NU SHA BRANG DUT

NU SHA BRANG DUT

Nu a Brang Dut ma,
Yi yinwa du sa;
Yiwa kata tawm,
Pinra ntsa hkyawm.
Machya de she hkroi,
Sumri hta she noi;

Wahpu dum garaw,
Hpungtang she kashaw.
Ubyit utsa hprawng,
Shingnawm de hkrai yawng;
Wunpawng sumpyi kawut,
Mam sha uhkring shachyut.
E! Chyinghkai Nu hkan du,

Ma Brang Dut kabu;
Nu simai shadu,
Mangai shatmai mu.
Nawkyu majap sihtu,
Shinglim shingtawn shagu;
Naiyin kahkum si ntsin,
Katsing sha ai kumgyin.
Nga ka-i mung she lawm,
Kumhtawng lap mung hkyawm;
Woi shanhkraw hte japmang,
Shaba bamang kakang.
Wa rit law! Ma, Nu kasha,

Chyinghkai Nu rau shat jawm sha;
Brang Dut hpawtsawng she mata,
Sailen nten ayai aya.
Yiya na gaiyin shanam,
Nai htu let Nu hkawm kawam;
Majap shaba di gun wa,
Nu, wa magang sai yaw ya………..

Shanglawt Tsing

(17.11.2015,12:10AM)