Laksan Shaman Chyeju

Laksan Shaman Chyeju

Goi! Laksan Chyeju hte hpring ai,
Iya Wunpawng buga hkrai;
Myenmung sha n-ga,
Mungkan ting ntsa;
Mauhpa chyeju ing,
Hkanu hkagai hpring.

Gasau namhpun law,
Lamuga n hkun hkraw;
Ginhtawng yinam madi,
Hkai nmai lali.

Nli chyi sha bang,
Shu la she n dang;
Mamdum mamka lim,
Laksan chyeju shim.

Ashu ashan gaja law,
Karai chyeju she sumbaw;
Ntsa tsang hpun kawa,
Ga kata lungseng aja.

Kaga nhprang rai mung ngai,
Manu dan arai hkrai hkrai;
Shaman chyeju hpe hti yu,
N-gup ga rau n tsun lu.

Goi! Iya yiya de,
Sinyaw myiman gale;
Hkai nmai hpan kade,
Hti yu yang she chye.

Ntin mam n tawt,
Sumhka mam larawt;
Kahtanroi hte lawhkumreng,
Napan hte hkaubyiseng.( Matsing; ; Mam mying ni re.)

Kahkum kumgyin ni pu,
Kasha ba ai hkainu;
Hkumpaksi hte nainaw,
Nawkyu si she sumbaw.

Shaba bamang,
Majap shachyang;
Nhprimpan hte gaiyin,
Shagyi hkauya, gyinka kumgyin.

Namwum Chyingnam,
Yagyi hte shanam;
Chyinghkrang hkrangdu,
Ladu lai sha mu.

Hkabawp latan,
Hkainu latsan;
Shinglim bangya,
Shingtawn sumwum kaba.

Yiya nampan ula jawban,
Kala nampan ahtoi;
Myitupan e hkroi,
Latung shingtai gawn ai;
Yiya nampan n wai.

Hkum tsup ai nli tum,
Yehowa jaw garum;
Chyeju shakawn n ma,
Laksan shakawn chye nga ga lu oi.

Shanglawt Tsing
(21.11.2012,12:30

AM)