ကိုယ္ေတြ႕ပင္လံု အဆက္ ၂၁

Pinlung aset 21

De/ Myitrum Manang ni, Panglung matut-21 bai shagun dat sai. Shiga gaw Kachinland a ntsa na M ni a sat lawat re. Rakhaing de manghkang byin ai hpang, dum nta htingbut hting-ra n lu mat ai mungmasha ni law law WP mungdan de dinghku nawng nawng du lung wa magang sai re. Shanhte Lasang Awng a Jamaw hkan gunjang wa jang sha ma ai; tsa lam hku rai masai nga chye lu ai. Ya gaw, lawu ga e matut manoi sat nat hkat ai manghkang law law byin paw pru nga ai hte maren, Asuya ni gaw manghkang hparan ai hte kachin IDP ni hpe buga ginlut kau ya mayu ai hte hpawn, anhte n dum myit lu ai ladat ni shaw bun nga masai. Dum nta htingbut htingra n lu ai lawuga na matsan mayan ni, manghkang byin ai Letbadawng tawng zawn re hkan na mungmasha ni hpe Asuya e lam jarik jaw nhtawm, dinghku hte nawng nawng wpmungdan de shadut lung wa shangun ai gaw, Shani shana hkarang leng hte MKA kaw du taw nga masai. Mare buga hkan na Wpsha jauman ni hpyen-yen kau da ai majaw, Kungmani ni a maisak sun, marawn sau sun, noikret sun langu sun hkan masha tam yak sai rai nna, Lawu ga de na lung wa ai Mungmasha ni hkrawn hkrawn hkra hkra gunjang wa jang tam sha taw nga masai lam chye lu ai. Manmaw hku mung dai zawn re lawuga na masha ni grai du lung wa ai lam chye lu ai. Tawn kau da ai mare buga hkan dinghku wa de sha shajang na masa nga ai. Ya hpang de sinat lang ai hpyenla ni gaw masa hta hkan nna, aloi sha bai n htang mat wa na masa nga ai raitim, ndai lawu ga na mungmasha ni hpe gaw gau kau lu mat na kun? Ndai nye htingbut hting-ra she re ngu bai wa gashun la yang loi sana rai kun? Myit yu shara she rai sai. Bai, M ni gaw n sharam ai laknak lang ai da n lang ai ni da shadut she shadut, bawngban hpawng hpe woi sharen rai, Miwa hte hpawm nna Kachin hpe gumli shamyit, Shara shagawm kau ya she rai hkyen sam masai law. Myitrum ni e KK sha chye na sai; Asak hkrung nga ai Wpsha ni yawng akyu n hpyi ai kadai n nga saga lu oi. JIC