Monday, January 19, 2015

Dai ni Jan 18, 2015 ya shani jahpawt daw na shiga

Ya Hkyak Hkyak Shang Wa Ai KIA Dung (6) Awng Padang Shiga
Dai ni Jan 18, 2015 ya shani jahpawt daw 11:00am ten daram kaw nna tinang KIA hpyen hpung ni hte Myen tai hpyen ni Ginsi Hkaw Mare kaw nan gap hkat nga sai lam na chye lu ai. Tinang KIA hpyen hpung ni sa htim gasat ai re lam na chye lu ai, ya shiga ka nga ai ten shana de daw 5:30pm du hkra naw ngoi nga ai lam na chye lu ai. Dai hpawt 11:00am ten tinang KIA ni nnan htim gasat hpang ai ten kaw na nan myen dap maga na myen mang (10) jan garawt sumpum da nna KIA ni hpe hkap shangla gasat nga ma ai nga shiga na chye lu ai.
Ginsi Hkaw mare hpe dai na bai lu la hkra tinang KIA myu tsaw ni aging agang shakut nga ma ai lam matut na chye lu ai, ndai Ginsi Hkaw mare gaw maning 2013 hta myen asuya dap ni zing la kau ai mare re, ya yang tinang KIA ni dai hpe bai lu la hkra shakut nga ma ai lam na chye lu ai.
Bai, Awng Ba Li mare kata de tinang KIA hpyen hpung ni lu shang sai lam mung na chye lu ai, mung mare masha ni hpe mung shapraw nga dingyang re lam na chye lu ai, myen bawng jahkrung ni hpe mung lu rim da nga sai lam na chye lu ai. Amyu sha ni yawng akyu Ja Ja naw jawm hpyi ya ga.....Ginsi Hkaw mare bai lu la na sha rai sai....