ahkyak dik ai shiga

    Myitrum Manang ni, ahkyak dik ai shiga shana dat ai. Ya hte M ni helicopter hte Lajayang e htaw wa htaw sa lahka bu ma ai da. Dai hpang, Lajayang e ya yang, M hpyenla jan ni (dinghku ni) du jawng nga sai rai nna, jauman masha ni yen kau da ai nta hkan shanhte shada kashun kashe shang madu rawng nga masai da. LZ de gaw Kalaw Dap dinghku masha ni shang nga na hku rai malu ai;nga ai shiga na lu ai. Dai masing nga chyalu rai nna she, Namsan-yang mare kaba hpe akrin atsai nat kau tim, Lajayang nta ni hpe n nat ma hka! Bai, Lajayang de madu jan ni wa nga sana re ai majaw she, gap hkat jahkring ngu makawp maga ndau ma hka! Dai re ai majaw, LZ de dai M dinghku ni n shang anin bang wa lu hkra, akyu bai jawm hpyi na lam shana dat ai.

                                                                                                                                                                                                    JIC