Myen amyu ngu ai ni gaw shinggyim masha
myit nrawng ai re majaw n-gun hte dip gamyet up sha mayu ai matse labye
dusat myit galoi mung hkoi mat na nre. Shan hte a hkritung ningkap rai
nga ai masu magaw hkalem hkalau maw lanyet ladat kaw anhte amyu kaji
bawsang ni gadawng bang nna shanglawt jawm la shut mat ai majaw daini du
hkra ngwi pyaw simsa ai ngu lani mi pyi nhkam sha yu ga ai.
Matut nna raitim myen asuya hte jet ai
munghpawm federal gawgap na matu mungdan ting gap hkat jahkring shawng
galaw ga ngu ai gaw shut kaba rai na masa pru wa nga ai. October 8-10,
2013 Myitkyina bawngban hpawng hta myit hkrum tawn ai lawnglam a ntsa e
grai kabu kam hpa ai hte mungmasa manghkang hpe saboi ntsa e lu hparan
la na matu ahkaw ahkang chyinghka hpaw wa sana kun ngu nna kabu taw nga
ai ten re. Raitim ya hkyak hkyak bawm marang htu wa ai lam gaw Federal
de sa wa ai simsa hkrunlam hpe shanhte myen asuya ni nan jahten sharun
bang wa sai.
Mungdan ting gap hkat jahkring lu na
matu gaw du na ra ai October 25-30, 2013 hta Rawt Malan bawsang ni yawng
myit hkrum dawdan tawn ai lam ni hpe myen asuya hku nna hkap la hkan sa
ya lu jang she lu galaw na rai nga ai. Rawt Malan bawsang ni a myit
hkrum hpyi shawn lam hpe nkam hkap la mayu ai majaw manghkang tam galaw
shalaw bang wa ai rai nga malu ai. Jet ai munghpawm federal hpe hkap la
nna gawgap mayu ai rai yang mungdan mung simsa mat wa chyalu re mung
shanhte chye ai raitim Federal hte seng ai political Agreement anhte hpe
n jaw na masa nau nnga ai. Kaja wa tsun ga nga yang ya ten hta lawu ga
de bawm kapaw ai lam galaw ai tara hkam gaw shanhte myen ni nan re.
Chyant hput party hte myen hpyendap ni nan re. Shanhte myen ni sawn tawn
ai gaw ndai ten hta ngoi wa ai bawm ma hkra gaw Muslim ni hpe hkrai
mara rut di na matu re. Muslim ni hpe mara shagun mai na matu mara
shawng tam tawn da lu masai re. Dai majaw myen asuya galaw ai simsa lam
gaw mara shawng tam tawn nna galaw ai re majaw TSUN AI GAW SIMSA LAM,
GALAW AI GAW HTEN BYA LAM she re.
Ya ndai ten hta 3 ning ma a, wa shabawng
hpyi rai Thein Sein asuya hpyi aput taw nga ai mungdan ting gap hkat
jahkring myit hkrum sign htu lamang raitim Anhte Rawt Malan Wuhpung
Uhpawng ni yawng hpe mungkan a man e mara shagun loi na matu mara shawng
tam ai lamang kaba she re.
Dai majaw myu kaji bawsang ni yawng hpe
chye na shangun mayu ai, myen amyu ngu ai ni gaw (ga shadawn) Anhte kan
sa tawn ai hkyi hpe shanhte sa gabye hkrup la jang, shanhte hkawm sa ra
ai shara kaw kan sa tawn ya ai nga nna mara shagun ai. Shanhte kan sa
tawn ai hkyi hpe Anhte sa gabye hkrup ya jang, shanhte a hkyi hpe sa
gabye ya ai nga nna nhtang hku mara tam mayu ai amyu re hpe galoi mung
dum ga.
Sau Nan Du
jpks
