Saturday, January 17, 2015

Tang Gau Bum Hpe Dai Ni Jang Bai Lu La Sai


===================================
(Lachid Kachin)

Dai hpawt (16.1.2015) ya ja hpawt Myen ni laknak ka ba nau gap shru bun ai majaw gan yen kau da ai Tang Gau Bum hpe gaw dai ni jang Myutsaw hpyen hpung ni kawn yawng bai sa lu htim gasat zing la sai lam shiga na chye lu ai.
Dai hpawt Tang Gau Bum hte RC, U Dang Bum hpe wa htim gasat zing la ai Myen tai hpyen hpung ni hpe dai na maga de gaw KIA, Dap Dung (6) na KIA, Myu tsaw share ning hkring ni kawn Tang Gau Bum lai hkra hkan shachyut gap nna Tanggau mare kaw mi yet (8)pm hta gap nga sai re lam shawng lam shiga lawk kawn chye lu ai.
Tangg Gau Bum de lung wa ai myen hpyen hpung ni hpe Tinang KIA, Dap Dung (6) ni bai nhtang gasat ai kaw Myen hpyen ni grai machyi hkrum, machyu pala ma mat nna bai htingnut ai kaw hkan shachyut gap nga ma ai re lam chye lu ai.
Matut n na Mogqaung-Hpakant lam Gauri mare na myen hpyendap hpe
Mung KIA, ni sa nat kau ya sai re lam hte ya yang e Mog gawng Gauri nam sheng hkan Tinang KIA, hpyen hpung ni shamu shamawt hkawm nga sai re lam hpe mung matut chye lu ai.
Hpakant,Lawng Hkang shara shagu hta daina bawm ( 5 )lang daram ngoi sai lam chye lu ai.