Simsa Lam Hkawm ai (Myin Chan) ni hpe mani na nhtoi hta LZ e Kabu Gara hkap tau hkalum la lu ga ai. Hpungkyi 2 gaw nau kabu nna kun myiprwi she pru rai ma ai. Anhte kau mi mung myiprwi hkan pru nang ga ai. Shanhte IDP dabang hkan gawan hkawm na re. 12.3.2013 shani MDL-MKA lam hku lung wa ai marai 119 hpe manau wang kaba e hkap pang la ma ai, marai 6 (Hpungkyi 1 lawm) gaw tsi rung du mat ma ai. Yawng marai 125 re, Hpungkyi 20, num 22 lawm ai lam chye lu ai. Shanhte mung IDP dabang hkan gawan hkawm ai, daini mung naw gawan hkawm na, hpawtni gaw Waimaw de du bang wa na re lam na lu ai. Shanhte chyawm gaw lam dingdung dut dang ai lam n nga na sai ngu kam ai. Anhte LZ ni gaw Jinghku Manam tau hkalum, dawjau tik tik rai na hku rai saga ai. Grai pyaw ai she na.
JIC
