyi nan re (Yawhan 14:26)
Jinghpaw Wunpawng sha ni a htunghkring hta mung La nnan ngu ai gaw Num nnan hpe Hpu Ja Hpaga law law jaw nna hkungran la na matu ri nhtu lu ai wa hpe tsun ai. Hkungran ai poi hta kumbang shalai ai shaloi mung u, wa ni hpe htau nna sai hkaw let hkungran la ai. 
Damaq ni gaw La Nnan tai na matu Num nnan hpe manu shadan nna Hpu Ja law law jaw yang she La nnan mai tai nga ai. Dai hte maren Yesu gaw Wudang ntsa hta sai hkaw let gawng malai tai nna anhte hpe mari la ai Damaq wa rai nga ai.
Lahta e tsun lai wa sai lam ni gaw, Karai Kasang gaw Mayu wa, Yesu gaw Damaq wa ngu ai hku sawn la na matu n re. Karai Kasang gaw Kawa langai hku nna Mayu, Daumaq yawng hpe hpajang ya ai wa, shaman ya ai, shabyin ya ai wa re. Karai Kasang gaw Damaq wa hku nna Shi a kasha Yesu hpe dat ya nna manu jahpu jaw let Num Ningnan kamsham ai ni hte Hkunran na matu tsawra myit kaba hte gingjang lam tam ya ai wa rai nga ai. (Yawhan3:16)
Laklai ai lam gaw Yaku a kasha 12 hta na Karai Kasang a sharung shakau hte shaman dat ai Lea a hkritung kaw na hkrat ai Yuda, Yuda a lakung kaw na she La nnan Hkyela madu Yesu shangai wa ai. Yuda lakung she Karai Kasang lata la ai amyu, daini du hkra nga ai Israel mungdan hpe up ai amyu tai wa sai. Ngam ai lakung ni gaw dam mat ai amyu tai wa ai.
Daini chyum hpaji hka ja ai ni Contextual Theology (Shingra, Buga, Htunghking hte htap htuk ai Karai Masa) grai ahkyak ai nga tsun shajang ga ai. Jinghpaw Chyum Laika hpe akrit akrai hti hkaja magang Sara Kaba Ola Hanson gaw contextualized galaw da ya ai chyalu re ai hpe mu magang, mau magang rai ai law. 
Dai majaw Sara Kaba Ola Hanson hpe nachying wa chyeju dum ga ai hte Jinghpaw Wunpawng sha ni a htunghking gaw Karai Kasang a mungga hpe grau nna chye na hkawn hkrang shangun nga ai law.
By : Sara Plawng Naw tawng

Read more »

Jinghpaw Mung Ningbaw Duwa Lahpai Zau Lawn. (1953-1956)

Jawng Up Sara: Amyu Sha Ni A 
Dinghku Shachyip Shachying Ya Ai Wa.
Jinghpaw Mung Ningbaw Duwa Lahpai Zau Lawn. (1953-1956)
Duwa Lahpai Zau Lawn gaw Manmaw Ginwang Zinlum mare na Panghuk Duwa a kasha re. No. 2 mungkan majan n du shi a aten hta tsang 10 hte sara tai sanpoi hpe awng dang la ngut ai hpang manmaw mare A.B.M jawng kaw jawng up sara kaba lit hpe gun hpai ai. Duwa Zau Lawn gaw Jinghpaw Wunpawng sha ni hta na shawng nnan Mung Masa myi hpaw ai Ningbaw Ningla re. Mungkan majan byin wa na aten hta Jawng Up bungli galaw let Manmaw mare makau grupyin hkan mung maden Englik ni hpe ninghkap na matu hte amyu sha ni lawt lu let Jinghpaw Wunpawng Mungdan gawgap na matu mung masa myit jasu ya ai bungli woi awn galaw ai. Jinghpaw Wunpawng amyu sha ni hpe lawt mayu ai myit masin bang ya ai shawng nnan na ningbaw langai mi re. Japan majan prat hta Duwa Lahpai Zau Lawn gaw Japan ni hpe ninghkap ai lam hpe woi galaw ai. Japan ni hpe rawt malan ninghkap na matu masha n-gun, malu masha mahkawng let woi awn sa wa sai.
Japan majan ngut ai hpang Jinghpaw Wunpawng amyu sha ni a matu ap nawng let mung masa shamu shamawt ai lam hta ningshawng tai let Myitkyina, Manmaw hte Sam mung hta shanu nga ai Jinghpaw Wunpawng sha ni kahkyin gumdin na matu grai shakut lai wa sai. 
1946 ning January 14-15 ya shani Myitkyina e galaw ai Japan ni hpe dang mangaq lu ai Padang Dip manau byin tai awng dang hkra woi galaw sai. Ndai Padang Manau Poi htaq Jinghpaw Wunpawng buga ginra shara shagu na mung chying sha 5,000 ram du zup ai. Ndai Padang manau poi gaw shawng nnan na lang mung masa lam hte seng nna Jinghpaw Wunpawng ni du zup ai lam rai nga ai. Manau poi hta Duwa Lahpai Zau Lawn gaw tingyang up hku woi awn sai. Ndai Padang Manau gaw Jinghpaw Wunpawng amyu sha ni lawt lu na matu n-gun ban ya ai hte kahkyin gumdin hpang ai poi kaba rai sai. 
Awng San wa hte shawng nna hkrum zup let zuphpawng hpawng ai hta Duwa Lahpai Zau Lawn hte Sama Duwa gaw grai ahkyak ai Jinghpaw Salang yan re Panglung ga sadi hta Jinghpaw salang langai hku nna ta masat htu lawm sai. Myen mung shanglawt lu ai hte shawng ningnan na Jinghpaw mung a lit hpe woi awn let Jinghpaw Mungdaw hpe madang dep prat hpe hkan shachyut lam woi lai wa sai. 
1948 ning March hta Kachin National Congress (K.N.C) woi awn hpaw hpang let Ningbaw tai lai wa sai. Sama Duwa hte Duwa Lahpai Zau Lawn yan a mung masa shingjawng lam a majaw Jinghpaw Wunpawng sha ni mung masa lam hta grau nna myi hpaw wa sai. Sama Duwa Sinwa Naw hpe Sam, Myen, ni grau ra sharawng nna Duwa Lahpai Zau Lawn hpe Jinghpaw Wunpawng sha ni grau ra sharawng madi shadaw ma ai. Ndai zawn Sama Duwa Sinwa Naw hte Duwa Lahpai Zau Lawn gaw shawng nnan na Jinghpaw Wunpawng sha ni a mung masa ninghkring ni rai ma ai. 1953-1956 shaning July shata du hkra Jinghpaw mungdaw a Ningbaw tai lai wa sai. 1948-1960 Ne Win wa a Ing Tsawk Asuya prat hta Jinghpaw ningtau ningbaw bai galaw sai. 
Duwa Lahpai Zau Lawn gaw Hpimaw, Gawlam, Kanghpang lamu ga hpe Miwa ni hpe jaw ya kau ai lam hpe kachyi mi pyi myit n hkrum lawm ai. Bukdah nawku htung hpe Myen mungdan a nawku htung shatai ai lam hta mung grai ninghkap myit n hkrum lawm ai. Laknak lang Jinghpaw Wunpawng Mungdan gawgap ai lam hpe n ra sharawng ai sha Jinghpaw Wunpawng amyu sha ni tinang a gam maka hpe tinang hparan lu ai ahkaw ahkang hte tara, Upadi kata hta simsa nga pyaw na hpe ra sharawng ai.
1947 ning Myen mung a Gawda ai Tara, Daw kaba 10, Daw Kaji 201 htaq rawng ai hte maren FEDERAL hpyi na matu 1961 ning Sam Mung, Taunggyi kaw galaw ai Federal Union zuphpawng hta mung Kachin amyu sha yawng a malai ningbaw tai let woi awn bawng ban sai.
Duwa Lahpai Zau Lawn gaw jawng Up Sara re ai majaw ali ama grai lu ai. Ga tsun shaga ai lam hta grai ram ai. Jinghpaw Wunpawng mung masa lam hta grai gumhkawng ai wa re. Mung masa magam bungli hta kangka let tinang a matu tingnyang myit kachyi mi pyi n rawng ai sha myu sha yawng a matu shakut lai wa sai. Myit masa san seng nna a san brang lang tsun chye ai wa re. Magam bungli masan sa wa hkra grai lam woi awn hparan chye ai. Mungdan a ahkaw ahkang hpe tinang akyu a matu jai lang ai lam n nga ai sha mungdan mung shawa a ntsa grai sadi dung ai ningbaw rai nga ai law.
Duwa Zau Lawn a arawng Wundan: Jinghpaw Wunpawng sha ni hta Hkawhkam n nga yu ai majaw “DU” ngu ai ni gaw Jinghpaw amyu sha ni hta kaba dik arawng arawng shingteng rai nga ai. Myen mung shanglawt lu nna Kachin State Jinghpaw Mung, lu na lam ni hta Sama Duwa Sinwa Naw hte rau si ntsang da kat dara lawm sai myu tsaw duwa rai nga ai. Jinghpaw mung ningbaw tai ai aten hta:
1. Shi ningbaw galaw ai aten kadun laq ai rai tim, Jinghpaw mung dinghku hta shawng shachyip shachying ra ai amu kaba ni ram ram galaw hpang wu ai. Amu ni gaw jawng law law galaw ya ai, Lam ni, mahkrai ni, hkailu hkaisha lam ni hta na Kahpri (coffee) hkai shangun ai, Lai (latung) yaw na Labyiq sun galaw shangun ai, Kumshu sun ni shachyen shangun ai. Namti jumdwi jak hte Manmaw jumdwi jak woi galaw shangun ai. Hkauna galaw sha ai ni mung Duwa Zau Lawn a prat hta grau lu hkoi lang ai nga tsun maq ai.
2. Shi a yaw shada ai lam ni hpe yu dat ai shaloi, Jinghpaw Mung a lu su ngamu ngamai ai lam hte hpaji hparat kunghpan wan a lam hpe madung tawn ai hpe mu lu nga ai. 
3. Shi aq aten htaq Jinghpaw Mung Simsa ai.
4. KNC (Kachin National Congress) hpung hpe Kaba wan a matu KNC hte shai ai ni hpe rim gyit ai lam ni nna yu ai.
5. Asuya amu gun ai ni hpe mara tam nna shapraw kau ai, waw htawt le htawt re ai lam nna yu ai.
6. Matsa mawa n chye tsun ai. Manang wa matsa tim matsa ai hku n re ai sha nhtang hpyan dan chye nga ai. 
Duwa Zau Lawn hpe law law shakawn ai lam law law nga na re, raitim ndai ni gaw ahkyak htum ni rai nga ai. 
Sawk Ka ai – Palawng Naw Tawng
Jinghpaw Prat No. 39, Gup Tung Ta 14, 1959.
Jinghpaw Prat No. 40, Augut shata 1959.
Kachin State Annual Magazine, 1960.

Read more »

Tuesday, October 3, 2017

တန္းတူညီမွ်ေရး ႏွင့္ ဖယ္ဒရယ္က်င့္သံုးမလား (သို႔မဟုတ္) ခြဲထြက္ၾကမလား (Egalitarianism and Federation (or) Secession)

By M naw Mai
အီရတ္ (Iraq ) ႏိုင္ငံရွိကိုယ္ပိုင္အုပ္ခ်ဳပ္ခြင့္ရ ကာတစၥတန္ ( Kurdistan) ေဒသတြင္ (၂၅-၉-၂၀၁၇) ရက္ေန႔၌ အီရတ္ မွခြဲထြက္ကာကိုယ္ပိုင္လႊတ္လပ္ေရးယူမယူဆႏၵမဲကိုေဒသဆိုင္ရာအုပ္ခ်ဳပ္သူမ်ားစီစဥ္ေပးမႈျဖင့္ျပဳလုပ္က်င္းခဲ႔သည္။ 
မဲေပးပိုင္ခြင့္ရွိသူ (၇၂%) မွလာေရာက္မဲေပးၾကၿပီး၊ ေထာက္ခံမဲ (၉၂%) ျဖင့္ခြဲ
ထြက္မည့္အဆိုကအႏိုင္ရရွိသြားသည္။ သို႔ေသာ္လည္းအီရတ္ ဗဟုိအစိုးရမွ၄င္းဆႏၵမဲေပးမႈကိုပယ္ခ်ခဲ႔ကာစီစဥ္ေပးေသာျပည္နယ္အာဏာပိုင္မ်ားကိုလည္းအေရးယူမည္ဟုေၾကျငာသည္။ ကဒ္လူမ်ိဳး (Kurdish) သည္အီရတ္ႏိုင္ငံတြင္ (၆) သန္းခန္႔သာရွိေသာ္လည္း ဥေရာပ၊ ေျမာက္အေမရိက၊ သမုဒၵရာကၽြန္းစု စေသာေဒသမ်ားတြင္ပ်ံ႕ႏွံ႕ေနထိုင္ေနေသာကဒ္လူမ်ိဳး (Kurdish) မ်ားစုေပါင္းလိုက္ပါက ကမၻာေပၚတြင္ ကဒ္လူမ်ိဳး (Kurdish) သန္းေပါင္း (၃၀) မွ (၄၅) သန္းအထိရွိႏိုင္သည္ဟုခန္႔မွန္းၾကသည္။ ထို႔ေၾကာင့္ကမၻာေပၚရွိ ႏိုင္ငံမရွိေသးေသာလူမ်ိဳးမ်ားထဲတြင္လူဦးေရအမ်ားဆံုးေသာလူမ်ိဳးဟုပင္ဆိုႏိုင္ေပသည္။
အီရတ္ႏိုင္ငံမွကဒ္လူမ်ိဳး (Kurdish) မ်ားဆႏၵမဲေကာက္ခံခဲ႔ျခင္းကိုေဘးပတ္၀န္းက်င္ႏိုင္ငံျဖစ္ေသာ တူရကီ(Turkey) ႏွင့္ အီရန္ (Iran) ႏိုင္ငံမ်ားက ၄င္းတို႔ႏိုင္ငံသို႔ကူးစက္လာမည္ကိုစိုးရိမ္ေနၾကသည္။ တူရကီ (Turkey) တြင္ကဒ္လူမ်ိဳး (၁၄.၅) သန္း ႏွင့္ အီရန္ (Iran) ႏိုင္ငံတြင္ကဒ္လူမ်ိဳး (၆)သန္းခန္႔ရွိေနေသာ
ေၾကာင့္ျဖစ္သည္။ ကဒ္တို႔၏ရည္မွန္းခ်က္သည္လည္း အီရတ္၊ အီရန္၊ တူရကီ ႏွင့္ ဆီးရီးယားရွိကဒ္နယ္ေျမမ်ားကိုစုစည္း၍ ကာတစၥတန္(Kurdistan) ႏိုင္ငံထူေထာင္ရန္ျဖစ္သည္။ ဆီးရီးယားတြင္လည္းကဒ္လူမ်ိဳး (၂) သန္းခန္႔ရွိသည္။ 
အေမရိကန္ ကလည္းကဒ္လူမ်ိဳးမ်ားခြဲထြက္မည္ကိုစိုးရိမ္သည္။ အဘယ္ေၾကာင့္ဆိုေသာ္ အီရတ္နယ္ေျမမ်ားကိုတစ္ခုၿပီးတစ္ခုသိမ္းပိုက္ထားေသာ အစၥလမ္မစ္ႏိုင္ငံေတာ္အၾကမ္းဖက္အဖြဲ႕ (IS) အားတိုက္ခိုက္ရန္အေမရိကန္ကကူညီေထာက္ပံ႕ေပးေနေသာကဒ္စစ္တပ္မွဆက္လက္မတိုက္ခိုက္မည္ကိုစိုးရိမ္ေသာေၾကာင့္ျဖစ္သည္။ ကဒ္စစ္တပ္မွအမ်ိဳးသမီးတပ္ဖြဲ႕ကို (IS) အစၥလမ္မစ္ႏုိင္ငံေတာ္တပ္ဖြဲ႕မွ လြန္စြာေၾကာက္ရြံ႕ၾကသည္။ အမ်ိဳးသမီးလက္ခ်က္ျဖင့္ေသဆံုးသြားပါက ဂ်ာနဒ္ဟ္ ဟုေခၚေသာေကာင္းကင္ဘံုသို႔မေရာက္ရွိႏိုင္ဟုယံုၾကည္ေနၾကေသာေၾကာင့္ျဖစ္သည္။
အေရွ႕အလယ္ပိုင္းမွ ကာတစၥတန္ႏိုင္ငံထူေထာင္ရန္ႀကိဳးပမ္းေနခ်ိန္တြင္ဥေရာပတိုက္တြင္လည္း စပိန္ႏိုင္ငံအတြင္းရွိ ကက္တလန္ (Catalan) လူမ်ိဳးမွ ကက္တလိုးနီးယား (Catalonia) ႏိုင္ငံထူေထာင္ႏိုင္ေရးအတြက္ဆႏၵမဲေကာက္ခံရန္ႀကိဳးပမ္းေနၿပီျဖစ္သည္။ ဤႀကိဳးပမ္းမႈကို စပိန္ဗဟိုအစိုးရမွလည္းဟန္႔တားေနသည္။ ဘာစီလိုးနား (Barcelona) ဆိုလွ်င္ေဘာ္လံုး၀ါဒနာရွင္မ်ားမသိသူရွားေပလိမ္႔မည္။ ဘာစီလိုးနား(Barcelona) သည္ ကိုယ္ပိုင္အုပ္ခ်ဳပ္ခြင့္ရ ကက္တလိုးနီးယား(Catalonia) ေဒသ၏ ၿမိဳ႕ေတာ္ျဖစ္ၿပီးစပိန္ႏိုင္ငံ၏ဒုတိယအႀကီးဆံုးၿမိဳ႕လည္းျဖစ္သည္။ ကက္တလိုးနီးယား (Catalonia) ေဒသသည္လူ
ဦးေရ (၆) သန္းေက်ာ္ရွိေသာ္လည္း ဘာစီလိုးနားၿမိဳ႕တြင္ (၄.၆) သန္းေက်ာ္စုၿပံဳေနသည္။ စပိန္ႏိုင္ငံတြင္တည္ရွိေသာ ကက္တလိုးနီးယားေဒသႏွင့္ဆက္လ်က္ရွိၿပီး ျပင္သစ္ႏိုင္ငံပိုင္နက္အတြင္းေရာက္ေနေသာ ကက္တလန္(Catalan) လူမ်ိဳးမ်ားေနထိုင္ေနေသာေဒသကို ေျမာက္ပိုင္းကက္တလိုးနီးယား
(North Catalonia) ဟုေခၚသည္။ 
ကက္တလန္လူမ်ိဳးမ်ားသည္ကိုယ္ပိုင္စာေပရွိေသာ္လည္းေျမာက္ပိုင္းကက္တလိုးနီးေဒသတြင္ (၂-၄-၁၇၀၀)ရက္ေန႔မွစ၍၄င္းတို႔၏ဘာသာစာေပအသံုးျပဳမႈကိုျပင္သစ္ဘုရင္ လူး၀ီစ္((၁၄) (Louis XIV) မွတရား၀င္တားျမစ္ထားသည္။
ျပင္သစ္တြင္ ကက္တလန္စာေပကို (၂၀၀၇) ခုႏွစ္မွစ၍အသံုးျပဳခြင့္ရရွိသည္။ 
စပိန္ႏိုင္ငံအတြင္းရွိကက္တလန္လူမ်ိဳးမ်ားကိုလည္း၄င္းတို႔၏စာေပအသံုးျပဳခြင့္ကို စစ္အာဏာရွင္ဘုရင္ ဖရန္႔ဆစ္ကို ဖရန္ကို (Francisco Franco) ေခတ္ (၁၉၃၉ - ၁၉၇၅ ) ခုႏွစ္အတြင္းတြင္ ပိတ္ပင္ထားသည္။ ဖရန္႔ဆစ္ကို ဖရန္ကို (Francisco Franco) နတ္ရြာစံၿပီးစပိန္ႏိုင္ငံတြင္စည္းမ်ဥ္းခံဘုရင္စံနစ္ (Constitutional Monarchy) ကိုက်င့္သံုးသည့္အခ်ိန္မွစ၍ကက္တလန္စာေပကိုျပန္လည္အသံုးျပဳခြင့္ျပဳခဲ႔သည္။ 
အီရတ္ႏွင့္စပိန္ႏိုင္ငံမွခြဲထြက္ရန္အတြက္ႀကိဳးပမ္းေနေသာကဒ္လူမ်ိဳးစုႏွင့္ကက္တလန္လူမ်ိဳးစုအသီးသီးတို႔ကိုသက္ဆိုင္ရာအာဏာပိုင္မ်ားမွႏွိပ္ကြတ္ေနသည္ကိုေတြ႕ရ၏။ သို႔ေသာ္လည္းဖိႏွိပ္လိုက္ျပန္ၾကြတက္လာလိုက္ႏွင့္ျဖစ္စဥ္သည္မည္သည့္အခါမွၿပီးဆံုးႏိုင္မည္မဟုတ္ေသာေၾကာင့္မွန္ကန္ေသာေျဖရွင္းနည္း
ေတာ့မဟုတ္ပါ။ ႏိုင္ငံေတာ္၏အုပ္ခ်ဳပ္မႈစံနစ္ကိုျပန္လည္သံုးသပ္အေျဖရွာမွသာလူမ်ိဳးစုမ်ားႏွင့္အုပ္ခ်ဳပ္သူ တို႔ ႏွစ္ဦးႏွစ္ဘက္ေျပလည္ႏိုင္ေသာ (Win – Win) ရလဒ္ကိုရႏိုင္မည္ျဖစ္သည္။
အီရတ္ႏွင့္စပိန္ႏိုင္ငံတို႔က်င့္သံုးေနေသာအုပ္ခ်ဳပ္မႈစံနစ္သည္တစ္ျပည္ေထာင္စံနစ္ (Unitary State System) ျဖစ္သည္။ မတူညီေသာလူမ်ိဳးစုမ်ားျပားေသာႏိုင္ငံ ( Heterogeneous Country) တြင္လူမ်ိဳးစုတစ္စု၏အမည္နာမကိုႏိုင္ငံေတာ္၏အမည္အျဖစ္မွည့္ေခၚျခင္းသည္လည္းေကာင္း၊ လူမ်ိဳးစုတစ္စုသာ
ႀကီးစိုးအုပ္ခ်ဳပ္လွ်င္ေသာ္လည္းေကာင္း၊ တန္းတူညီမွ်ေရးမူ၀ါဒ
(Egalitarianism) ကိုမ်က္ကြယ္ျပဳျခင္းသည္လည္းေကာင္း၊ ဖယ္ဒရယ္ျပည္ေထာင္စုစံနစ္ကိုမက်င့္သံုးလွ်င္ေသာ္လည္းေကာင္းထိုတိုင္းျပည္သည္အစဥ္အၿမဲမၿငိမ္မသက္ျဖစ္မည္မွာေသခ်ာသည္။ ဥပမာ၊ ကမၻာ့ဒုတိယစစ္အင္အားအႀကီးဆံုးႏိုင္ငံျဖစ္ေသာဆိုဗီယက္ျပည္ေထာင္စု (Soviet Union)ကိုေလ႔လာၾကည့္လွ်င္ျပည္ေထာင္စုဟုသာနာမည္တပ္ထားေသာ္လည္း ရုရွားလူမ်ိဳးသာႀကီးစိုးအုပ္ခ်ဳပ္ခဲ႔ေသာေၾကာင့္ေနာက္ဆံုးတြင္ႏိုင္ငံေတာ္သည္အစိပ္စိပ္အမႊာအမႊာၿပိဳကြဲခဲ႔ရသည္။
ၿဗိတိန္ (United Kingdoms) သည္လည္းမတူညီေသာလူမ်ိဳးစုမ်ားျဖင့္ဖြဲ႕စည္းထားေသာႏိုင္ငံျဖစ္သည္။ Egalitarianism ဟူေသာတန္းတူညီမွ်ေရးမူ၀ါဒကိုအထူးအေလးထားကာႏိုင္ငံေတာ္အုပ္ခ်ဳပ္ေရးဥပေဒကိုျပ႒ာန္းထားသည္။ အုပ္ခ်ဳပ္သူလူမ်ိဳးစု၊ တိုင္းရင္းသားလူမ်ိဳးစုဟူ၍သတ္မွတ္ထားျခင္းမရွိ။ လူမ်ိဳးစု
မေရြး၊ ႏိုင္ငံသားတိုင္း တိုင္းျပည္ကိုအုပ္ခ်ဳပ္ပိုင္ခြင့္ရွိသည္။ ၿဗိတိႏိုင္ငံတြင္
အာဏာအရွိဆံုးရာထူးျဖစ္ေသာ၀န္ႀကီးခ်ဳပ္အျဖစ္ အဂၤလိပ္လူမ်ိဳးသာမဟုတ္လူမ်ိဳးစုမ်ိဳးစံုျဖစ္ခဲ႔ဖူးသည္။ ဥပမာ၊ Harold Mac Millam, Alec Douglas-Hom , Tony Blair စေသာသူတို႔သည္ စေကာ့တ္လူမ်ိဳး ၀န္ႀကီးခ်ဳပ္မ်ားျဖစ္ၾကသည္။
ၿဗိတိန္တြင္ေျမာက္ပိုင္းအိုင္ယန္လန္ျပည္နယ္မွခြဲထြက္လိုသူမ်ားရွိေသာေၾကာင့္အစိုးရမွမဲပံုးေထာင္ေပးကာဆႏၵမဲေကာက္ခံေစခဲ႔သည္။ ခြဲထြက္လိုသူအုပ္စုရႈံးနိမ္႔၍ေပါင္းစည္းလိုသူအုပ္စုအႏိုင္ရေသာေၾကာင့္တိုင္းျပည္သည္မၿပိဳကြဲခဲ႔ပါ။ ေနာက္တစ္ႀကိမ္စေကာ့တလန္ျပည္နယ္တြင္လည္းအလားတူျဖစ္လာေသာ
ေၾကာင့္မဲပံုးထပ္မံေထာင္ေပးကာဆႏၵမဲေကာက္ခံေစသည္။ ေပါင္းစည္းလိုသူသာထပ္မံအႏိုင္ရေသာေၾကာင့္ၿဗိတိန္ႏိုင္ငံသည္ခိုင္ၿမဲသည္ထက္ခိုင္ၿမဲလာခဲ့သည္။ မၿငိမ္မသက္မႈမ်ားကိုမဲပံုးေထာင္ေပးရံုႏွင့္ေျဖရွင္းၿပီးသြားခဲ့သည္။ အင္အားသံုးေျဖရွင္းရန္ပင္မလိုပါ။ အမွန္မွာခြဲထြက္ပိုင္ခြင့္၊ ေပါင္းစည္းပိုင္ခြင့္သည္ဌာေနတိုင္းရင္းသားမ်ား၏မူလအခြင့္အေရးပင္ျဖစ္သည္။ မခြဲထြက္ခ်င္ေအာင္လုပ္ရန္မွာႏိုင္ငံကိုအုပ္ခ်ဳပ္သူ၏တာ၀န္သာျဖစ္သည္။
Sai Murngkhon

Read more »

Thursday, September 21, 2017

Wednesday, September 20, 2017

Shing Kang Rawng wa Banang


Mungga-- Rev. Marip Bawk San 

Read more »

Monday, September 18, 2017

Galai shai wa ai Jinghpaw mung Myitkyina


Htung La FB
0 hrs
Jinghpaw mung shiga..
* Jinghpaw mung kaw ya ten gumhpraw amount law law hte chyai ai business ni yawng hkring taw nga ai. Amount law law hte transaction galaw ai lam ni n nga taw ai. Gumhpraw n chyai taw ai(sluggish economy in Kachin State)
* Myitkyina BEHS 1 hte BEHS 3 lapran na Clock Tower makau kaw Miwa ဘံုေက်ာင္း kaba law ai nga taw sai. Dai ဘံုေက်ာင္း gap shara hpe moi shawng de dut jaw kau ai gaw Jinghpaw ni re. 
* Mogaung myu gaw moi de lungseng a majaw business grai byin tim, ya gaw hkraw hkraw rai mat sai.
* Mogaung, Nam ti, Mognyin hkan na Miwa ni gaw Myitkyina de htawt shang wa sai. 
* Jinghpaw mung na myu kasha hkan na loi li lu su, chye chyang ai ni gaw Myitkyina de htawt shang wa ai majaw, Myitkyina kaw Jinghpaw, Myen, Miwa, Gala, Rakhine masha hpan hkum hkra population growth nga taw ai.
* Mye Myint Nbungli pa sa lam na Malizup Hospital hpe shap mayu ai masha nga yang, shap ya na lam chye lu ai
* Moi gaw Myitkyina a 'myu hka-ang' gaw 'Myu Ma' rai tim, ya gaw Myu Ma kaw shara chyat wa sai majaw, 'Myu' gaw 'Myu Thit' maga de 'expand' wa sai lam chye lu ai
* Jinghpaw mung kaw သာ မန္ (yu maya)Jinghpaw ni tam lu tam sha grai yak mat sai lam chye lu ai
* Shanglawt hte Myen hpyendap ni NCA n htu byin ai reason kaba gaw, NCA htu ngut yang, joint monitoring hpe gara hku galaw na? ngu ai hpe Myen hpyendap ni n hkraw ai majaw hkring mat ai lam chye lu. Shanglawt ni gaw, sen htu ngut yang Myen hpyendap ni ညစ္ပတ္ na hpe tsang ai majaw, kam ging ai mungdan kaba langai ngai hpe lapran kaw sakse shatai ga, joint monitoring hpe lit la shangun ga' ngu ai hpe Myen hpyendap ni n hkraw ai majaw re lam chye lu. 
* Myitkyina kaw ti nang a n'ta shawng, makau hkan mawdaw, sengke ni nau hkawm wa ai majaw, nsa sa lam hkan dingbai dingna jaw ai baw ana ah hkya ni law wa ai lam chye lu
* Hpakant kaw Miwa ni nau up wa ai majaw, Myen ni pyi myit ru taw ai lam chye lu
* Jinghpaw mung kaw Jinghpaw lungseng lau ban ni gau gau 'n nga wa na masa ni' nga ai lam chye lu
* Ya hte Hpa Kant lam maga byin ai manghkang a majaw, without mawdaw ni hpe shara shaku rim wa na lam ni nga
* Hpa Kant maga na mabyin hta, 'ga ngwi ga pyaw hte mai shangut kau na hpe, ga shaga n pyaw ai majaw, manghkang grau kaba mat ai lam' chye lu
Dai na na shiga n dai kaw htum sai.

Read more »

ဘယ်သူတွေက ကိုယ်ပိုင်နိုင်ငံတစ်ခုရနိုင်ပါသလဲ။

http://www.bbc.com/burmese/media-41287980?SThisFB
စပိန်နိုင်ငံထဲက Catalonia ဒေသကတော့ လွတ်လပ်ရေးယူဖို့ ပြင်နေပါတယ်။ ဒီလိုပဲ အီရန်က ကာ့ဒ်တွေကလည်း သီးခြားနေချင်နေကြပြန်ပါတယ်။ ဒီတော့ နိုင်ငံတစ်ခု ဒေသတစ်ခုက ဒီလိုလုပ်လို့ရပါသလား။ ဘယ်အချိန်မှာ ဘယ်သူတွေက ကိုယ်ပိုင်နိုင်ငံတစ်ခုရနိုင်ပါသလဲ။ နိုင်ငံတကာ သတင်းသုံးသပ်ချက်အစီအစဉ်မှာ ကိုမင်းထက်က ပြောပြမှာပါ။
BBC

Read more »