Dap Ba (1) rai nga ai N Gum La kaw ya nan hkyak hkyak bu hpun palawng
hte tsi arung arai ni law law wa ra taw nga ai. Hpyen la ni hte Mung
shawa hpyen yen ni a matu re. Hpyenla nkau mi gaw bu hpun palawng ni
hpe kahti galai jawm hpun taw ra nga ma ai. Malut hkayawm ni hpe mung
du ni a angam ni hpe she kashun lu taw ra ma ai. Tsi rung ni hta mung
tsi ni nhkum ai majaw tsi la mai ai ana ni rai tim dai hku yu shalai
kau nna asak sum mat ai masha ni mung 10 daram rai sai re. (Ga shadawn
langai mi gaw, ma hkum kanu langai mi hpe tsi n lu htu ya ai majaw dai
ma kanu hte ma gaw si mat sai re.{Mying gaw n tsun sa na yaw.} Bai nna
ya hte gap hkat nna hkala hkrum ai Hpyenla ni hpe mung tsi tsi na matu
tsi ni n law n hkap rai taw nga ai re. Tsi ni hpe gaw Myitkyina (MYAT
MUN) tsi seng kaw nna ya hte sha Kyats sen 10 na matu mari dat ya sai
raitim, n law ai re. Hpa majaw nga yang, ya gaw jakli ni hpe mung Mali
hka hku shalai na pat da ai hta n-ga, Hka hku de lai lung wa ai Jakli
ni hpe mung Myen Hpyenla ni gaw rai akyik akawk kawn hkawt jep nna
shanhte ra ai hku galaw taw nga ma ai re.
Myitkyina na BA LA MIN HTIN mahkrai npu kaw galang, Gwi Htu Daru kaw
grai nna jep ai hte Tayang Zup kaw mung atik anang jep nna tsi, jum ,
n-gu, malu mash arung arai ni hpe shalai na matu yak taw ai re.
Ngai mu mada ai gaw Myen Kaichyan ni gaw ndai hpe chye kau ai majaw
ding sang Myen Hpyenla ni hpe galaw shangun ai re. Dai majaw seng ang
ai ni kaw nna n dai Gwi Htu Daru hte Tayang Zup Daru na Myen ni hpe sa
nna hpaji jaw sharin shaga dat yang gaw kaja wa na re. Grau ahkyak ai
gaw tsi hte bu hpun palawng ni hpe lawan ladan shalai lu na matu
ladat shaw sa wa ga ngu seng ang ai ni hpe htawn tsun dan ya rit.
Matsing- Ndai hpe gaw Dap Ba (1) na magam gun langai a Ningrum Ningtau
Jan langai tsun dan ai hpe ka shana dat ai re. Chyeju kaba sai.
By: peter
