Pangwa Share Ninghkring(matut)

  Myitrum Manang ni, “Pangwa Share Ninghkring(matut)” shagun dat ai yaw. Shiga gaw, 5.2.2013 shana 8:30PM e mung, mota nsen 3 lang naw ngoi ai re. Maka n kap ai M ni gaw Maka n kap ai bungli matut galaw nga ma ai.

                                                                             JIC

 Pangwa Share Ninghkring ( matut)

Myutsaw Brang ni hka n shin,
Laning mi hpring tim n jin;
Bu hpun palawng n galai,
Galai na mung n lu ai;
Katsi bungli ni hte rau,
Hkyen hkrat ai manap jau jau;
Hkyen hkrat mawng jang masum ya,
Shani shana htu shaja;
Marai mi hpe marit zawn,
Kadai re mung n chye sawn;
Tai hpyen wa hpe chyu majen,
Pyenli sa wa ai nsen;
2012 April kawn,
Shadut majan shachyen tawn;
Shani shagu pyenli du,
Ninghkap atsam majoi pru;
Lamu Kasa gasat lawm,
Pyenli du hkaraw de tawm;
Hpare Buga masha ni,
Lusha sa gun jaw tingtsi;
Kabu gara hkap yu yang,
Hkut tim n hkut ai zawn ang;
Washan tawng wa nlung tai,
Ashat mung maya n mai;
Luhka wa she hkage tawng,
Pangwa gaw yawng hta grau sawng;
Hpyen lata hte shagan tai,
Lup makoi ga htu n mai;
Lungrawk ntsa ga n nga,
Kra kra dap dap she lup da;
Myu hte Mungdan a matu,
Galai na manang n lu;
Myutsaw Brang nan jet nu ai,
Manu nachying kaba sai;
Hkungga ai yaw- Myutsaw Brang,
Pangwa Share Ninghkring nang.

Shanglawt Tsing

(7.2.2013, 12:30