Ya yang na Myen ni a Myi Shanut ladat

Nutna Nutnan 

===========================
Ya yang myen ni gaw, shara shagu de na yu hkrai yu ai zawn galaw dan taw nga ma ai, 14 / 2 / 2015 ya shana de Gwi Hka - Hu Pin lam hku nna mung Modo hte nkau yu wa ma ai da, Dai kaw Gwi Hka mare kaw na pru mat wa ai kade nna yang Dung 6 kaw na myu tsaw ni hkap adem bun ai kaw Modo 2 hten ai nga shiga na lu ai.

Bai Hpakant - Mogaung lam hku nna yu wa ai ni hpe mung Mogaung du na Mile 3 daram sha re kaw remote bom de hte hkap gasat ai kaw, hkra machyi ai lam nga sai lam matut nna shiga na lu ai.

Myitkyina mare muklum kata de mung, 14 ya shani Modo 100 jan shang wa nna, daihpawt 15 ya jahpawt mung 20 jan naw du shang wa ai lam shiga na lu ai.

Tak maram yu ai lam ....
12 ya hpang daw hta Laiza sa htim gap na matu shanhte a mahkyen nga ai hpe anhte shiga shawng lu la amat ai majaw, ya gaw, myi shanut masing, masha mu ai kaw gaw wa masu ai zawn zawn di nna yuptung e masha n mu jang, bai lagu lung ai baw ladat rai na hpe mung dum ra nga ga ai.

Yan Gung mare de Jawngma ni nau kasu kabrawng wa yang, laknak hte hkang zing na matu mung Blaik hpe shanhte n mai kam mat sai. Balilk mung mung shawa maga de law malawng kap mat sai majaw, Hpyen dap ni nan hkangzing ra mat ra na sai. Dai majaw nkau mi yu wa ai mung mai byin ai.

Kokang Lao Gai de .... mung hpyen n-gun jat ding yang re nga tsun ai. hpa majaw, 14 ya shani Miwa mung masha 2 hpe gap sat kau hkrup ai majaw, Miwa asuya gaw grai pawt taw nga sai, grau nna gaw, Kokang ni hpe Miwa asuya kaw nna madi shadaw nang taw ai zawn re hpe shanhte maram masam la nga masai. dai majaw mung manghkang gaw grai naw mai kaba wa ai ngu mu mada nngai.

Hpa mi nga nga .... anhte myu sha ni gaw, Karai Kasang hpe kam le she gasat ai majaw, dating ra ai da hpran ra ai, naw shakut shaja ra nga ga ai hpe aten hpring sadi maja let akyu jawm hpyi ding yang naw rai ra nga ga ai.