Tuesday, November 27, 2012

chye ju dum shata

Myitrum manang ni, Shawng lam de myit dum let, “Chyeju Dum Shata” Ga shagawp gawp dat ai. Lai wa sai bat lani mi hta, Hpakant M post kaw na Mawmau KIA post de gap dat ai M myawk si langai, Shanhte a masha ni hpe sha bai hkra nna, marai 7 si mat ai lam na lu ai. M ni gaw Mawmau bum hpe ra nna, shanhte kam ai aten shagu myawk gap bun bun rai ma ai da. KK Mawmau bum hpe bau sin nga u ga i……kyu hpyi n malap ga lu oi.
                                                                                                                                                        JIC
Chyeju Dum Shata

Goi! Shawnglam de grai myit dum,

Share Ninghkring myit n htum;

Ginhtawng ta yinam lai,

Mungmasha hpe makawp ai.

Nsin nhtoi n lata,

Katsi kahtet n ginhka;

Machyi makaw hkam sharang,

Myu tsaw myit wa tsun n dang.

Majan pa grup grup gra gra,

Ten hpring sin di makawp ya;

Ginjaw Ginra shim lam lu,

Hpyen-yen masha amyit mu.

Myit ngwi sim let poi galaw,

Shim lam chyeju dum ai yaw;

Laban ni mung n ban lu,

Chyeju dum shata n mu.

Tim Myutsaw Brang myit dik ai,

Mungtsaw myit wa sakse tai;

Buga dum let akyu hpyi,

Kaduk nhkun e shingbyi.

Du na ra ai ten ni hta,

Awmdawm chyeju lu u ga;

Myutsaw Brang ni marit ai,

Chyeju Dum Ai Shata rai.

Shanglawt Tsing