Kurdish Women Fighters.( Kachinese Women Fighter ) hpe kasi la ging ai

Tu Lum Marip added 31 new photos to the album: Kurdish Women Fighters.

Yesterday at 10:04pm · 

Kurd Amyu sha ni a maumwi Mausa grai kaba ai ni raitim Iraq, Iran, Syria, Turkey mungdan ni hta chyam bra nga ai amyu sha ni rai nga ai. Kurd Amyu sha ni Mungdan lu hkra rawt Malan gasat ai lam hta Amyu shayi ni hpe ahkyak ai magam bungli hte shawnglam majan pa hkan woi awn ai ningbaw shara ni du hkra shara jaw ai hte maren 2014 ning kaw na Kurd amyu sha rawt malan bungli hta Amyu Shayi Majan Kasat ai hpyen dap, Hpyen hpung ni law law byin pru wa sai hte, Majan kasat ai amyu shayi dinggai mahkawn ni gaw hpyen wa rim la hkrum, roi rip hkrum na malai, majan kasat let ap nawng na ngu hkam la ai hpyen num ni grai law ai lam sawk sagawn chye lu ai. Ndai Kurdish Women Fighters ni a magrau grang ai lam hte awng padang lam law law hpe sinna mungdan kaba ni kaw na ram ram shakawn shagrau ai hkrum ma ai. Kurdish Amyu Rawt Malan Hpung ni hpe Turkey, Iraq, Syria Mungdan Asuya ni kaw nna majan kaba hpaw, Chemical weapons ni du hkra lang nhtawm kasat shamyit nga ai raitim asum njaw ai sha Kurdistan Mungdan byin wa hkra shakut nga ai amyu sha ni rai nga ma ai.

Anhte Jinghpaw WP law malawng gaw Muslim Arab nga yang tinang hte nseng ai zawn tawn kau chye ma ai, hpami rai rai rawt malan nga ai anhte WP amyu shayi ni mung ndai Kurdish Women Fighters ni a kaja ai kasi kamang ni hpe hti hkaja nhtawm Wunpawng Amyu sha ni a rawt malan majan hta n-gun kaba byin wa mai nga ai.