Hpakant Lung Hkang grup yin hte Ginsi,
Seng Ra ginra ni hpe KIA ni hprawng kau da ai kaw nna Myen hyen ni shang
madu let mung shawa hpe kam ai hku zingri, roi rip nga ding yang re lam
chye lu ai. Myen hpyen ni gaw mung shawa ni pru hkawm sa na mare
shinggan lam hkan hkap nga nna lai wa hkrup ai ni hpe shagyeng shakat
adup zingri ai lam, Ga kaw jagum up apa da shangun ai lam,Phone, Dat
Wan, Gumhpraw ra ai arai ni yawng lakau ya ai lam, gumhpraw njaw ai ni
hpe kam ai hku zingri nna lagu sat kau ai kaw du hkra galaw nga ma ai
lam chye lu ai.
February (6) ya shani Maw Si Za kaw na
Mawmau Bum de lung wa ai lam, Lup wa kawng makau na shingbut kawng (Mye
Za Pung) kaw majan koi yen let nga ai mung shawa hting gaw (154) hpe
Myen hpyen ni wa wang shinggrup let sinat gap kapaw nna La ni hpe jan
prang kaw shani tup sharen da ai lam galaw ma ai lam chye lu ai.
Dai shara kaw gaw mare kaba de hprawng
na pyi lam shabrai nlu ai matsan dik ai ni nga ai shara rai nna dai kaw
wa du ai (3) ya sha naw re lam, nta sum (54) sha naw gap ngut ai hte
February (7) ya jahpawt hkying (10:00 AM) hta hpang jahtum htawt na lam,
nhtawt ai ni hpe gap kau na lam shagyeng da hkrum nga ai lam chye lu
ai.
N dai hpyen yen dabang kaw du nga ai ni
gaw Lawawng Kawng, Kahtan Maw, Ginsi, Gwi Hka hte grup yin Maw hkan na
Jinghpaw, Sam, Rakhain ni yawng hkum ai lam chye lu ai.
Myi Masun
By JPKS
