Laiza News: Refugee Children are needed emergency health care Right NOW!!!!!

Myitrum Manang ni, Ya yang machyi taw nga ai Ma nkau mi a sumla shagun dat ai. Mani hpawt jau jau sumdu Henry Naw Seng ngu ai asak shata 9 gaw, 3 ya sha mase, madawn, kahtet nna 3:00AM hta Madu Yesu woi la sai. Manap jau jau makoi mayang kau ai hpang e she shiga lu la ga ai majaw, sumla n lu dem la kau ai. Ya shagun dat ai sumla kaw Kanu pawn da nna hkyi nyi nga ai ma a hkyi hpe yu yu ga. Atsit re. Shi machyi ai 6 ya rai sai. Hkalam Naw re. Machyi ai Ma ni yawng n law htum bat mi daram na ma ai. Mai wa sai ni hte naw byin nga ai yawng, 100 grup-yin rai sai. Hpunpyenbum gasat poi e Chemical grai jahkrat bun masai majaw, makau na Jeyang hpyen-yen dabang na Ma ni grau katut sha ma ai.
         1987 hta, Nahpaw - Pajau Myen shadut majan hta mung, Pyenli kaba hte bom jahkrat ma ai re. Dai shaloi, 5 ning a npu na Ma ni machyi nna si mat ma ai. Asak 6-7 re ai Ma ni gaw, bawnu hte hkumhkrang bawngring ai lam lanyan dik mat ma ai. Ya mung dai zawn n byin u ga. Kyu hpyi dum mi yaw.
                                                        JIC