Wednesday, November 14, 2012

Bai Wa Na

Myitrum manang ni, M laika chyu ka taw nna, Mangai ten rai sai she malap ai yaw. Daini kaw na Mangai Ga Shagawp hpang dat sai. Marit maroi rai u ga oi.” Bai Wa Na” ngu ai re. Shiga gaw, Myenmung ting na M hpyenla yawng I hpang de shalun da na ngu ma ai re da. Hpa n tsang ra ga ai. KK makawp maga la na re, kyu hpyi let, kam sham nga ga i. jic ----------- Bai Wa Na Goi! Iya Shagawng bummaling, Tsit tsawm hpun kawa hpring; Shimari – Gupshita, Marang dingsi wai mat wa; Nshung sama mawng, Marit la i ya Kahtawng; Magum yinwa du, Mangai yi hpe mu; Kabu myit dik ai, Pu ba yawng hkoi sai; Shawoi ndai aten, Ga tsun ga la ren; Iya kahtawng buga, Mam mu mam dan la; Bungli kyin ai hkrai, Tim mani sumsai. Goi! Ya gaw Shingran sha, I hpyen yen hkawm nga; Kaden du hkra kraw madai, Prat hpe maroi nni ai; Tim hkru kat ai Mana muk, Karai Chyeju hpe jahtuk; Yit dung yit ra marit let, Karai Chyeju hpe shakyet; Galoi mi she du wa na, Mangai ‘hkawng pyi lai mat wa; Bai wa na yaw – nye buga, Htaning htawngseng mangai ta. Shanglawt Tsing (14.11.2012,