Oh lele----

Myitrum Manang ni, “OH – Le- Le” ngu ai Padang mahkawn shagun dat ai yaw. Ndai mahkawn gaw Hkahku tune re. 3 ning 300 prat e, Hkristu a Hpyen Jaubu rai nga ai; Amu Madu Rev: Mading Hkaw Sau (Ya America du taw nga ai) sharin ya ai; hkrang shala mahkawn re. Grai n-gun lu ga ai. Ya ndai mahkawn hpe anhte Laiza Buga Hpung Nawkujawng hta majan nnan hkat bang wa ai kaw na, ding-yang matut n di akyu hpyi nga ai hpung masha ni ndai hpe mahkawn nna, n-gun jawm la nga ai lam yawng hpe mung shachyam shabra shana dat ai re. Bai, kyu hpyi naw ku hpawng ngut shagu, lawu na hte maren awng padang nsen jahtau garu ga ai.

1.     (Yehowa Karai Kasang anhte a Awng Padang)3

2.     (Padang Hkrun Lam Majan masing, Awng Dang sai)3

3.     (Haleluya! Amen!)3  Hkra lata sharawt nna jahtau ga ai.

¬ Majan shiga gaw, mani(25.1.2013) shara bai htawt gasat hpang wa ai; KIA gumra dabang (Lawadu) gasat poi Awng Padang shiga re yaw. M ni hpe bai lu gap nhtang kau dat sai. Ndai hte rai yang, 2 lang sa htim nna, 2 lang anhte Awng Padang lu sai re. Shawng na lang gaw, 19 ya shani TS gap jahkring ndau ai raiyang, 20 ya na laban jahpawt htim bang wa ai rai malu ai. Ndai gaw, anhte ni Hkayabum de machyu pala, lusha sa ai lam nmaw re majaw, ndai hpe shawng zing kau mayu ma ai lachyum re. KK ahkang n jaw wu ai. Anhte grai byin nna n re. Chyeju Shakawn ga. M ni gaw, mungkan ting na hkra, KIA hpe shakrip sana nga ndau nga sai re majaw, akyu grau hpyi ra saga ai.

                                                                JIC

OH LE LE

Moi…. Israela Myu masha, Hpa-ra-u hkawhkam nau zingri…. Moshe ngu ai
Ningbaw wa….. Hkanan mung de she wa ga nga…. ( So le.. So le.. So le le)2

Le…. Nawnghkyeng Panglai du ra lu!….. Israela hkrap garu…. Moshe
dawhkrawng sharawt jang….. Panglai Nawnghkyeng ka-ang brang
( Aga!..Aga!..Aga!..ga!)2

E….Nawnghkyeng Pang lai rap kawt sai. Yehowa hpe shakawn ga le…Hpa-
ra-u a hpyen hpung yawng, Nawnghkyeng Panglai kata de tawm (Oh le..Oh
le..Oh le le…)2

Shanglawt Tsing

(26.1.2013, 10:00AM)