Friday, April 11, 2014

April 11,2014 Dai ni na Majan shiga ni ( Myutsaw kasa blog )

Posted by Admin

KIA Dap Dung (27) U lang Pa Ninghtawn Rung Hte Up Hkang Rung Hpyen Nau Gahtep Wa Nna Masa Ntsawm Wa Ai Majaw Tinang Maga Na Nat Kau Da

0 Comments Leave a comment
April 11, 2014 at 11:09 PM

9343_467542456672127_1022962732_n.jpgApril 11, 2014 ya shani 7:00Pm ten ram hta KIA Masat (3) Dap Ba Dap Dung (27) ginra U Lang Pa Ginwang Rung hte Up Hkang rung hpe masa nau n’tsawm wa sai majaw tinang maga na wan nat kau da sai lam shiga na chye lu ai. Myen asuya dap ni matu manoi htim gasat nga dingyang the tinang KIA maga na mung dang di lu ai made ninghkap shingle gasat nga ai lam na chye lu ai.  

Myutsaw Kasa myutsawkasa.blogbaker.com No Tags

April 11, 2014 Ya Shani Na Myen Hpyen Shamu Shamawt Shiga Ni

0 Comments Leave a comment
April 11, 2014 at 11:04 PM

1000643_607240836035876_2663686255153504556_n.jpgApril 11, 2014 ya shani 1:30Pm ten ram hta Manmaw kaw na lai lung wa ai myen asuya dap D-K-Ts-(21) kata na hpyen hpung n-gun (100) ram gaw hpyen modo (6) hte Loi Je makau Yaw Yung de du shang wa sai lam shiga na chye lu ai. Ndai Yaw Yung gaw Mai Ja Yang the mung nau ntsan ai shara re lam mung matut na chye lu ai.

April 10, 2014 ya shani KIA Masat (3) Dap Ba Dap Dung (27) ginra Hka Pra kaw gasat poi byin ai myen asuya dap Hk-M-Y-(601,522) pawng hpawn hpyen hpung ni Han Htet mare htumpa kaw du nga sai lam shiga na chye lu ai.

April 11, 2014 ya shani 2:00Pm ten ram hta KIA Masat (3) Dap Ba Dap Dung (12) ginra Shwi Gu dap na Hk-L-Y-(56) ni hpyen modo (3) hta n-gun hpring hpring htaw nna KIA Dap Dung (27) de lung wa sai lam shiga na chye lu ai.  

Myutsaw Kasa myutsawkasa.blogbaker.com No Tags

KIA Masat (3) Dap Ba Dap Dung (27) Ginra Hka Pra Bum Kaw Gasat Poi Byin

0 Comments Leave a comment
April 11, 2014 at 11:01 PM

10172655_608820932544533_768263515233328634_n.jpgApril 11, 2014 ya shani 7:20Am ten ram hta KIA Masat (3) Dap Ba Dap Dung (27) ginra Hka Hkye lahta Hka Pra Bum kaw myen dap Hk-L-Y-(96,88,68) hte Hk-M-Y-(522) pawng hpawn hpyen hpung n-gun (200) grupyin hte tinang KIA hpyen hpung ni laja lan agsat poi byin ai lam shiga na chye lu ai.

Ndai gasat poi hta myen asuya tai hpyen maga na yawm htum marai (10) ram si hkala machyi hkrum mat nna tinang KIA maga na marai (2) hkala hkrum ai lam na chye lu ai. 

Myutsaw Kasa myutsawkasa.blogbaker.com No Tags

KIA Masat (3) Dap Ba Dap Dung (27) Ginra Kata Na Hkyak Hkayak Hpyen Yen Shiga Ni

0 Comments Leave a comment
April 11, 2014 at 10:59 PM

75942_600712193342317_1727402023_n.jpgApril 11, 2014 ya shani KIA Masat (3) Dap Ba Dap Dung (27) ginra Hka Hkye hpyen yen dabang na mung masha ni Miwa hkran de hprawng bang wa ai hpe Miwa Asuya ni n-gu hte malu masha hpan hkum garan jaw ai lam shiga na chye lu ai.

April 11, 2014 ya shani KIA Masat (3) Dap Ba Dap Dung (27) ginra Lagat Yang hpyen yen dabang na mung shawa ni Man wing KBC hte RCM Nawku jawng lahkawng de hprawng bang wa ai hpe seng ang ai Nawku Hpung Ningbaw ni hte hpung masha ni gabu gara hkap tau shara madun la ai lam shiga na chye lu ai, dai shara  (2) kaw nshang mat ai majaw KBC Nawku hpung masha ni hpyen yen masha nkau hpe modo (2) hte bai sa htaw la sai lam shiga matut na chye lu ai.


Ya ten Miwa mung jarit hte Man Wing Mare ni hta hpyen yen masha ni grai bai jat wa sai majaw garum nigtum ra ahkyak nga ai lam na chye lu ai. 

Myutsaw Kasa myutsawkasa.blogbaker.com No Tags

KIA Masat (3) Dap Ba Dap Dung (27) Ginra Noi Kret Sun kaw Gasat

0 Comments Leave a comment
April 11, 2014 at 10:52 PM

1660234_570139563082201_798499921_n.jpgApril 11, 2014 ya shani 9:00Am ten ram hta KIA Masat (3) Dap Ba Dap Dung (27) ginra Lauban Roi tawng a Noi Kret sun kaw myen asuya tai hpyen dap Hk-L-Y-(69,88) n-gun (200) grupyin hpung ni wa htim gap ai lam na chye lu ai. 

Myutsaw Kasa myutsawkasa.blogbaker.com No Tags

KIA Masat (3) Dap Ba Dap Dung (27) Ginra Saw Yang Bang kaw Gasat

0 Comments Leave a comment
April 11, 2014 at 10:52 PM

1525585_770134483006154_667725299_n.jpgApril 11, 2014 ya shani 8:30Am ten ram hta KIA Masat (3) Dap Ba Dap Dung (27) ginra Mau Swi Awng Lawt  Yang mare de dung (12) ni hpyen garum na matu hpyen hpung garan nna lung wa ai hpe myen asuya dap Hk-L-Y-(68) hte Hk-M-Y-(522) pawng hpawn dap ni n-gun (150) grupyin hkap gasat ai majaw gasat poi laja lana byin ai lam na chye lu ai.

Ndai gasat poi hta myen hpyen asuya dap maga na yawm htum marai (7) daram hkala nna marai (4) ram hkrat sum ai lam na chye lu ai. 

Myutsaw Kasa myutsawkasa.blogbaker.com No Tags

KIA Masat (3) Dap Ba Dap Dung (27) Ginra Saw Yang Bang Kaw Gasat Poi Byin Myen Si Hkala law

0 Comments Leave a comment
April 11, 2014 at 10:47 PM

1600982_605893566170603_3714464122472812013_n.jpgApril 11, 2014 ya shani 8:00Am ten ram hta KIA Masat (3) Dap Ba Dap Dung (27) ginra Bang Hkam Pa Ginwang Daw kata na Saw Yang Bang ngu ai shara de Myen Dap Nu (88) ni du shang wa ai majaw tinang KIA hpyen hpung ni hte laja lana gasat poi byin ai lam shiga na chye lu ai.

Ndai gasat poi hta myen asuya maga na si hka shiga tup hkrak nchye lu shi tim, si hkala machyi hkrum ai lam law ai hpe na chye lu ai. 

Myutsaw Kasa myutsawkasa.blogbaker.com No Tags
Labels: