Maigan myu ni hpeJeyang IDP a sumla hte sang lang dan nga yang
Louisiana mungdaw asuya kaw nna ningtawn ai jawngma ni hpe shalat ai jawng e ,Dai ning High school Senior tsang hta lung nga ai Wunpawng shayi Dumdaw Seng hkam Pan gaw ,
lai wa sai October 14 ya shani shi lung nga ai Jawng a shawa hkaw tsun hpawng kaba hta ,Ya tatut byin nga ai Kachinland a majan,IDP hte IDP na hpaji sharin jawng a lam ni hpe shi a mahkrum madup hte rau American hte kaga bawsang ni a man e ,''ngai Kachin re'' nga nna n gun mi alu sanglang dan lu sai hku re.
Asak 1 ning hta USA ga de du shang wa nna,ndai ga nga kaba wa ai rai tim Jinghpaw ga hte Laika atsawm chye let ,ndai ram myutsaw myit rawng ai mu lu ai majaw
Wunpong myusha ni gaw gara mungdan wa mi du mat tim, Sai Ga Shaga ai ngu gaw ndai nan sak se rai sai.
Daining na ginhtawng jawng dat ten hta kanu mung dan Kachinland de shawng ning nan langhku bai wa nhtawm, Jeyang IDP jawng de ap nawng sara num hku nna sadu hkawm chyai ai hpang ,
shi a shawng lam yaw shada da ai lam ni galai shai mat wa ai lam chye lu ai.
Shigaw mani mana ten du hkra Tsidu (Anesthesiologist) galaw na hku myit da ai rai tim,Buga na bai du wa ai shani kawn nna Mung masa ,Tara Kasa hpaji ni hpe sharin la nna, Judge Kaba tai lu na matu shakut sawa na lam chye lu ai.
Shi a Buga na mahkrum madup hte Laiza hkrunlam hpe NAWKU hpung masha ni hpe baiwa sang lang dan ai ten hta Ah pan tsun ai gaw :
''Jinghpaw mung Kachinland kata kaw tatut gara hku byin nga ai mabyin ni hte tengman ai lam ni hpe Mungkan ting chye hkra htawng madun lu na matu wunpong myu sha yawng shakut lawm ra ai magam bungli kaba re.
Amyu langai mi myihpaw let rawt galu kaba wana matu hpaji chye ra ai.
Buga na mani a hpaji madang gaw grai naw nem ai madang kaw re mu lu ai. Ndai hpe dang di lu ai lam hku yawng jawm sharawt ra na wunpong yawng a lit re ngu mu nngai.
IDP hpyenyen tsinyam ni hpe dang di lu ai daram madi shadaw ya marit.'' Nga nna shi a ningmu hpe tang madun laiwa sai.
Maigan du nga ai sak ram ni hpe tsun mayu ai gaw :'' American ni gadai mung Kachin ngu ai hpe nchye ma ai majaw myit grai npyaw nngai.
Kachin ngu ai hpe Mung kan ting chye wa lu na matu gaw an hte yawng a lit nan rai sai ngu ai'' ..shi a ning mu hte hkam sha ai lam ni gaw kasi la mai ai shayi sha re ngu mu mada nngai.
An hte kashu kasha ni hpe amyu ru sai,myu shalam ni sharin hkaja lu na matu Jawng dat en buga de woiwa yang Next new generation a rawt jat lam mung rai na hpe hkaja lu la sai rai.
Shagrau kum hpa ni hte Ah pan
Jeyang IDP jawng up hte rau
IDP Jawng ma ,sara ma ni yawng hte rau ( LAIZA )
Sharin sara num manang ni hte rau
IDP jawng Jeyang ( LAIZA)
Ah pan Lung ai Jawng
Myusha lam hta Mungdan mahkawn hku nna shanglawm ai ''Ah pan''
