Hka Ya Bum KIA ni yen kau sai shiga nteng

Sinwa Naw Paul

January 26, 2013 at 9:44 PM
Hka Ya Bum KIA ni yen kau sai shiga nteng ai lam KIA hpyendu ni shateng tsun wa ai. KIA masat (5) Dap Ba npu Dap Dung (23) ginra kata Hka Ya Bum hpe daini (Jan 26, 2013) ya hta KIA ni yen kau sai nga nna shiga brawng nga ai gaw nteng ai shiga re nga nna Hka Ya Bum man hta hkyak hkyak majan shang nga ai KIA du langai shateng tsun wa ai. Dai ni myen asuya dap ni sinat kaba nau gap wa ai hte Labu bawm motor (chemical weapon) ni hte nau gap bun wa ai majaw jahkring mi Bum ntsa kaw na gan yen ai she re, dai hpang kade nna yang tinang KIA hpyen hpung ni bai wa dung shara la nga sai lam na chye lu ai. Ya du hkra Hka Ya Bum pung ding kaw tinang KIA dap ni ja ja shara naw la ninghkap nga ai re lam na chye lu ai.
(By Myutsaw Kasa)