Monday, January 5, 2015

Myu hte Mungdan a matu lusha gam let akyu hpyi

Tsawra ai Wunpawng myu sha ni e,
Laimat wa sai shaning nnan praw Jan/1/2015 shani gaw wunpawng mungdan shanglawt kawn woi awn let Myu sha shawng lam a matu hkying hkum 24 lusha gam kyu hpyi ai lam galaw lai wa sai lam na chye lu ai,Myu hte mungdan a matu kyu hpyi myit dum ya na lam ,yawng hpe mung saw shaga lai wa sai lam chye lu ai.

Teng sha nga yang lam shagu hta n lu shang lawm ai rai tim ndai kyu hpyi lamang hta yawng kyu hpyi myit dum shang lawm mai nga ai.

Laimat wa sai ten na myusha lam yan lamang ni hta nlu shang lawm ai rai tim, ya kaw nna gaw lama ma hku nna myusha lam yan hta shang lawm ,myit dum kyu hpyi lawm yang mai na re ngu ga saw shana mayu nngai law.

Ga shadawn dai ni gaw shaning nnan a laban n htoi rai nga ai,
hkying hkum 24 nrai tim shat da mi,(shatma mi ) ram lu sha gam nna kyu hpyi shang lawm mai nga ai.(shatami a shawng na laban zawn re kaw kyuhpyi ai lam mai galaw nga ai)

Dai tinang na lu sha gam ai ''shat ma'' mi a manu gum hpraw hpe ''ngai nau ni hta na kaji dik ( tsinyam)'' (shing nrai) myu sha lam hta madi shadaw lawm mai nga ai.
USA hte maigan mungdan hkan nga ai myu sha ni a shat da mi manu gaw dollar $ 6,$7 ram rai nga ai.Ndai zawn re kyu hpyi let bang ai fund gaw ''Ngai nau kaji dik'' ni a matu kade akyu nga na gaw nang mung lu tak sawn chye lu sana re ngu kam ai.

Irish Mungdan na Kam sham ai hpung masha nkau mi hte USA na kam sham ai Naw ku hpung masha nkau mi gaw ndai zawn lusha gam ai gum hpraw alu hte matsan mayan tsinyam jam jau hkrum  ai mungdan na "kaji htum '' ni hpe karum ai lam re mung chye lu ai.

An hte Kam sham ai naw ku hpung masha rai nga sai Kachin ni mung ndai zawn re maikaja ai kasi lamai nga ai law.