Monday, September 9, 2013

Kade lang pyi shagrau ra


                   Myitrum Manang ni,
                             6.9.2013 shani gaw,anhte Laiza ,Ginjaw shara e , RAMON  MAGSAYSAY Shagrau Kumhpa kaba la wa ai Srmkb: Lahpai Seng Raw hpe,KIO asuya kaw na laksan sha-grau sha-a poi lamang kaba langai galaw ga ai.
                    Kaga hpunau Rawt Malan Uhpung ni hte NGOs manang ni RANIR ni,KWAT ni mung kabu gara shang lawm ai hte nampan shabawn ni  shagrau la ma ai.Anhte KIWA ni mung Loi pyi n shayawm, Wunpawng Amyu Shayi ni a arawng sadang hte myusha yawng a arawng satang madang sharawt shatsaw woi awn la ai; ningtawn dawn jan kasi lu ai srmkb: Lahpai Seng Raw hpe kumhpa hte nampan shabawn rau shagrau la nna,kashun kashe labau sumla jawm dem la ga ai.
                    Dai shani Ningbaw Kaba Lanyaw Zawng Hra kaw na Laksan daw jaw ai hkalum shagrau lusha hpe jawm lu sha ngut ai hpang,shana de daw hta,PCG ni Srmkb: hpe MKA de bai woi lakawn mat masai.Chyeju Shakawn ga yaw.Ya hpang de mung ndai zawn anhte Wunpawngsha ni hpe KK jai lang u ga,kyu mung hpyi ga oi.
                   Yu chyai na matu sumla langai bang dat ai.Yawng hta grau kabu ai gaw,myi she n hku hkra mani taw nga ai Shanglawt Tsing rai sam ai.
                   Yawng hpe myit dum let,
                                                JIC