Gala india Mung na Myutsaw myit rum manang( singpho Khalen Jow ) a shagun laika

https://www.youtube.com/watch?v=YYCC6lzGdp0

Gala india Mung na Myitrum Khalen Jow a laika
----------------------------------------------------------
E shnalawt phyenla ni e ..nang ngai mulu ai majaw grai kabu sai. Nangaw tsawm dik sai .
Tinang a mung phe mu makawp maka khye la na ai ware.
Nang phe ngai grai matsan dum myit sai. Ngai dai daw mungdan tha nlu sawa na ai. 
Kala mung hta lawm ngai hkalen jaw. Rai na yaw.
Nang ngai hpe hkum pawt let na yaw. Ngai bukda basha ni seng nga ai.

Nanhte yesu hpung ni lawm nga ai. Raitimung tinang a amyu masha ngu nna matu hpa myit hkum matsi na yaw. Nanhte hpe ngai shani shana dum ai marit ai yaw.

Thanks .my k.i.o. Sister and brother. Hpu nau n tsi nban yawng kabu gara nga uga.

--------------------------------------

Tsun mayu ai Lachyum gaw:

Myutsaw shanglawt Hpyen la/num ni e Ya na zawn tinang myu sha ni hpe ndai zawn mu lu majaw kabu ai.

Nan hte yawng grai tsawm nga myit dai.Nan hte gaw tinang a myu hte mung dan hpe makawp maga hkyela na ni rai nga ai.

Nan hte hpe ngai matsan dum tsaw ra hku hkau nngai.Rai tim ngai gaw Jinghpaw wunpawng dai daw buga de nlu sawa shi ai. 

Ngai gaw Gala mung dan hta lawm ai Singhpo buga na Khalen Jaw rai nngai.Ngai gaw Bukda makam masham hkap la da ai wa re majaw hkum pawt mu re lu yaw..

Nan hte gaw Hkristu hpe hkap la ai Hkristan ni rai nga myit dai..Hpa myi rai tim an hte gaw labau sai rum ai Kahpu kanau myu baw sang ni hkrai rai nga ga ai,tsin yam tsin dam wa hkrum nga tim ,Hkum myit kaji mu yaw...

Nan hte yawng hpe an hte kade tsan ai kaw nga tim shani shana marit myit dum nga ga ai re.

Chye ju kaba sai ...Tsawra ai KIO, hpu/nau ,ji nban yawng ngwi pyaw kabu gara nga u ga law...

...Khalen Jow...India

Read more »

Mungka shara shagu kaw du nga ai Wunpawng Myu Sha ni hpang de shana dat mayu ga ai.

Hkungga ai, 2014 ning, June shata 9 ya shani gaw, Wunpawng Buga de majan nnan kalang bai je bang wa ai 3 ning ladu hkrum nhtoi rai nga ai. Ya aten hta anhte a buga kaw hpyen yen tsinyam marai 100,000 jan yubak jamjau hkrum let, nga nga ma ai. Buga mare ninghtawn law law, shim lam n nga ai sha, shani shana hkrit gari nga ma ai. Mara masha law law roi rip zingri hkrum nga dingyang rai nga ai. Share shagan law law, hkala nba hkrum nna, shanhte a hkum hkrang daw chyen hpe myu hte mungdan a matu ap nawng da nna, ya aten hte kan bau bungli, tsi mawan lam ni hta ra kadawn ai lam law law nga nga ai. Share shagan law law asak ap nawng lai wa sai. Matut nna, share shagan law law tinang asak hpe ap nawng da nna buga hpe makawp maga na ma ai. Kanu kawa law law, kashu kasha ni hpe ap nawng kau sai. Kashu kasha law law, kanu kawa ni hpe ap nawng kau ra sai. Kanau law law, kahpu kana ni hpe ap nawng sai. Kahpu kana law law, kanau ni hpe bai n lu hkrum mat sai. Jawngma law law, simsa ai hte hpaji sharin la lu na ahkaw ahkang sum mat sai. Ma kaji law law, ngwi paw simsa ai hte kaba wa lu na ahkaw ahkang sum mat sai rai nga ai. Matut nna, alawan sha simsa wa na lam nau n mu shiga ai. Ngai na ningmu san san hpe tsun ga nga yang, maga myi de, simsa lam bawngban nga ma ai tim, tatut hta simsa lam lu na mahkrun n mu tam nngai. Dai majaw, 3 lang ngu na, majan ladu hkrum ten lamang hta, Wunpawng Buga Majan lam hpe mungkan ting chye lu hkra, Mung kaba, mare kaba de nga nga ai Wunpawng Myu sha yawng, jawm ladat shaw nna, nsen langai sha hte galaw lu na matu, chyeju hte hpaji jaw, hpaji la, ningmu garan, nna woi galaw la marit, ngu nna, yawng hpe saw shaga dat mayu nngai. Yangon Mare Kaba kaw nga ai Wunpawng Myu Sha, Ningbaw Ningla, Ramma, Kaji Kaba yawng hpe gaw, Ndai laban hpang Kru ya shani, 3rd May hta Kachin Women Peace Network Rung, 15/A, Thayet Taw stree, (near Gwa Zay), Off Baho Road, Sanchaung township hta, shana de 5:00 PM hta zupawng hpawng ga, ngu, saw shaga dat mayu nngai. Chyeju hte ahkrum ara du sa ya marit. Khon Ja Coordinator Kachin Peace Network

Read more »

Kachin Politics and Mediation Research Network a laika ( Myit Yu Ga )

Myen hpe kam na kun?, tinang myu hte tinang mung masa hpe shachyaw na kun?

Kachin Politics and Mediation Research Network

Jinghpaw Mung Masa hte Htingram Sawk Sagawn Hpung

Email: kpmrn21@gmail.com  

Daini mung naw mana nga na kun?

KIO/KIA gaw Karai anhte myu ni hpe shang lawt lu na lam hpe gaw gap sa wa na matu hpaw ninghtan da ya ai wuhpung langai re.

KIO/KIA gaw anhte myu sha ni a lawt lam a matu shakut ra ai wuhpung langai re.

KIO/KIA gaw Myu sha ni a gam maka tsawm htap wa na hte Wunpawng mung dan grin nga lu na lam hpe lahkrip ra ra woi awn galaw sa ra ai wuhpung rai nga ai.

2013 Oct 8-10 ya laman hta Jinghpaw mung Myitkyina mare kaba hta KIO hte Myen simsa lam hpung ni hkrum zup ai zuphpawng hta madung hku nna gaw gap hkat jahkring kau na hpe grau nna bungli ahkyak kaba langai hku nna bawng ban ai hpe mu lu nga ai. Simsa lam ngu ai gaw mung masa rapra tara hpe lu la jang shi hkrai shi simsa ai gaw mung kan a tara re. Wunpawng mung dan kata hta Wunpawng mungdan kata pru mapru nga ma-nga sutgan hpe gashun nna mung chying mung shawa masha hpe diprip nga ai jasam hpyen n-nga ai rai yang simsa lam bawng ban na matu mung nra ai re.

Jinghpaw mung hta Wunpawng hpyen dap nmai nga ai nga nna 2011 ning June shata kaw nna shamyit shatsai kau lu na masing kaba shaw let Myen hpyen dap wa gaw KIO/KIA hpe hpyen nbungli lang ai atsang du hkra gasat shamyit bang wa sai re. Dai gaw Jinghpaw mung dan hta Wunpawng hpyen dap nmai nga ai ngu ai masing nan rai nga ai.

Myen masu ai ga hpe anhte mung shawa hpyen hpung ni gaw tsep kawp nlu hkap la ga ai nga nna, mying ntsun ai KIO/KIA mung shawa hpyen du kaba langai tsun ai hte maren, anhte myu ni gaw Myen a mayam tai nna nga na hpe nra sharawng ga ai lam ya simsa lam woi galaw nga ai KIO/KIA salang ni hpe akroi anoi hpyi lajin dat ga ai law. 

By: Mr.Alex James

kpmrn21@gmail.com

Read more »

Ning htoi rai nmu lu nga ai ( shagun laika )

Jinghpau Wunpawng Myusha ni a-

 Kanu Mungdan de yu dat yang n-htoi rai n-mu lu shi ai...,

UNFC.. lu hpaw tawn ai gaw, kaja dik ai lam langai re...
Rai tim Dai UNFC a-Mung masa lam yan gaw..
Lagaw maga Myi Daw hten ai..,
Myi Maga Myi n-mu ai..
Lata Maga Myi hten mat ai. Mung masa lam hta hkawm nga ai.. N-Bung Sinat hte majan gap nga lu ai..., Hpa lam a- majaw ta..,?
UNFC..hku n-na N-gun ja ai..,Myit hkrum gahkyin gumdin ai.., Hpyen Masa hkyen la jang ai lam gachyi myi mung n-nga ai...,
HPYEN MASA SHAWNG A-TSAWM ( Shagreng )HKYEN LAJANG TAWN NGUT AI HPANG SHE MUNG MASA JAHTA AI BAW RE...,
Gashdawn: Myen hpe sha pyi yu u-le...,shi a- hpyen dap hpe shara jahkrat n-gun shaja tik tik di n-na she bawng ban nga ai..,
USA hte CHINA.. sut masa hta gade hku hkau rau jawng galaw sha taw tim, shada hpyen masa hkyen lajang tik tik sha re mu nga ma ni....?INDIA hte CHINA.. mung dai zawn sha re....,
UNFC.., hku n-na EU.. UK, USA.., ni hpang de Lak nak garum Hpyi ai lam mung n-nga n-mai re.Ahkyak ai..,
Myiwa General.,Fan Chang Long .., Myen (Min Aung Lai) hte tsun ja hta ai lam kaw e.,
Jinghpaw Wumpawng Myusha ni Shang Lawt Lu na lam n-ra ai hku tsun jahta lai wa sai ..,mu ai n-re ni....?
KIO.., KIA.., hte Myen Mung shing gan du taw nga ai Chyurum  Jinghpaw Wun pawng Myusha ni yawng hte e... Myiwa kaw na lu la mai ai hte mung la ga.
EU.., UK.., USA.. hte sinna Mung dan kaw na mung, lu la hkra LAK NAK hte seng n-na a-dawt tik tik di, ladat shaw nga ga ....
Tomos Quintana,,. hpe Laiza de n-lung shangun ai Myen hpyen a- Bawnu mu ai n-re ni...?
Gap hkat jahkring ai hte seng ai SIGNATURE..., KIO/ KIA kachyi myi pyi n-mai htu ai ..,
Dai lekmat htu n-na simsa lam lu na n-re..,( Tinang )Nye a-n-ta wang..,nye n-ta kata kaw ra ai hku sa madu sha rawng taw nga n-na myi e. Gap hkat jahkring ga nga ai gaw... hpa baw ta....?
Sung Sung lili ,Myit yu nna Baw nu n chyan shaw,ladat kaja hpaji daw let shakrip na hku di ga law.

By: Seng Maran(sengging@gmail.com)

Read more »

Seng Maran a shagun laika (2) SIGNATURE- SEN HKUM HTU

KIO.., KIA.., Mu nga n-ni..... ? Dum nga n-ni...,?

Nang hpang maga de Myen hte Myiwa ni  hkrit hkung ga nga ma ai..

 

Kam ging ai mung dan kaba na lapran salang Langai ngai n-lawm ai.

Simsa lam hte seng ai..

,Gap hkrat jahkring ai hte seng ai.. 

 

SIGNATURE.., kara sing gawng langai Myi pyi tsep kawp hkum sa htu shut dat lu..,

 

signature (sen) htu la ngut jang myen Banau HKYISHA  ni gaw an hte kachin hpe GWI Langai ram pyi manu shadan mat sa na nre.

 

Syrian. Mungdan na Dinghku majan ni hpe yu yu u...,

SAA.., hte..., FSA.. yen lapran kadai ni tsap nang ma ta...?Dai hku galaw u.., Daizawn byin wa na hpe MYIWA grai hkrit tsang nga lu ai...

,Myen hpyen dap ni an hte Wunpawng ginra kaw na n-hting nut ai SIGNATURE.., kara sing gawng langai myi pyi hkum sa htu...lu..,

By : Seng Maran (SENGGING@GMAIL.COM)
http://kachinmail.blogspot.com/2013/07/seng-maran-shagun-laika-2-signature-sen.html

Read more »

Shagun laika

Dear:
KIO.., KIA..,

 Mungkan Mung masa hpaji chyechyang kung hpan nga u yaw.., Aung San a-bawnu.., Myen a-bawnu hpe n-dang kau ai a-majaw..,Dai ni du hkra A-Myu. Lamu ga., Labaw Myen a-lata kaw rai mat ai.. gade hkrat sum mat sata.....?

Dai ni.. Myiwa hpe kam .., Jinghku shatai n-na Mungdan hta Rawt jat kalu. Aung dang nga ai Mungdan, Mungkan hta gara Mungdan re NI......,? Madi madun yu marit..,

   Lapran Masha tai ai wa gaw.. Ting gyeng a-kyu n-tam ai wa rai ra ai..,Lapran hta rap ra ai hku chye hpa ran ra ai.. Dingman ai wa rai ra ai..,Myiwa shi a-ting greng a-kyu a-matu Myen hpe gade garum tawn n-na Jinghpaw hpe gade jawm sat zingri masai ,Jinghpaw Mungting wa rai nga ai....,

    Jinghpaw hpe Myiwa wa teng teng a-tsawm she garum u.. UWSA.., hpe zawn garum u..., Myen ni Jinghpaw makau n-lu shani ai...,Dai ni Myen wa Jinghpaw Munghpe Myiwa a-lata kaw Pawng sha(dut sha) tawn nga sai...,mu nga a-ni.....?

  Ya hpa rai Jinghpaw hte Myen a-lapran Myiwa shang wa a-ta....,?

Sinna Mungdan ni Myiwa shi makau Anhte Jinghpaw hte raunga na hkrit ai.. Bai ya yang USA.., ni a-lak nak n-nan Myu lahkawng galaw awngdang ma nu ai .. 

Myiwa dai lak nak hpe Mung grai hkrit tsang ai.., shi grai chye mayu lu ai..,Dai majaw mung myiwa gaw USA. a-computer online system hpe Attack (hack) galaw ai lam rai nga lu ai.

 Dai ni Mungkan hta.., UK.., USA.., hte EUROPE.., Mungdan ni hte  kamhpa.., Jinghku shatai ai ni MATSAN taw.., nga ai Mungdan gara Mungdan re ni....,? Madi madun yu marit...,

 Dai ni Jinghpaw hte Myen a-lapran hta UN.., sa lawm n-na hkum kabu masu...,UN.., shi hpa lak nak n-lu ai..,POWER n-nga ai.. 

SYRIAN.., Mungdan na ding hku majan hpe UN.., kawn hparan yang.., china., Irian..,Russia.., ni ning hkap ai majaw.. n-mai hparan ai .., Dai majaw..,Syrian.Friend ngu ai hpung pru wa ai.., Dai kaw.., USA..,UK.. Kata.., Saudi ..., Mungdan ni hte kaga ni naw shang lawm nga ma ai Mu nga n-ni...?

By

Seng Maran( sengging@gmail.com )

Naw matut na 

http://kachinmail.blogspot.com/2013/06/seng-maran-shagun-laika-daw-1.html

Read more »

Shagun laika

Hkawp Hkungga ai Magam Gun ni,

Hpakant Ginwang, Ginsi ginra hta na Dung 6 shara hta Myen ni gaw
shanhte a Dawnghkawn hpe sa jun da sai lam, shanglawt ni a arung arai
(lung seng) ni hte mung masha ni a arung arai mahkra hpe Modo ni hte
wa htaw la kau ya sai lam hpe Awngbale ginra kaw nna yu wa ai Slg. jan
langai mi tsun dan ai (Ndai Shiga hpe KNG kaw mung ka sai re.).

Ndai zawn byin ai gaw Ginjaw kaw nna gap na ahkang njaw ai majaw re nga nna
mung tsun jawng nga ma ai. Myen ni gaw Hpakant ginra shara shagu hta
grau nna Myitkyina-Hpakant lam ntsa hta shara law law la kau da ngut
sai lam hpe mung chye lu ai re. Ndai lam hpe Ginjaw kaw na Ningbaw ni
chye nna gara hku hparan sa wa na hpe bawng ban ra na re ngu ai, ngai
a ningmu hpe ka shana dat ai re.

Kam hpa let,

Peter

Read more »

CSW urges Burma’s government to stop military offensive against Kachin immediately

  28/12/2012

Christian Solidarity Worldwide (CSW) today urged Burma’s military to end its offensive against the majority Christian Kachin people in northern Burma immediately, and called on the international community to put pressure on the government of Burma to engage in a meaningful political dialogue with the Kachin and other ethnic nationalities.
According to news reports, four jet fighters and two helicopter gunships were used this morning to attack Kachin Independence Army (KIA) troops close to their headquarters at Laiza, on the China-Burma border. The aerial attack follows several days of shelling and a significant increase in troop movement and fighting.
The Burma Army has been conducting a military offensive against the Kachin since June 2011, breaking a ceasefire that had lasted for 17 years. Over 100,000 civilians have been internally displaced since the war began, and the Burma Army has been accused of grave human rights violations, including rape, torture, destruction of villages, looting and desecration of churches, and killing civilians. The offensive has intensified severely in recent days.
Andrew Johnston, CSW’s Advocacy Director, said: “The dramatic escalation in the Burma Army’s assault on the Kachin is deeply disturbing. To launch aerial attacks and deploy fighter jets and helicopter gunships marks the most serious intensification in this conflict since the war began. The government of Burma must be urged to stop this offensive immediately, and engage in a genuine peace process. The KIA, and its political arm, the Kachin Independence Organisation (KIO), are seeking autonomy and equal rights in a federal, democratic Burma, not secession, and have made clear their desire to talk. But they are demanding a genuine peace process, involving a political dialogue, to find a lasting solution to decades of war, not simply a ceasefire. President Thein Sein and his government present an image of reform to the world, but how can reform be serious if it is accompanied by fighter jets and helicopter gunships? Unless reform is accompanied by a genuine peace process, it will not lead to the lasting change Burma’s people desire and deserve. The international community must take this latest escalation very seriously, and must make it clear to Thein Sein that unless the Burma Army’s offensive stops and a peace process begins, international pressure will be applied.”
For further information or to arrange interviews please contact Matthew Jones, Senior Advocate at Christian Solidarity Worldwide on +44 7826 938 360 or email matthewjones@csw.org.uk.
http://dynamic.csw.org.uk/article.asp?t=press&id=1469&utm_source=fbsnrss&utm_medium=sendible&utm_campaign=Facebook
 

Shagun laika

 

Read more »

Tsawra ai Na Kawng Hpyen Koi Yen Dabang,

Shawng ningnan Hpan Wa Ningsang, Karai a amying gang nanhte yawng ngwi pyaw nga myit ga ngu ngai (Ap Nawng Daw Jau Ma) shakram dat nngai law. Ningshung ta shang Mangai numri ni grup grup yin yin hta pyen hkawm nga ten, ngai nanhte yawng hpe dum nga nngai yaw. Aten ni mung Nshawn Hka shi zawn (Na Kawng Hpyen Yen Dabang Makau na Hka Shi) sha lwi mat wa nga ai. Na Kawng Dabang e… nang hte n hkrum ai pyi grai nan na mat sa hka! Na a shingnip shingna gaw nye a myi kata na galoi n le mat, galoi mung a nga nga ai. Ngai nang hpe aten shagu akyu hpyi let dum marit nga nngai. Nye a myi pwi hpe Karai Kasang mu chye ya yang gaw an lahkawng kalang mi bai hkrum zup lu na hpe mung kam nga nngai oi. Ya anhte Myikyina mare hta Ja Mam ni htoi gabrim myin tsawm nga ten, ngai nanhte hpe grau myit dum nga nngai yaw. Aw.. .. nanhte mung mam hkai kau da ai laning mi jan na mat sai i…? Nanhte a Ja Mam ni mung gara hku myin tsawm nga na kun ngu nanhte mung myit nga na sai. Hpa hkum sang yaw… Karai Kasang gaw anhte ni yawng a matu jet ai grin ai Ja Mam ni sumsing lamu hta dan la shu la lu na matu lajang ya nga sai. Jinghpaw Wunpawng Nawng Nang Chyum Hkawlik Jawng ma ni mahkawn hkawn shagu, ngai gaw Na Kawng Dabang kaw Karai Kasang hpe nhkring nsa mahkawn shakawn ai nsen ni hpe sha dum nga nngai. Ma ni mung shana shagu Myi Prawt wan n lu tim… Wan shadaw hte sha ningsin hta Karai Kasang hpe shakawn ai,…. Nu wa ni mung nsi note ni nchye yu, nchye hti tim shakut let nawku dawjau ai lamang kaw Choir hte Karai Kasang hpe mahkawn shakawn wa sai i……. Grau nna Ramma ni a Ginhtawng Music hpaji sharin ai sharin gawk hpe grau dum nngai yaw. Ramma ni hte nam mali kata hta music sharin ai hpe ngai myit dum dat shagu myi pwi pru ai. Aww.. anhte Wunpawng Myu shi ni.. Nam mali kata hta she hpaji hpe sharin la wa ra ai i? Ma ni e.. nanhte yawng mung sharin da sai “Tara Kanu shi” hpe matsing nga na re ngu kam ai. Myit kata kaw Matsing da ai hte sha nmai ai yaw.. Tatut sak hkrung lam hta galoi mung jai lang ra ai lam ni re yaw. “Na nnu yang n wa hpe hkungga lara di u” nga ai hpe hkum malap kau yaw, dai kaw tsun da ai hte maren hkan nang u yaw… ma ni e…. Ma ni….. nanhte a lata lamyin ni mung grai bai galu nga na sai i? ah nu ah wa ni hpe zen kau shangun yaw.. Lamyin galu yang ana ahkya kap chye ai yaw. Hkam kaja ai ma ni tai ra ai yaw. Hkam kaja yang she amyu hte mungdan hpe atsawm sha maiggan ni a hpyen hta na makawp maga lu na re yaw. Nanhte ngai (Sara) hpe dum ai majaw hkrap let bai hkrum na hpe la nga ai nga ai shiga hpe na lu ai majaw; ngai grai myit n pyaw ai, grai ma gabu ai. Anhte kalang mi gaw bai hkrum zup lu na re yaw. Myit shaja dating da ga le…. Ah Ji, Ah Dwi ni mung lata lamyin ni grai bai galu nga na sai. Ah Ji Ah Dwi ni e… ma ni hpe zen kau shangun yaw. Hkam kaja yang she tinang a kashu kasha ni hpe shaman ga law law lu tsun na rai nga ai. Ah Dwi nkau mi ngai hpe naw myit dum nga ai nga shiga hpe na chye lu ai majaw mung grai kabu ai, grai hkam sha ai. Bai hkrum zup lu na matu mung ja ja wa ahkyu hpyi nga u yaw. Ngai Ah Ji Ah Dwi ni hte ma ni yawng a Lamyin ni kalang mi bai zen ya mayu nga nngai le. Nshung Mangai ta hta Manang ni chyeju dum poi ni hpe galaw nga ai ten ngai nanhte hpe nachying wa dum nga nngai law. U Wa Yam Nga Nai Mam ni nlu sak jaw ai sha chyeju dum poi galaw nga na re ngu shadu ai. Karai Kasang gaw Myit Masin hkungga hpe yu ai Karai re. Nanhte U Wa Yam Nga Nai Mam ni nlu sak jaw ai majaw hkum yawn, hkum myit sang yaw, Karai Kasang gaw nanhte a myit masin hpe she yu nga ai, nanhte a kraw madai ai nsen hte nanhte a myit masin hkungga gaw shi a shawng hta manam pyaw ai hkungga rai nga na sai. Karai Kasang gaw nanhte hte galoi mung rau nga let shaman ya nga na re yaw. Ngai nanhte hpe dum ai lam, nanhte hte rau nga ai ten ni a lam hpe shagawp ga nga yang ndang ma na nhten, laika pa hta sha gaw n shang mat na nhten, nye a myit dum ai lam gaw ndang tsun hkra rai nga sai yaw. Nye a marit shamai shagun laika hpe ndai gasi hte hpumdim mayu nngai…. “Ahkyu Hpyi ai lam hta mung matut na dating nga ga yaw,.. Makam hkum shayawm kau yaw,.. Yesu Hkristu a myi man hpe sha azi yu let matut na shakut hkawm sa nga ga yaw,… Ngai mung du wa na; Yesu Hkristu mungkan ga de yu wa ai shata; December shata hta nanhte hte bai hkrum lu na matu ja ja wa ahkyu hpyi nga nngai yaw. Nanhte yawng a ntsa anhte kam sham nawku nga ai ahkrung nga ai Karai Kasang tut e bau sin lanu lahku nga u ga ngu,…” Bai hkrum lu na ten hpe myit mada nga let, Saulang Ting Ying Stingying@gmail.com KTC, NN 15.11.2012 ( Na Kawng Hpyen Koi Yen Dabang gaw Miwa Gumsan Mung, Shwe Li, Nawng Tawng kaw nna Minute 30 dang naw sa ra ai shara, Miwa Gumsan Mung hte Jinghpaw Mung Jarik makau Nam Mali kata kaw de da ai dabang re. Masa lam amyu myu a majaw daini dai Na Kawng Dabang kaw shanu nga ai hpyen yen Jinghpaw Wunpawng Myu sha ni Jinghpaw mung hkran de bai htawt nga mat sai re.)

Read more »

Dear dady

MARIT SHAMAI SHAGUN LAIKA Tsawra ai Wa, Wa nlawm lu ai ngai na birthday gaw shawoi na zawn sha npyaw na sai. Raitim Nu hte anhte ni yawng gaw lai wa sai 20 ning tup hta galaw lai wa sai birthday poi zawn sha Wa n lawm lu tim pyaw hkra shakut galaw na re. Wa..ya du na bat 6 ya shani gaw ngai na 21 ning hpring shangai n htoi ang wa sai hpe Wa mung dum nga na re ngu kam ai. Ngai 21 ning de bai ladu hkrum wa ai shaloi myit dum hkrup ai lam langai gaw- ngai Wa hte n hkrum lu ai 21 ning hpring wa sai ngu ai hpe re. Raitim wa hpe dum ai lam hte chyeju dum ai lam hpe ndai laika hku na sha tsun lu ai majaw grai mung myit n pyaw ai. Byin mai yang nye a n gup hku nna wa hpe chyeju dum ai lam hpe dinghta mungkan ntsa hta kalang sha pyi tsun mayu nngai le.Ngai kasha na malai Madu Karai Kasang gaw ndai laika hte rau, ngai kasha chyeju dum ai lam hpe Wa hpangde tsun shalai ya na hpe kam nga nngai. Ngai le.. wa hte kalang mi pyi nhkrum yu tim, Wa gaw galoi mung ngai na HERO re yaw. Wa a lam hpe Nu hte makau grupyin na ni tsun dan ai majaw grai chye lu ai. Wa gaw grai atsam rawng ai wa rai nga a hka! Wa … Wa a buga hpung masha ni mung ngai hte hkrum shagu Wa a tsawra myit kaba la ai lam, Lanu lahku chye ai lam hpe grai tsun dan ma ai. Shanhte mung Wa hpe grai dum ai da yaw. Wa dinghta mungkan ntsa naw nga ai shaloi Nu hpe grai tsawra ai nga chye lu ai. Dai majaw mung nachying wa chyeju dum ai yaw. Ah nau yan a ntsa grai kaja dik ai, hpa hte mung shadawn n lu ai kanu kaja hpe tawn da ya ai majaw mung Wa hpe grau chyeju dum ai. Wa.. Ah ba le wa hpe dum ai majaw shana shagu lagu hkrap chye ai rai sa. Shi gaw myit grai nya ai, grai mung hkrap loi ai. Wa ngai le grai kaba wa sai rai sa. Raitim hkum hkrang gaw grai n galu ai. 5” 5’ ram sha nga ai. Dai majaw rai sam ai manang ni ngai hpe “Ja Pu” nga na shaga ai. Ngai,Ya, Nawng Nang chyum Jawng kaw B.Th hpang jahtum shaning kaw du taw sai re lu. Supply, repeat mung n hkra yu ai. Ngai shadu ai, Ah Ji ni Ah Wa ni a shakut shaja ai Karai Kasang a grau htum ai magam bungli hta ap nawng daw jau ai a majaw rai na re ngu. Ngai gaw grai n byin ai wa re. Wa ngai pyi tsawm tsaw lu taw sai. He he.. Shi ma ngai hpe grai tsaw ra ai. Ngai mung tsaw ra ai le. ni a Mayu majing mung re. wa a lam jahkring hkring tsun dan byin ai. Ngai hpe nu tsun dan da ai made le. Wa dai ning na Mying gaw ……………..re. Ah wa.. an wa Shi gaw nau gaw ntsawm ai raitim grai myitsu ai. Ngai shi hpe pyi shangai nhtoi hpe gaw jawng kaw na manang ni hte rau galaw na ngu myit da ai. Nu hte mung san taw ai majaw le. Jawng kaw sha galaw byin na nhten. Wa.. raitim ya ngai kaw gumhpraw n lu taw ai rai sa. Manang ni hpe gaw muk jaw sha mayu ai re wa. Wa hpa hkum sang yaw. Karai Kasang lajang ya na re. ngai gumhpraw n lu sai lam nu hpe mung hkum tsun dan yaw. Nu myitru taw na re. Karai Kasang hpe chyawm tsun garum ya rit le.. chyeju the!… Wa hpe shangun sha hkrup ai majaw grai gaw agam ai yaw chye na ya rit chyum jawng brang hpe le. Wa.. ndai jawng kaw ngai zawn zawn re Kawa nlu sai gaida kasha manang ni law law hte mung hkrum ai. Shanhte mung ngai zawn zawn sha hkam sha nga ma ai. Rau sha hkam sha na manang ni lu ai majaw ngai pyi dai daram n hkam sha mat sai. Ndai zawn lam ni gaw mungkan hta byin chye ai byin da masa ni re ai majaw le. Raitim, Wa hpe gaw teng sha grai hkrum mayu ai re yaw. Wa.. ngai kasha a manang ni na kawa ni hte hkrum yang mung shanhte a kasha ni grai dum marit nga ai lam hpe naw tsun ya rit. Wa Ngai le shani shagu Chyum Laika hti, kyu hpyi byin taw nga sai. Wa mung ah nu, ah ba, ngai hte Wa a kanam a matu kyu hpyi myit dum na matu galoi mung hkum malap kau yaw. Ah wa sumsing lamu kaw Ah Ji the Ah Dwi hpe hkrum yang mung yawng grai dum marit nga ai lam tsun byin hkra naw tsun ya rit yaw. Anhte ni gaw hpa mi byin byin, gara de wa du du Wa hpe gaw galoi mung dum nga na,.. tut tsaw nga na re yaw…..Wa Gaida kasha, Saulang Ting Ying stingying@gmail.com K.T.C, N.N

Read more »

June 9 ya nhtoi hta Amyu sha dawnghkawn hpe sharawt ga !!!

De, Myitsu ni, manaw manang ni


Du na ra ai bat kru ya shani gaw June 9, 2012 re.
Maigan hpyen ni anhte a lamu ga ntsa tawt lai up sha let, zingri zingrat ai bai hpang ai laning mi hpring nhtoi re.

Dai nhtoi hta, anhte a Amyu sha dawnghkawn hpe tinang nga ai nta, shara hkan shawa ni mu chye lu na matu sharawt da ga.
Anhte a mungdan kata hta anhte a dawnghkawn sharawt na yak ai ni gaw, dai nhtoi hta akyu hpyi myit dum let tinang a dinghku masha ni hte,
nawku hpung ni hte masat masa galaw ga law.

Byin mai yang gaw, dai nhtoi hta akyu hpyi, hpawng chyawm ai rai yang
kadai mung lata kaman hte n sa ga law.
Shawng lam hta sinda kaduk shatai nga ai anhte a hpyen-la ni a matu, shapre tum mi, n-gu latup mi sha raitim, la sa wa ya ga law.

Maigan du amyu sha ni gaw tinang a dawnghkawn hpe sharawt na matu n yak na re.
Dai majaw, maigan du nga ai ni gaw tinang nga ai shara kaw na anhte a dawnghkawn hpe sharawt let,
Kachin Gumrawng Gumtsa Mungdan asuya gaw myen asuya n re lam hpe madun ga.

Gawngkya ai lam, n hpring tsup ai lam, ra rawng ai lam ni grai law tim,
htawm hpang prat dingsa a matu Mungdan gawde lu na matu
Karai Wa hta akyu jawm hpyi let tatut shanglawm shakut nga ga law.


Kam kaba let,


Nbwi SAM

Read more »

letter from KBC

Dear All

KBC (24) Hours lusha gam kyuhpyi na shiga mara dat n ngai.

Click on link++++read more+++

Read more »