Myitrum Manang ni, Hkayabum shiga mabyin loi mi jahta dat ai yaw. 26.1.2013 shani M ni Hkayabum lung du mat ai raiyang, lu ntsin (lu hka) n mai byin ai majaw, nhtoi hti nna n lu nga ma ai; ya yang dai shara kaw M mung n sin dung, KIA mung n nga rai; KIA ni lu sha da ai kawksing kawksawng, Cocacolar kawp, hpawtsawng hpawtsang ntsin palastic ndum ni hte palastic sawk sawk sumbu, shantau lapau angaw angam maza mala ni sha, ngam jawng taw nga ai da. M ni gaw, myutsaw Brang ni yen kau da ai hpang, Gaja tak kaba rai lung wa yu yang, myutsaw Brang ni hkap ninghkap ai gaduk ni wa dawng dawng daram ram sha sung ai sa mu nna mau ai hte, dai lusha maza mala ni hpe wa yu nna, " Ndai KIA ni gaw lungseng madu ni re majaw, majan pa e pyi ndai zawn ntaw ntsang mu mu mai mai agrung awang sha nna she asak hkrung lu nga ma hka! " ngu nna, maroi nni bu ma ai da oi. Ndai shiga a majaw kan she machyi hkra, mani kau ga ai. Kalang lang gaw ndai zawn mung, KK gaw mani kre shangun mung chye nga a hka! ngu,
chyeju shakawn let,
JIC
Aw! rai na ma ai; gaduk htu lagawn nna ngu n wam shatan sai oi.
