Myen Asuya Simsa Lam Tam Committee Ningbaw U Awng Min Bungli Kaw Na Hkring Sa Sai

By/FB news
January 28, 2013 at 11:02 PM
Awng Min.JPGYa yang myen Asuya a Simsa lam tam Komiti (committee) ningbaw rai nga ai U Awng Min gaw mani Jan 27, 2013 ya kaw nna hkum hkrang hkam ja lam a majaw simsa lam tam magam bungli kaw na hkring sa sai nga nna shiga ni mawng nga ai re. U Awng Min gaw Myanmar Mungdan kata na laknak lang rawt malan hpung nkau hte Ya na Tein Sain asuya lapran gap hkat jahkring sumsa lam lu hkra nsim nsa galaw lai wa sai wa re. U Awng Min wa hkring sa mat ai lam hte seng nna KIA salang nkau gaw "Ndai lam gaw myen asuya a zai ladat (nibyuha) langai sha re" nga nna tsun kajai nga ma ai, KIA hte simsa lam gawlaw na matu aten matut garawt mayu ai majaw (shnr) KIA hpe naw matut gasat mayu ai majaw rai na re nga nna tsun jahta nga ma ai. U Awng Min a shara kaw kadai bai galai na re hpe hkrak nchye lu shi tim ndai laman gaw KIO/KIA hte simsa lam bai jahta na lam naw jahkring da mayu ai masa re hpe mu mada lu nga ai.