Myit yu ga “part” (2)
Kachin Politics and Mediation Research Network
Jinghpaw Mung Masa hte Htingram Sawk Sagawn Hpung
Email: kpmrn21@gmail.com
KIO/KIA gaw Myu sha ni a gam maka tsawm htap wa na hte
Wunpawng mung dan grin nga lu na lam hpe lahkrip ra ra woi awn galaw sa ra ai
wuhpung rai nga ai hte maren KIO/KIA a atsam hpe Karai jaw ya nga ai lam n mai
malap na rai nga ai.
Lai wa sai October shata
8-10 laman e Jinghpaw mung Myitkyina mare kaba hta KIO/KIA simsa lam dat kasa hte Myen asuya simsa lam
dat kasa ni a bawng ban ai hpawng hpe masum ya tup bawng ban shakre la lu sai
rai nga ai. Rai tim grai gabu hpa langai gaw majan jasim ta masat rai n galaw
ai sha matut nna mahtai kaja lu na lam hpe anhte Jinghpaw Wunpawng yawng a
Salum rai nga ai KIO/KIA dat kasa hku nna rai n-galaw ai hpe Karai Kasang a
mying ningsang hte chyeju dum ai lam shawng tsun mayu ga ai law.
Malaysia mung dan nga
(Southeast Asia Kachin Network “SAKN”) ginjaw kawmiti Salang Yi Jawng Hkawng
Lum hku nna tsun ai hta KIO/KIA hte Myen ni bawng ban ai lam hta (Resources
Sharing) ngu ai gasi hpe mung hta lang tawn ai hpe mu lu ai, UN Secretary-General’s Special
Adviser on Burma Vijay Namiar, Irrawaddy shiga dap hte San Htai galaw tawn ai hta tsun ai gaw Federal Power Sharing and Resource
Sharing, ngu ai ga si hpe tsun nga ai, U Aung Min Tsun ai ga hta Power sharing and resources sharing hpe lang tawn ai ga si ni hpe mu lu na rai nga ai. Ndai ga si
hpe lang ai hte Constitutional
amendment and Genuine Federal Political
power sharing, shing nrai self determinations and Sovereignty power, ngu ai ga si hpe mahtang jai lang ai gaw grau nna kaja nhten
ngu ai hpe anhte SAKN hte KPMRN hku nna mu mada ai lam tang shawn mayu ga ai
re.
Dai dat kasa hte U Aung Min
tsun ai ga si ni gaw kachyi mi nsen shai taw ai rai tim jahkrup tawn nna tsun
ai lachyum hkrang nga ai, Power sharing and resources sharing ngu ai ga si gaw lachyum hku sawn dinglik dat ga nga yang hpa
baw hpe madung tsun mayu ai kun ngu ga san san na lam nga ai. Power sharing and resources sharing ngu ai ga si hpe rai ntsun yang dai de du na matu ninggam
langai hte langai naw sa ra na rai nga ai, dai ninggam ni hta gaw madung hku
nna (1) Jinghpaw mung kaw htaw matsut bang tawn ai Myen ni a Myawk kaba ni hpe
lawu mung de naw shawng htaw nhtang la kau ra na (2) Neyhpyidaw de hkyen tawn
ai hpyen gasat nbungli ni hpe UN hte Miwa dat kasa ni a man e dinghku majan hta
gara majan mi byin byin njai lang na saga ai law ngu ai myit hkrum ta masat
lekmat shawng galaw ra na (3) Ya byin ai
majan gaw mung masa rapra ai tara tsep kawp n-nga ai marang e byin wa ai re
majaw, hpyen majan a majaw tsinyam hkrum sha ai mung chying mung shawa masha ni
hpe shanhte a sak hkrung shim lam, hpa ji lam, rawt jat bawng ring lam yawng
hpe anhte lit la hparan kau na ga ai ngu ai ga sadi (4) KIO/KIA hte gaga myu
baw sang ni jawm bawng ban nna myit hkrum ai lam ma hkra hpe constitution gram
ai hku nna mi rai rai, mung dan ting simsa lam jawm galaw ai hta mi rai rai, self determinations and Sovereignty
power hpe
shachyaw sa wa ai lam hta asuya ni hku nna mung gabu gara hkap tau let jawm
galaw sa wa na ga ai ngu ai hpe myit hkrum ra na (5) lama wa na rapra ai tara
hpe nlu ai majaw majan naw byin nga ai aten hta mara n-nga ai mung chying mung
shawa masha hpe dingbai dingna jaw ai lam, ahtawk hkra ai lam tsep kawp n-galaw
shut na ga ai ngu ai ga sadi ta masat, (6) Panglung ga sadi hte maren anhte
Jinghpaw ni laksan nga mayu jang nga mai ai nga ga sadi hpe mung chying mung
shawa masha yawng hpe san nna Vote galaw na lam hpe myit hkrum na. Ndai lahta
na lam yan ni hpe shawng myit hkrum yang she power sharing ngu ai ning gam de
sa mai na rai nga ai. Dai hte maren anhte maga mung wan tsi hkraw hkraw rai nna
galoi mung sadi maja let dap shagu wantsi krung krung hkyen tawn ra na rai nga
ga ai. Nat shatsai kau ga ngu yang wan n-ga bai gabye la ai baw nbyin na matu
grai sadi ra nga ga ai.
Hpyen majan hpe mung chying
mung shawa masha gadai mung ra sharawng ai nrai, grau nna gaw anhte mung masa
hpe yu azi nga ai wuhpung ni mung nra sharawng ga ai, rai tim ngai gaw sinat
hpai na, nang gaw hpun tawng hpai u power sharing galaw ga ngu ai ga hpe gaw Myit yu ga.
Yawng hpe tsawra hkungga let
KPMRN
Kpmrn21@gmail.com
