Wednesday, February 18, 2015

Du wa wabaw Zau Rip a numhtet ga

Du wa wabaw Zau Rip a numhtet ga
Bogyoke Aung San gaw ,Myen mung ting shanglawt lu na matu,Myen mungdan e nga ai mung masha yawng ,Myen,Sam,Hkang,Kayin,Kaya,Mon,Yakhaing the jinghpaw ni,myit mang hkrum let jawm hpyi yang sha,lawan lu mai ai hpe chye wu ai majaw ,myitkyina de du ai aten hta Jinghpaw du salang law law the hkrum shaga mayu ai lam tau shana tawn da ai.Dai majaw ,Manmaw the Myitkyina ginwang shara shagu na Jinghpaw du salang ram ram law hkra du hkum nga ma ai re.
Dai shana de hkying 4 aten hta ,ya na Wan sat Dap shara e,Myitkyina mare na hpaga lauban hpung ni gaw,Bogyoke Aung San the shi manang ni hpe ,hpalap lu poi the hkap hkalum ma ai.Dai hpalap lu poi hta,Jinghpaw du salang nkau mi mung sa du lawm ma ai.Hpalap lu poi galaw nga ai laman,Bogyoke Aung San gaw Jinghpaw du salang ni dung nga ai hpawng maga de rawt sa wa nna,moi kaw na chye hkau tawn chyalu zawn,mani sai sha rai let,shachyen shaga hpang wa sai.
"Ngai dai ni Myitkyina mare de du lung wa ai lam gaw ,nanhte Jinghpaw du salang ni the hkrum shaga mayu ai majaw ,dasang lung wa ai re"nga nna tsun shaga hpang wa ai."Ya ngai gaw ,anhte Myen mung e nga ai amyu sha ni yawng myitmang langai sha shabawn let,kahkyin gum din lu hkra shakut nga nngai Nanhte myit su du salang ni the mung angwi sha bawng jahkrum na n ngai"nga nna tsun shana ai.
Dai hpalap lu poi hta sa lawm ai,Jinghpaw du salang ni gaw,moi shawng de Myen du salang kaba ngu ai,kadai the mung garai n hkrum shaga yu ai ni hkrai rai ma ai.Bogyoke Aung San the shawng nnan hkrum shaga yu ai the maren,akaw alaw shaga la ai shaloi ram ram way u mau ma ai.Ndai laika ka ai wa mung,dai hpalap lu hpoi hta sa lawm ai re majaw ,Bogyoke Aung San the shawng nnan mu hkrum yu ai the maren,shi a sat lawat,shit sun shaga ai ga ni hpe madat yu nna,ndai myen salang wa gaw,ram ram myit galu kaba rawng ai ningbaw ningla kaba re ngu,shi hpe grai yu sharawng kau nngai.
Dai aten hta Bogyoke Aung San gaw ,asak 33 ning sha naw re ai,rai tim Japan ten Myen hpyen dap yawng a hpyen du jaubu kaba tai lai wa sai hta n-ga Hp.S.P.L hpung a ningbaw wa mung rai nga ai.Myen mung ting na Myen ningbaw salang kaba dik mung rai nga ai.Shingrai arawng aya kaba lu ai du kaba raitim,gumrawng ai myit nrawng ai sha,kalang mi mung garai n hkrum yu ai Jinghpaw salang ni hpe,hku hkau ai lailen ningli the shachyen shaga hpang wa ai majaw ,dai hpalap lu poi hta sa lawm ai jinghpaw salang ni gaw ,Bogyoke Aung San hpe grai shakawn shajang ma ai.
(Dai ten na anhte salang ni hpe aung san wa gara hku maw la ai gaw asan sha chye na sai ,ya mung myen gaw maren sha re,Zuphpawng shagu ,myi man gaw mani sai rai nah pang e nhtu hpai ai hkrai rai ma ai.)
Matut na.......................................

added 2 new photos. 29 mins · Edited ·