Wednesday, February 18, 2015

တိုင်းရင်းသားတွေ ဘာကြောင့် တပန်းရှုံးနေရသလဲ

မိမိအမြင်ကတော့ ဒီလိုပါ။
(၁) မြန်မာ့တပ်မတော်ကို နယ်စပ်ဒေသကနေ ပြန်မောင်းထုတ်ဖို့ ပထမအရေးကြီးပါတယ်။
(၂) မြန်မာ့တပ်မတော်ကို ပြည်နယ်တွေကနေ မောင်းထုတ်ဖို့ ဒုတိယအရေးကြီးပါတယ်။
(၃) အစိုးရအုပ်ချုပ်ရေးနဲ့အပြိုင် ပြည်နယ်တွေကို သီးခြားအုပ်ချုပ်နိုင်ဖို့ဟာ တတိယအရေးကြီးပါတယ်။
By U Ravika


တိုင်းရင်းသားတွေ ဘာကြောင့် တပန်းရှုံးနေရသလဲ
မြန်မာစစ်တပ်ကို ပြည်နယ်တွေမှာ ကြီးစိုးခွင့် ပေးလိုက်လို့ တိုင်းရင်းသားတွေက ပထဝီနိုင်ငံရေးအရပဲ တပန်းရှုံးနေတာမဟုတ်ဘဲ စစ်ရေးအရလည်း အများကြီးရှုံးနိမ့်စေပါတယ်။ နေဝင်းလက်ထက်ကတည်းက ကျင့်သုံးလာခဲ့တဲ့ ဖြတ်လေးဖြတ် (အခု) မင်းအောင်လှိုင်ရဲ့ တပ်မတော်မူ(၆)ချက်ကြောင့် ပြည်သူ့ဆက်ဆံရေးအပိုင်းမှာလည်း အကြီးအကျယ် အရှုံးပေါ်နေပါတယ်။
အစိုးရမှာ ပြည်သူ့ထောက်ခံမှုပဲ မရှိတာပါ။ ကျန်တာ အကုန်ရှိပါတယ်။ ထိုးစစ်ဆင်ဖို့ တပ်ရင်းတပ်မတွေ ရှိသလို ဝါဒဖြန့်ဖို့ တပ်ရင်းတွေလည်း ရှိပါတယ်။ နောက်ပြီး အခု လူမှုအဖွဲ့အစည်းတွေမှာလည်းကောင်း၊ စီးပွားရေးနယ်ပယ်မှာလည်းကောင်း၊ ဖွံ့ဖြိုးရေးစီမံကိန်းများမှာလည်းကောင်း စစ်တပ်အရာရှိဟောင်းတွေ နေရာယူထားကြလို့ သူတို့က ဘက်ပေါင်းစုံကနေ ပြည်သူတို့ကို သွေးဆောင်ဖြားယောင်းနိုင်ပြီဖြစ်ပါတယ်။
လက်ရှိပြုပြင်ပြောင်းလဲရေးကြောင့် အစိုးရက ပြည်ပအကူအညီ ဒေါ်လာ(၃)ဘီလီယံမျှ ရရှိမှာ ဖြစ်လို့လည်း ဒါဟာ မက်လုံးတစ်ခုသဖွယ်ပါ။ လက်ရှိအနေအထားမှာ တိုင်းရင်းသားတွေဟာ ဟန်ယောင်ဝေတို့ စဉ်းစားသလို အစိုးရနဲ့ မျှဝေမျှစား လုပ်လို့ မရပါဘူး။ အဲဒီလိုလုပ်ရင် အစိုးရဆင်ထားတဲ့ အကွက်ထဲ ဝင်မိမှာ ဖြစ်ပြီး တိုင်းရင်းသားလူငယ်တွေမှာ တော်လှန်ရေးစိတ်ဓာတ် ပျောက်ကွယ်သွားမှာ သေချာပါတယ်။
အခု ကိုးကန့်တိုက်ပွဲဟာ တိုင်းရင်းသားလက်နက်ကိုင်တော်လှန်ရေးအဖွဲ့အစည်းတိုင်းက သင်ခန်းစာ ယူသင့်တဲ့ တိုက်ပွဲတစ်ခု ဖြစ်တယ်။ မင်းအောင်လှိုင်ရဲ့ အင်တာဗျူးကို ကြည့်ရင်
(၁) တိမ်ရှောင်ခဲ့တဲ့ ဖုန်းကြားရှင်ဟာ ရာဇဝတ်သားတစ်ယောက် ဖြစ်တယ်။
(၂) သူက တရားဝင်ရပ်တည်နေတဲ့ ကိုးကန့်အစိုးရရဲ့ အချုပ်အခြာအာဏာကို ထိပါးနေသူ ဖြစ်တယ်။
(၃) လူမျိုးတူလို့ ထောက်ခံမှု ရရှိနေတာကို အချိန်ယူ ဖြိုခွဲမယ်။
(၄) ကိုးကန့်ကို တပ်မတော်လက်အောက်မှာပဲ ဆက်ထားမယ်။
ဒီသဘော ပြောသွားတာကို တွေ့ရမှာပါ။ နောက်ပြီး _
(၁) ၁၉၉၀ ပြည့်နှစ်မှာ NLD က ရွေးကောက်ပွဲကို အနိုင်ရခဲ့ပေမဲ့ အာဏာလွှဲဖို့ အဆင်မပြေခဲ့ပုံနဲ့
(၂) ၂၀၁၀-ပြည့်နှစ် ရွေးကောက်ပွဲ မဲပြဿနာတက်ခဲ့တဲ့ကိစ္စကိုလည်း
တရားဥပဒေစိုးမိုးမှုမရှိလို့ ဆိုပြီး ရည်ညွှန်းသွားခဲ့ရာ အဲဒါကတော့ တိုင်းရင်းသားလက်နက်ကိုင်တော်လှန်ရေးအဖွဲ့အစည်းများကြောင့် သူတို့က မလွဲမရှောင် အာဏာကို ဆုပ်ကိုင်ထားရတယ်၊ မဲကို ခိုးရတယ်လို့ ပြောသလို ဖြစ်နေပါတယ်။ အဲဒီအထိ စကားကို ခင်းထားတာပါ။
ဒါဟာ ဘာကြောင့်လဲ။ ရှင်းပါတယ်။ မြန်မာ့တပ်မတော်က နယ်စပ်ဒေသကို ထိန်းချုပ်နိုင်ခဲ့တဲ့အချိန်က စပြီး ဘယ်တိုင်းရင်းသားဒေသကမှ အေးအေးချမ်းချမ်း နေထိုင်ရတာ မရှိပါ။ တိုင်းရင်းသားတော်လှန်ရေးအဖွဲ့အစည်းများဟာ တော်လှန်ရေးအဆင့်အထိ မိမိတပ်ကို မမြှင့်တင်ခဲ့ဘဲ ပြောက်ကြားအဆင့်လောက်ပဲ ကျေနပ်နေခဲ့တာ နှစ်ပေါင်း(၆၀)ကျော်နေခဲ့ပါပြီ။ အခုလည်း FUA အဖြစ်ဖွဲ့စည်းဖို့ အဟန့်အတားတွေ ရှိနေပါတယ်။ ဒါကို အခွင့်ကောင်းယူပြီး မြန်မာ့တပ်မတော်က တိုင်းရင်းသားဒေသကို ကျူးကျော်သိမ်းပိုက်ပြီး ပြောင်ပြောရရင် မြန်မာပိုင်နက်အဖြစ် သတ်မှတ်ခဲ့ခြင်းပါပဲ။ အခု မြန်မာ့တပ်မတော်သိမ်းပိုက်မိသမျှဟာ ရှမ်းဆိုလည်း ရှမ်းနယ်မြေမဟုတ်ေတော့ဘူး။ ကချင်ဆိုလည်း ကချင်နယ်မြေမဟုတ်တော့ဘူး။ ကိုးကန့်ဆိုလည်း ကိုးကန့်နယ်မြေမဟုတ်တော့ဘူး။ မွန်ဆိုလည်း မွန်နယ်မြေမဟုတ်တော့ဘူး။ ကရင်ဆိုရင်လည်း ကရင်နယ်မြေမဟုတ်တော့ဘူး။
မြန်မာ့တပ်မတော်က အဲဒီလို တိုက်ခိုက်သိမ်းပိုက်ပြီး လူ့အခွင့်အရေးနဲ့အညီ အုပ်ချုပ်နေခဲ့မယ်ဆိုရင် မဆိုးပါဘူး။ ဒါပေမဲ့ သူတို့ဟာ တိုင်းရင်းသားလူမျိုးများအတွက် ဘာကောင်းကျိုးမှ မရှိပါ။ သူတို့ဟာ ရှိသမျှကို မြန်မာမှုပြုဖို့ အမြဲတမ်း ကြိုးစားကြပါတယ်။ အခု သူတို့နောက်မှာ ဦးပိုင်ရှိပါတယ်။ ခရိုနီတွေ ရှိပါတယ်။ ပရိုဂျက်နိုင်ငံရေးသမားတွေ ရှိပါတယ်။ သာပေါင်းညာစား တိုင်းရင်းသားခေါင်းဆောင်အမည်ခံအချို့ ရှိပါတယ်။ နောက်ပြီး အစိုးရဝန်ထမ်းနာမည်နဲ့ လာရောက်အခြေချမဲ့ ပြည်မကလူတွေဟာ တန်းစီးနေပါတယ်။ ဥပမာ အခု ကိုးကန့်မှာ မြန်မာ့တပ်မတော်က ကိုးကန့်အရပ်သားတွေကို ပစ်သတ်နေတယ်။ ဒါကို ပြည်မက လူတွေက စာနာတဲ့လူတွေ ရှိပေမဲ့ စစ်တပ်နဲ့ ပတ်သက်တဲ့အုပ်စုတွေက ဒါကို မထီမဲ့မြင် ပြုနေမှာပါ။ မဟုတ်ကြောင်း ငြင်းဆိုနေကြမှာပါ။ ဒါပေမဲ့ ကိုးကန့်တပ်က လာရောက်အခြေချတဲ့ ပြည်မသားတစ်ယောက်ကို မတော်တဆ ပစ်မိတယ်ဆိုပါတော့ သူတို့က ဝါဒဖြန့်လို့ ကောင်းသွားပါပြီ။ ပြည်မက လူတွေက ရဲသွေးရဲမာန်အပြည့်နဲ့ တိုင်းရင်းသားတို့ကို မုန်းတီးနေကြပါလိမ့်မယ်။
သိန်းစိန်အစိုးရ တက်လာတဲ့နောက်မှာ မြန်မာ့တပ်မတော်က စစ်ပွဲပေါင်းများစွာကို တိုက်ခိုက်ခဲ့ပါတယ်။ တိုင်းရင်းသားတို့ရဲ့ တပ်မဟာများကို သိမ်ပိုက်နိုင်ခဲ့ပါတယ်။ တိုင်းရင်းသားကျေးရွာတွေကိုလည်း ဖျက်ဆီးခဲ့ကြပါတယ်။ တိုင်းရင်းသားလူမျိုးများဟာလည်းပဲ အတိဒုက္ခရောက်ခဲ့ကြရပါတယ်။ ဒါကို စာနာနိုင်တဲ့ မြန်မာတွေ ရှိပါတယ်။ ဒါပေမဲ့ ထိထိရောက်ရောက် ကာကွယ်ပေးနိုင်တာမျိုး မရှိပါ။ တိုင်းရင်းသားတို့ရဲ့ အကျိုးစီးပွားကို အမှန်တကယ် ဆောင်ရွက်ပေးနိုင်တဲ့ ပါတီဆိုတာလည်း မရှိသေးပါ။ ဒါပေမဲ့ အခု မြန်မာ့တပ်မတော်မှာ တပ်ရင်းတစ်ရင်းပဲ ပြုတ်ရသေးတယ်။ စစ်အုပ်စုတို့က မဟုတ်မမှန် ဝါဒဖြန့်ပြီး တကယ့်အနုပညာရှင်တွေတောင် မြန်မာ့တပ်မတော်သားတွေဘက်ကနေ ရပ်တည်လာကြတာကို တွေ့ရမှာပါ။ ဒါကို KNU နဲ့ RCSS တို့လည်း သတိထားသင့်ပါတယ်။ အထူးသဖြင့် သူတို့ရဲ့ အကြံပေး ဟန်ယောင်ဝေပေါ့။
ဒီအတိုင်း အစိုးရကို လိုက်လျောလိုက်မယ်ဆိုရင် ဘာတွေ ဖြစ်လာမလဲ။
(၁) စစ်မှန်တဲ့ ဖက်ဒရယ်မူ ဖြစ်မလာဖို့က သေချာပါတယ်။
(၂) လက်နက်ချခိုင်းဖို့က သေချာပါတယ်။
အဲဒီအချိန်ကျမှ လက်နက်ချခိုင်းရင် ပြန်ချရုံပဲပေ့ါလို့ ပေါ့ပေါ့တွေးနေကြပါလိမ့်မယ်။ ဒါပေမဲ့ မင်းအောင်လှိုင်တို့က အခု အပစ်ရပ်ဆွေးနွေးနေတဲ့အချိန်မှာတောင် တိုင်းရင်းသားတို့ကို လိုအပ်ရင် အပြုတ်တိုက်ဖို့း နေရာယူထားပြီးသားပါပဲ။ နောက်ပြီး လိုအပ်တဲ့ အဆောက်အဦမှန်သမျှကိုလည်း တစ်ဆင့်ပြီးတစ်ဆင့် တည်ဆောက်ထားပါတယ်။ ကာချုပ်မင်းအောင်လှိုင်ရဲ့ စကားကို တိုင်းရင်းသားခေါင်းဆောင်တို့ ဘယ်လိုသဘောပေါက်လဲတော့ မသိပါ။ သူက ဖက်ဒရယ်ကို မပေးဘူး၊ တိုင်းရင်းသားလက်နက်ကိုင်အဖွဲ့အစည်းကိုလည်း ထားရှိခွင့်မပေးဘူးလို့ သွယ်ဝိုက်ပြောနေပါတယ်။ ဒါကိုတောင် တိုင်းရင်းသားခေါင်းဆောင်တွေက ကွမ်းတမြုံ့မြုံ့နဲ့ ပြုံးးစိစိနဲ့ ဇိမ်ပြေနပြေ နားထောင်နေကြတော့ တကယ့်ကို ဂွကျတာပဲလို့ပဲ ပြောချင်ပါတော့တယ်။
မိမိအမြင်ကတော့ ဒီလိုပါ။
(၁) မြန်မာ့တပ်မတော်ကို နယ်စပ်ဒေသကနေ ပြန်မောင်းထုတ်ဖို့ ပထမအရေးကြီးပါတယ်။
(၂) မြန်မာ့တပ်မတော်ကို ပြည်နယ်တွေကနေ မောင်းထုတ်ဖို့ ဒုတိယအရေးကြီးပါတယ်။
(၃) အစိုးရအုပ်ချုပ်ရေးနဲ့အပြိုင် ပြည်နယ်တွေကို သီးခြားအုပ်ချုပ်နိုင်ဖို့ဟာ တတိယအရေးကြီးပါတယ်။
ဒီနည်းက ပိုခက်တယ်လို့ ထင်စရာ ရှိပါတယ်။ ဒါပေမဲ့ လက်ရှိ ၂၀၀၈ ဥပဒေအောက်မှာ ဖက်ဒရယ်မူတောင်းတာထက် ပိုလွယ်ပါလိမ့်မယ်။ ဒီလိုလုပ်လို့
(၁) ပြည်နယ်တွေမှာ မွမွကြေမှာ မဟုတ်ဘဲ အစိုးရမှာလည်း စစ်စရိတ် ထောင်းစေရမယ်။
(၂) ပြည်နယ်တွေကို ပြည်မက မပိုင်ဘူးလို့ ပြည်သူတွေ သိလာကြပါလိမ့်မယ်။
(၃) အစိုးရက တိုင်းရင်းသားအချင်းချင်း သွေးခွဲမှု၊ အချင်းချင်း အသုံးချမှုတွေ မရှိသလောက် ဖြစ်သွားမယ်။
(၄) နိုင်ငံတကာကလည်း ငြိမ်းချမ်းရေးဆွေးနွေးပွဲတွေမှာ ဒီထက် ပါဝင်ခွင့် ရပါလိမ့်မယ်။
(၅) အနည်းဆုံး ပြည်နယ်နဲ့ ပြည်မကြားမှာ ကုလတပ် ချထားဖို့ ဖြစ်လာပါလိမ့်မယ်။
ဒါမှ ပြည်တွင်းစစ်လို့ ခေါ်ပါတယ်။ ဒီလိုလုပ်လို့ တိုင်းရင်းသားတွေက ပြည်ထောင်စုကနေ ခွဲထွက်ချင်လို့ ဆိုတဲ့ အဓိပ္ပါယ်မဟုတ်ပါဘူး။ ပြည်ထောင်စုကနေ မခွဲထွက်ချင်လို့ ဒီလိုလုပ်ရတာဖြစ်ကြောင်း ပြည်သူလူထုတွေ သိရှိကြအောင် အမြဲတမ်း ရှင်းလင်းတင်ပြနေရမှာ ဖြစ်တယ်။ အခု ဒီအတိုင်းဆိုရင် ပြည်တွင်းစစ် မဟုတ်ပါ။ အစိုးရယန္တရားက ကောင်းကောင်းလည်ပတ်နေလို့ ဖြစ်ပါတယ်။ အစိုးရယန္တရားက ကောင်းကောင်းလည်ပတ်လို့ ရနေသမျှ တိုင်းရင်းသားတို့ဟာ ဘယ်အရေးမှာမဆို တပန်းရှုံးနေပါလိမ့်မယ်။