Akyu Grau Hpyi Ra

 Myitrum Manang ni, “Akyu Grau Hpyi Ra” ngu ai,Ga Shagawp shagun dat ai yaw. M ni gaw Zuphpawng aten nhtoi sharen da ai hpe ahkaw ahkang la nna, laknak modo 20-30 htaw shalai da ai mu nga ninglen, gap kapaw kau dat na ahkaw ahkang n lu ai majaw, Share Ninghking ni lata mahkyit nna sha nga ra mat ai nga nna, myit n dawt ai sha n-ga, ya bai gasat ra jang gaw grau kaprep na sai nga tsun ma ai. Dai majaw, shawng na hta akyu grau hpyi ga oi. KK chyu sha dang di lu ai wa re.

            Kamsham let,

                                         JIC

Kyu Grau Hpyi Ra

Tsit Lali udat shara,

Tsawra Iya Laizapa;

Hkyingmi jahkutsa krushi m’sum,

De da sai labau ginshum;

Daini du hkra hpyen n du,

Akyu hpyi ai marebu;

Lai wa sai shata January,

Thein Sein suya gin n di;

Grup grup gra gra j’hkrit shama,

Laiza shang zing na wang da;

Shani shana gap sharut,

Myawk kaba gung pala nut;

Jahtum nhtoi zawn she nga,

Laizabu a gam maka;

Tsaw Laiza – tsang dik kau sai,

Kyu hpyi shayawm mung n mai;

Nji n-gu masha hkum gu,

Kyu hpyi jahtau let garu;

Nu num ni lusha shadu,

Share Ninghkring ni matu;

Shoichyum ai Laiza hpe yu,

Hpan Madu SHI mada mu;

Lamu Kasa Shinggrup kau,

N shang lu sai hpyen gumlau;

Ku ntsa gasat shakre,

Mungkan ting jawm myit shale;

Bawnu hte shakri sana,

Ya she Akyu Grau Hpyi Ra……

Shanglawt Tsing