Tsawra hkung ga ai myu lam hta ngang ngang tsap nga ai, nu wa hpu
nau ni yawng hpang de kalang mi bai anhte amyu sha ni hpe dip zing ri
nna shinggyim ahkaw ahkang hpe tawt lai nga ai myen hpyen dap ni hpe
U.S hpyen dap ni kaw na Military to Military relation nga ai ga baw
hte hpyen wunkat jaw nga ai lam hta lakap nna loi ga saw dat mayu ai
law. U.S Asuya hte kaga mungkan uhpung ni hkap la, chye na ai gaw,
Myen hpyen dap ni gaw shinggyim ahkaw ahkang ngu ai hpe atsawm n chye
na ai a majaw shanhte mungdan kata hta ndai zawn re lam ni hpe tawt
lai nga ma ai ngu ai re. Nde a majaw U.S ni hku na ndai zawn re wunkat
lamang ni hpe galaw ra ngu na galaw nga sai gaw maning 2012 kaw na rai
sai re.
Teng nga jang, myen hpyen ni gaw ndai shinggyim ahkaw ahkang lam n
chye ai majaw n rai nga ai. Chye nga ning len anhte amyu baw sang ni
hpe roi sha nga ai re. KIO ni 1994 sim sa lam la ngut ai hpang kaw nna
2011 ning majan rai n byin shi yang na masa lam hte ya byin nga ai lam
tsang hte tsang hpe azin ayang yu ga nga yang, Myen hpyen ni woi galaw
wa ai mung masa sat lawat gaw anhte Jinghpaw wunpawng myu sha ni hte
KIO ni hpyi shawn nga ai teng man ai sim sa lam lu na matu woi galaw
na mung masa bawngban hpawng de hkyak hkyak woi galaw na lam n mu ai.
Dai hta n'ga, sim sa lam nga tsun hkalem, aten gang nga ai ten laman
myen hpyen dap ni hte hpyen ma law law hpe grau nna anhte wunpawng
buga de shajat wa nga ai re.
Ndai zawn re n teng n man, mung shawa masha ni hpe hkalem hkalau galaw
nga ai masa lam ni hpe htawng madun lu na matu anhte Jinghpaw uhpung
uhpawng ni hku nna U.S Asuya hpe rau n'sen ja ja hte hpyi shawn ra taw
ai gaw Myen hpyen dap hpe jaw nga ai hpyen wunkat hta, ya hkyak hkyak
U.S ni kawn grau n'gun dat galaw ra taw ai gaw Jinghpaw hte Sam mung a
shawng lam ni hta hpyen man hpaw tawn ai, shanhte shajat wa ai hpyen
dap, hpyen ma ni hpe ya jang shawng dawm kau ra na re ngu ai lam hte
seng na Myen hpyen dap hpe pressure jaw na matu re. Teng man ai sim sa
lam a matu mung masa woi bawng na hta, ndai zawn re maga mi de hpyen
n'gun jat wa ai gaw, shyinggyim ahkaw ahkang hpe n chye na galaw nga
ai n re. Anhte myu baw sang ni yawng hpe shamyit kau na masing kaba
hte galaw nga ai re. Dai majaw, U.S Asuya ni hpang de ndai lam hte
seng nna lawu na hpyi shawn laika hta lawm ai hte maren, kaga myu baw
sang uhpung ni hte rau sha, US Campaign for Burma ni a garum ning tum
ai mahkrun hku na manaw sen ni hpe jawm shapraw lam galaw ga ngu nna
anhte Jinghpaw Wunpawng Amyu Shayi Hpung ( Thai Mungdan ) kawn ga saw
lajin dat ga ai law. ( Anhte a US Gov. ni hpe hpyi shawn na laika hpe
attached file kaw yu ya ga )
Lai wa sai shata hta anhte Jinghpaw Uhpung ( 30 ) ni rau sha U.S
government ni hpang de U.S Jade Act Renewal sanction hte seng nna hpyi
shawn ai gaw awng dang ai masa pru sai re. U.S Asuya ni kaw na Jade
Act sanction hpe 1 ning mi bai jat ai lam galaw sai re. Dai gaw anhte
a myit hkrum lam a n'gun re. ( Ndai Jade ban 1 ning mi jat ai hpe
attached file kaw yu yu ga )
*** Ndai anhte ni jawm hpyi na Military to Military laika a n'tsa ning
mu hpe hpawt ni 6, September 2013 hta ndai kaw sha bai byan wa ya
marit.
*** Ndai anhte ethnic ni a n'sen jawm shapraw na Military to Military
laika hte jawm hpyi shawn mat na hta myit hkrum lawm ai hte endorse
galaw na matu September 13, 2013 - Friday shani jahtum tawn nna mying
jaw shang lawm ga ngu ga saw dat ai law.
Myu Sha Lam Yan hta,
KWAT Myu Shayi ni
Laika attach file atsawm nlu hti yang, Mrgumzet@gmail.com,bungshikasha@gmail.com
KWAT email : de matut mahkai wa yang mai ai.
3 attachments — Download all attachments
 | Ethnic CSOs Letter on Miltary to Miltary Engagement DRAFT.docx 30K View Download |
 | 2013 EO Burma Gem Ban.pdf 13K View Download |
| US to extend Myanmar gems ban.docx 12K View Download |
