Buga Marit N wai

Myitrum manang ni, “Buga Marit N wai” ngu ai Mangai Ga shagawp shagun dat ai yaw. 14.11.2012 manihpawt, Manmaw lam Tinglung lawu, Tinghpra sam kahtawng, Munglai hka kau e yan lung wa ai M hpyenla ni hpe, Du Hpaudaw Naw Tawng woi awn ai KIA hpyen hpung gaw, remote hte kalang mi hkap shakrip dat yang, M hpyenla marai 20 daram nyawp rai sai lam na lu ai. Shagri lau brep mat mu ga;Kyu she hpyi shaja ga lu oi. JIC -------------- Buga Marit N wai Goi! Marit ningtsing lu, Abum sumshi gu; Htawngseng Mangaita, Iya buga wa. Lanam aten lai, Shimari marang wai; Ya ten mam myin sai, Buga marit ai. Ugawn Brang hpe dum, Hkawnji prat salum; Yinwa kaw gamung, Jahta lachyum sung. Ubyit utsa gawn ai, Ugawn Brang shi hkrai; Le! Yi ya ka-ang de, Lahpaw hkum gap ahpre. Gum sai mam ni du gaw, Myin sai mam ni si baw; Ja mam si ni run na tsang, Ugawn Brang hkrai sha n dang. Goi! Kahkum kumgyin pu, Kasha ba ai hkainu; Shingbai kawyeng garu, Ubyit uhkring gasu. Shagawng ja bum tsau, N-grau grau chyang wau; Hkruji ni dut du, Marit ningtsing lu dam nngai oi……. Shnglawt Tsing (15.11.2012,1:20AM)