Majan Bai baw sai ( Akyu grai hpyi Garum ga law )

DUNG (12) GINRA HTA MATUT MANOI GASAT NGA

Wunpawng Mungdan Shanglawt Asuya Sinpraw Ginwang Dap Ba (3) n pu, KIA Dung (12) ginra rai Mung Ding, Mung Hkawng ginra ni hta KIA myu tsaw share ninghkring ni hte myen tai hpyen ni dai hpawt September (11) ya jahpawt hkying (8:00 AM) ten kawn ya shiga ka nga ai ten du hkra laja lana gap gasat nga ai lam shiga na chye lu ai. Myen hpyen ni hpyen n gun kaba hte htu gasat nga ai re lam sha n-ga, Kai Htik Bum ntsa ka wna laknak kaba ni hte gap garum ya nga ai lam mung na chye lu ai. Wunpawng Mungdan Shanglawt Asuya maga na KIA Dung (12) hte Dung (27) ni jawm nna ninghkap gasat nga ai lam, KIA Dung (1) ni n lu sa garum na matu Kai Htik Bum kawn laknak kaba ni hte gap garum ya nga ai re lam hpe mung na chye lu ai.

By: JKBS

						By: Namhkai Hka Wunpawng Mungdan Shanglawt Asuya Sinpraw Ginwang Dap Ba (3) n pu, KIA Dung (12) ginra kaw KIA myu tsaw share ninghkring ni hte myen tai hpyen ni September (10) ya jahpawt , Maji Gung de na yu hkrat wa ai myen hpyen hpung (mying n chye lu) ni hte jahpawt hkying 8:00 Am kaw nna wang hkat bang wa ai gaw (11:00 AM) ten kawn shana maga hkying (4:00 PM) ten ram du hkra Magyeng Kahtawng kaw gap gasat lai wa ai re lam na chye lu ai. Ndai zawn gasat ai hta myen hpyen ni kawn shana maga hkying (4:00 PM) du hkra sinat kaba ni naw gap sharu bun nga ai lam hpe mung na chye lu ai. Ndai gasat poi hta myen maga na hpyen du langai het hpyen ma (5) hkrat ai lam, tinang KIA myu tsaw share ninghkring ni maga na gaw hpa n ra ai lam na chye lu ai.