Tuesday, February 4, 2014

Hka the Nga

De

Myitrum manang ni,

Tsadan ni gaw Kachin ni a awngdang kahkyin gumdin lam hpe tsepkawp jahten sharun kau na matu, htawng ni krang da masai. Kachin Ramma ni Shanglawt hpeynla n sa lu la hkra, ka-ni nanghpam hte hkalem nna htawng rim bang kau na. Moi na zawn, gumhpraw hte hkan tim n lu sana, n si si hkra htawng kaw zingri sat kau na masing hte Myo mare kaba kaw jawng lung nga ai jawngma ni hpe sarama ni hpe jai lang nna, adip arip shakri nga sai lam chye lu ai majaw, nachying hkam sha let lawu na ga shagawp hpe shagawp dat lu nngai... oi.



N dang hkam sha ai; JIC



"Hka Hte Nga"

2013 htum ntawn,

Ginjaw shara shawngnumshawn;

Mungmasa magupsumhpa,

UN salang mung du sa;

Wuwu didi tau hkalum,

Tai ni myiman grai sum dum.



2013 htum mahka,

Laizapa e hpawng kaba;

Rawtmalan hpung ni mau she mau,

UNFC gumhpawn rau.



2013 htum ntawn,

Kachin awngdang lam shabawn;

Shanglawt dawnghkawn lam she rai;

Myenmung htumpa du rau sai.



2013 htum wa de,

Kachin 101 gale;

Wunpawng ni yawng langaisha,

Shawnglam iya gammaka.



Kachin awngdang n kam yu,

Myi makrim ai tsadandu;

Gumli shamyit masing hkrat,

Katsi majan hte nut jat.



Kachin n dang hkam sha hkra,

Zingri sana htawng kata;

KIO gaw, “Nga” ni tai,

Wunpawng ni gaw, “Ahka” rai.



“Nga” ni asak n hkrung ging,

“Hka” hpe jahkyet na masing;

Tsadan a mawlanyet k’ba,

Wunpawng ni yawng chye na ra....



Shanglawt Tsing

3.2.2014 (10:30 AM)