NAT JAW HTE HKRISTAN NI HKRUMZUP BAWNGBAN
Jinghpaw Wunpawng Amyu sha ni a makam lahkawng rai nga ai Hkristan Makam Hte Nat Jaw Makam hte seng ai hkrumzup bawngban hpawng hpe Miwa Gumsan Mungdan, Sakhkung Mungdaw, Hkasang Mare, Shadan Krung hta April shata (4-9) ya laman galaw nga ai lam na chye lu ai. Ndai zuphpawng hta madung gaw Makam lahkawng rai nga ai Hkristan Makam hte Nat jaw makam hte seng ai lam ni, hte kaga amyu sha lamyan ni hte seng ai lam ni law law hpe bawngban jahkrup ai re lam hpe na chye lu ai. Ndai Zunpawng hta Dakkasu jawng na Ningbaw Ningla ni, Munghpawm Myanmar Mungdan na Chyum Masa Ninghkring ni rai nga ai Dr. Lahpai Awng Li, Dr. Maran Singawng hte kaga ningbaw ningla ni, Miwa Gumsan mungdan na Labau Ninghkring Dukaba Manam Tawng, Dumsa Jaiwa Kaba Ni, Nat jaw salang ni hte Wunpawng Shi laika dap ni hte kaga ningbaw ningla ni law law sa du shang lawm bawngban nga ai lam hpe mung chye lu ai. Nat jaw maga na Dumsa Jaiwa kaba ni mung ji jaw nat jaw lam hpe sanglang jahpra dan let Hkristan maga de na Chyum ninghkring ni mung Karai masa lam hpe tsung sanglang jahkrup nga ai lam hpe na chye lu ai.
By-Jinghpaw masa web
