Majan Bai matut manoi gasat hpang wa sai ( Kyuhpyi karum ga )

KIA Masat (4) Dap Ba Dap Dung (36) Hte (38) Ginra Ni Hta Matut Manoi Gasat Nga

0 Comments Leave a comment

April 3, 2014 at 9:32 PM

April 2, 2014 ya shani hta Sam Mung dingdung daw KIA Masat (4) Dap Ba Dap Dung (38) na myu tsaw share ni hte myen asuya dap Hk-M-Y-(601) hpyen hpung ni Pang Hkawn kaw gasat poi byin ai lam na chye lu ai. Ndai gasat poi hta myen asuya maga na marai (3) si nna marai (4) ram hkala kaba hkrum mat ai lam na chye lu ai.

Bai, April 3, 2014 ya shani hta KIA Masat (4) Dap Ba Dap dung (36) na KIA MHH Kung (2) ni hte myen asuya dap Hk-M-Y-(568) ni Loi Lak hte Nam Se Pa lapran kaw ang katut gasat poi byin ai lam na chye lu ai. Myen asuya dap ni hkra machyi ai law wa ai majaw bai htingnut mat wa ai kaw MHH Kung (5) ni hte kalang bai gasat poi byin ai lam na chye lu ai. Ndai gasat poi (2) hta myen asuya maga na laja laja si hakala hkrum mat ai lam na chye lu ai, tinang KIA maga na gaw Krai Kasang chyeju a majaw hpa nra ai lam mung matut na chye lu ai. 

Myutsaw Kasa myutsawkasa.blogbaker.com No Tags

Myen Asuay Dap Hpyen N-gun Kaba KIA Masat (3) Dap Ba Ginra De Dingyang Htu Shadut Lung Nga, Majan Kaba Bai Byin Na Masa Nga

0 Comments Leave a comment

April 3, 2014 at 9:11 PM

April 3, 2014 ya shani hta Myen asuya dap Hk-L-Y-(69), Hk-M-Y-(325,567) pawng hpawn n-gun (150) daram gaw hpyen modo kaba (7) tup hte Nam Hkam maga de nna Man Wing de lai lung wa sai lam na chye lu ai, ya yang dai hpyen hpung gaw Man wing kaw nna KIA masat (3) Dap Ba Dap Dung (27) ginra Lagat Daw ngu ai shara kaw bai du nga sai lam na chye lu ai. 

Bai, April 3, 2014 ya shani hta sha KIA masat (3) Dap Ba Dap Dung (12) ginra Man Ta, Han Htet ginra hta shamu shamawt hkawm ai Hk-M-Y- (601) n-gun (80) daram gaw KIA Dap Dung (27) ginra Mung Hkawng de bai du shang wa sai lam na chye lu ai.

Bai, April 3, 2014 ya shani hta sha Sam Mung dingdung daw Kut Hkai de na myen asuya dap Nu (88) ni Modo kaba (52) tup N-gun (1000) grupyin gaw Muse Nam Hkam maga de lai lung wa sai lam na chye lu ai. Modo (3) gaw Mung Yu kaw hkring nna, Nam Um hte (105) Mile lapran kaw Modo (8) hkring rai, nam ai Modo (41) tup gaw hpyenla hpring hpring htaw nna Muse Nam hkam maga de lai yu wa sai lam na chye lu ai. Ndai hpyen hpung gaw shana maga de 4:00pm daram hta KIA Dap Dung (27) ginra Man Wing mare de du shang wa nna Man wing laika sharin jawng kaw htaw sa da sai lam na chye lu ai, Man wing de du shang wa ai hpyen n-gun yawng (800) daram re lam mung na chye lu ai. 

Myen asuya dap ni gaw ndai laman Jinghpaw Mung KIA Masat (3) Dap Ba ginra de laja lana hpyen n-gun kaba hte bai htu shadut lung wa nga ai majaw ndai laman KIA Masat (3) Dap Ba ginra ni hta Majan Poi kaba bai nyin wa na masa nga ai nga nna KIA shawng lam ginra na du salang ni tsun shana wa ai.

Myu sha ni yawng Ja Ja kyu hpyi myit dum ya na lam mung ndau shana hpyi lajin dat ai law..... 

Myutsaw Kasa myutsawkasa.blogbaker.com No Tags