sumprat kaba masum

Dai ni an hte wunpawng myu sha ni law law wa tinang a myu hpe ga garan hkra a dit bang na sumprat kaba ni hpe tinang nan mayoi ya nga ai hpe n-dum nga ga ai. Dai hpe n-dum na matu mung hpyen wag aw an the Wunpawng ni a myit masa ni hpe sawk sagawn n-na ladat shaw masing gran hkrang shapraw sa wa ai majaw rai nga ai. Hpun tawng langai chye ga na matu ga loi ai shara hpe yu maram n-na chye dat yang aloi sha ga mat nga ai dai zawn sha hpyen wa mung Ka Ni sum prat , Gumhpraw sumprat ,arawng ayaw sumprat ngu ai n-dai sumprat kaba ni hpe lang n-na an hte a gahkyin gumdin myit hkrum lam ga ayai mat hkra nga ra ai shara hta hkan n-na n-dai sumprat ni hte adit bang nga ma ai. An the ni mung ga ai nig aw ga , ahkyep ai ni gaw ahkyep , ja ai shara ni hta gaw ja rai nga ga ai . Raitim an the gaw hpuntawng n-re majaw an the hta dit shang wa nga ai sum prat ni hpe ning hkap lu ra nga ga ai . 
Sumprat kaba masum ni a atsam ni gaw 
(1) Ka ni sumprat kaba
N-dai sumprat gaw ritkawp n-nga wanglu wanglang pyaw pyaw nga mayu ai ni hte chyam mayu ai myit lai ai ni hta dit bang loi nga ai .Sung de shumashi shumasha du hkra ,makau de jinghku jingyu du hkra adit bang lu ai sumprat kaba rai nga ai.Marai langai n-dai sumprat dit hkam ai rai ktsan mat na ,shi a kashu ni hpa ji hta hpang hkrat na .Dai wa a kashu kasha ni a hpaji lam sharawt ya na matu jinghku ni a atsam hpe chyup ra sai,bang ya ra sai .Shi a majaw amyu sha ni law htam kungzet wa na lam hpe hten za shangun sai.Amyu sha ni chye chyang rawt jat wa na m
(2) Gumhpraw sumprat kaba
N-dai sumprat gaw matsan jamjau ai n hkam lu ai ni,ra marit tim lagawn ai ni hta adit bang loi nga ai.N dai sumprat dit hkra na matu hkam la ai wa gaw hpyen wa a lata hta manat tawn ai sumri galu the gyit nna shangun sha hkrum ai ga chye shaga ai woi the bung nga ai .Hpyen wa shangun ai a majaw amyu myit nmai myit mat nga ai.Shi a jahten sharun atsam gaw shadawn shadang n nga ai.A myu ting hpe lam shayit lu nga ai majaw hkrit tsang ra ai sumprat rai nga ai. 
(3) A rawng a ya sumprat kaba
N-dai sumprat gaw htau li htaula myit hte myit yu sawn yu n nga ,masha law law e jawm naw ku,jawm mani dan,kum hpa jawm jaw,hpawng shing ra shagu n-htung de chyu dung mayu ai ni hte kachyi sha nga ai atsam hpe (Soda)bang nna shawawm madun mayu ai ni hta dit bang loi nga ai.N-dai sumprat dit hkam ai wa gaw dai sumprat shi a myi hta kapat shi a baw nu hta chyat nga lu ai majaw hpyen wa a myu shamyit ladat hpe nmu,shi a hpang hkan lachyawk mi a sai chyup nna hpyen wa hpe jaw na sha chye mat sai.Amyu ga garan wa na lam hta n gun kaba ai sumprat rai nga ai majaw hkrit tsang ra nga ai.
Ndai sumprat masum hta bung pre nna lak lai ai a tsam gaw sumprat dit hkam ai wa a myit hta machyi ai nna ,shi hkum shi nbung hta waw taw ai zawn shadu let sat na matu dun mat wa ai dum su hte bung nga ai.Dai majaw sumprat masum a atsam hpe yu nna htuk ai shara hta chye jai lang ai hpyen wa a ladat hpe an hte wunpawng myu sha ni a kahkyin gumdin ai n-gun hte adawt shale nna hpyen wa hpe mung gawt shapraw kau ra saga ai.
Matut shakut let,
BY:Bainam.
wUNPAWNG ZUPRA