Wahpu Sumri Ren

            Myitrum manang ni, Buga mangai ten hpe shingran mu lu u ga, marit maroi, “ Wahpu Sumri Ren” ngu ai mangai Ga shagawp langai bai gawp shagun dat ai yaw. Majan shiga loi li gaw na ai raitim, tup hkrak n chye lu ai majaw n shana sai. Kade n rau tim Mungdan bai lu la na matu akyu hpyi shajang na ga ai ngu kam ai lu oi.

JIC

Wahpu Sumri Ren

Pawng! Pang! Pang!

Pawng! Pang! Pang!

Yi yinwa de du,

Wahpu gang ra mu.

Pawng! Pang! Pang!

Pawng! Pang! Pang!

Wahpu Sumri gang,

Wahpu ngoi i yang.

Pawng! Pang! Pang!

Pawng! Pang! Pang!

Wahpu dum kajawng,

Unumji ni hprawng.

Yi shingnawm de woi ni ju,

Hkaike uhkring mung gasu;

Ubyit utsa gawn kajai,

Kawa wahpu gang kashai.

Yinwa ting wahpu garu,

Kawa lawktawk hkawk kadu;

Mangaita Wunpawng music,

Iya yinwa ngawn pyaw dik.

Wadu yudu mung gawn ra,

Naimam sha ai dusat wa;

Kashun kashe shu la lu,

Mamdum mamka shingnoi gu;

Karai Wa Chyeju!

Shanglawt Tsing

(20.11.2012,12:40AM)