Dai ni gaw UN Hkye La Garum Shing Tau hpung, Ning Tau Amu madu wa nan Laiza de sa du chyai sai hku re. Ma Pa Hka kaw na, Hpa majan mung n nga ai Hpa n ra ai Apyaw sha re ngu tsun na Ahkaw ahkang jaw dat ma ai da. Lai za du yang Sinat kaba nsen shangoi bu nna grai mau mat ai hku re. Myen ni Majan waw nga ai lam Hkrak sha mu mat na mat wa nu ai.
Dai DU Wag aw Anhte a masha kaba ni, Ningtau Ning Baw Kaba (2) Du Daju Gun Maw ni the hkrum shaga kau da ai the Hpyen yen dabang ni de sa gawan kau da ai. UN kaw na garum shing tau ai lam ni matut manoi jaw na re lam tsun kau da ai. American ni hpyen yen ni hpe garum na ni hpe, n dai UN Hkye La Garum Shing Tau hpung hku n na shalai ya mat wa na hku re hpe mung shana kau da ai. Wunpawng ni hpe adip a rip n gawn n sawn re lam ni grai dan dawng nga ai majaw, Mai gan de nga Wunpawng myu sha ni hpe garum shing tau mai gan sa ya ai lam ni mung lam grau hpaw wa na re ngu tak nga ga ai.
Dai DU Wag aw Anhte a masha kaba ni, Ningtau Ning Baw Kaba (2) Du Daju Gun Maw ni the hkrum shaga kau da ai the Hpyen yen dabang ni de sa gawan kau da ai. UN kaw na garum shing tau ai lam ni matut manoi jaw na re lam tsun kau da ai. American ni hpyen yen ni hpe garum na ni hpe, n dai UN Hkye La Garum Shing Tau hpung hku n na shalai ya mat wa na hku re hpe mung shana kau da ai. Wunpawng ni hpe adip a rip n gawn n sawn re lam ni grai dan dawng nga ai majaw, Mai gan de nga Wunpawng myu sha ni hpe garum shing tau mai gan sa ya ai lam ni mung lam grau hpaw wa na re ngu tak nga ga ai.
Ningtau Ning Baw Kaba (2) Du Daju Gun Maw hpe UN ni the arau sha Lai Za k aw mu ai majaw Myen gwi ni Anhte a ningbaw kaba ni miwa mung de hprawng shang ma sai nga n na shi ga shamawng ai hpe asan sha shing la kau lu sai hku re. Anhte a Ning Baw Kaba ni Anhte the rau rai nga ai sha re.
Myen ni gaw mana yutung kaw Ningsin Majan hpyen la mana maka the lung wa ma ai gaw anhte a kaduk shing ma du hkra nan re. Shi ga lu la da sai majaw A pyaw sha la la n na Wang gap shajoi shama kau sai. Ram ram nyam mat masai. Jau jau gap ai lam n galaw ai sha tat kwin de shang ma hkra hkalem bang la n na yaw jun ai hku re. N kau mi hpe gaw si nat gap na ten n nga na Dum hpyawt htau shajawng kau sai. Ya dai na de mung ning sin majan naw matut na hku shakut nga ma ai. Mahkra shajoi kau na hku masawn n nan the jun n na Jin jin la nga ga ai.
Dai ni mung n sharam ai myawk dum bang bu nga ma ai. Anhte maga na mung n sim n sa nan dum bang nga ga ai. Myen ni gaw mana maka wa dabak nga ai re majaw, hpa pyi nau n shading ra ai, Myawk hkrat shagu nan katut sha nga ma ai. Shan the na myawk ni gaw Hpun hta ya, hkai nu ni daw ya re myawk ni sha re majaw hpa n tsang ra ai.
Nga chyaw si ni Anai ni mung jaw sha ding yang re. Myen ni shani shagu hkru hkru kat kat sha nga ma ai. Nai sha mai lu sha shagu nam de gaw n shang gwi Lam n tsa kaw chyu kagat gat rai ma n na mahkra ngu na nan nan shajoi katut sha bu nga ma ai. Anhte hpe sat na nga n na rawt sa wa ai ni re majaw, shanhte anhte hpe rai n lu sat yang shanhte hpe shawng ma hkra lu sat kau hkra gyam tik tik re. Myu tsaw ni hpe wa Nai sha mai chyu shadu ai nga n na mara bai shagun wa? Manya mat sam masai she ngu ai. Nai sha mai n kam sha yang gaw hku sa mu le ngu FB kaw tsun jaw sai.
Lisu Rawang Ram ma ni N mawk htawng kaw rai nga ma ai da. Masha kaba ni hkan nga ma ai.
Samhkyeng ni na mung zuphawng kaba mung Monyin kaw galaw n na mung daw lu na matu n gun madun masu ma ai da. Myen hpyen la ni hpe madi shadaw ai majaw Mung dan ting n ju ai katut sha nga ma ai. Mung daw mung moi kaw na grai lang hpyi masai rai tim gadai n masat ya ai. Sam Saw bwa ni up ai shara Sam mung n re, Jinghpaw Du ni kaw kang bang ai the Sam Khai shu la n na Jinghpaw Du ni up ai shing wang kata e hpyi nga ai Sam ni re ai Lam, 1947 ning kaw Englik ni shang lawt jaw na matu san sagawn chyarang hta hlawm ai shaloi Khamdi, Hommalin na Sam ni du hkra Jinghpaw mung kaw she lawm na nga n na hkam la tamsat htu da ai ni yawng ya du hkra kyem da shajang ai nga ai hpe yawng chye da ga.
Samhkyeng ni na mung zuphawng kaba mung Monyin kaw galaw n na mung daw lu na matu n gun madun masu ma ai da. Myen hpyen la ni hpe madi shadaw ai majaw Mung dan ting n ju ai katut sha nga ma ai. Mung daw mung moi kaw na grai lang hpyi masai rai tim gadai n masat ya ai. Sam Saw bwa ni up ai shara Sam mung n re, Jinghpaw Du ni kaw kang bang ai the Sam Khai shu la n na Jinghpaw Du ni up ai shing wang kata e hpyi nga ai Sam ni re ai Lam, 1947 ning kaw Englik ni shang lawt jaw na matu san sagawn chyarang hta hlawm ai shaloi Khamdi, Hommalin na Sam ni du hkra Jinghpaw mung kaw she lawm na nga n na hkam la tamsat htu da ai ni yawng ya du hkra kyem da shajang ai nga ai hpe yawng chye da ga.
Samhkyen ni the Myen ni n tsen hkat bu nga ma ai. Samhkyeng ni hpe shawng lam de chyu sa shangun ai nga n na Tsun jaw wa ai majaw shabyi bye katut sha ma ai da. Tsun ai ga n madat jang gap shing te kau na ngu jahkrit ma ai da. Shan the a lapran Manghkang gaw grau kaba wan na hku re. Myen ni katsi ai ma jaw waw waw bu machyi bu nga ma ai da. Laiza de pyi a waw dai kap wa sai zawn zawn nga ai. Sadi mu.
Myen ni gaw sharam na lam n nga, gaya n su rai n na Hpyen hpung ning nan gawt bang tik tik rai nga ma ai. N kau mi gaw A yu rawng ai a hku kaw hka jaw bang ai the maren sha re, kade dat dat tim si na sha re, bai n htang wa na lam n mu ai nga nying madai bu nga ma ai da. MLA gaw Gidon n lu la yang dai de dat ai Tat yin mhu ni yawng Aya shayu kau hkrum na ngu jahkrit ai da.
Majan gaw matut manoi Laja tik tik rai nga ai. Myu tsaw ni mung shani shagu grau grau she greng grau grau she reng wa ai hku rai nga ma ai law
Anhte a Awng Padang, Yehowa Karai Kasang.
