Ngai gaw WP mungdan GUMRAWNG GUMTSA kawn, Malaysia de rawt mat wa ai shanglawt hpyenla Saga Tu hkawng re. 2008 ning August 28 ya shani, USA mungdan de numdaw mi bai htawt sit shanu nga sai hku re. Matut n-na, mungkan hpaji hpe Pawngyawng myu sha ni aq matu, arawng la, gan ga rawtjat wa lu hkra America kaw, Facility Maintenance jawnglung shakut nga ai shadang sha langai mung rai nga n-ngai.
Jawng janmau hpe gaw May shata, 2013 hta gup la lu na re lam, sara/ma ni tsun dan ai majaw chye lu ai re.
Ngai hkamla ai lam
langai mi nga ai hku re, dai gaw madu up hkang masa, Awmdawm aq hkaw aq hkang hpe hpringtup tsep kawp lu la ai hte, tinang lata hta’ “REPUBLIC OF KACHINLAND” re ngu hkamla shachying sharim da sai re.
Ngai zawn sha hkamla chye ai Myu tsaw Mungtsaw WP shayi/shadang sha ni lawhtam wa u ga ngu, An-hte kamhpa ai, An-hte aq Awng Padang YEHAW WA KARAI KASANG lata hta ap da kyuhpyi nga n-ngai re.
Ya ten hta byin nga ai masa yawng gaw nang-ngai kaw sha lit nga ai n-re, yawng Kaw lit nga, nga ga ai re. Ngai gaw, n-dai Job Corps Jawng kaw, n-chye ai lam grai nga ai tim Karai lata hta ap da let,
Madu aq Mungdan Dawnghkawn hpe n-dai an hte a hpaji Jawng Wang hta lu sharawt da lu hkra atsamdat nna lu sharawt da sai.
Myit kraw hta’ maroi n-ni Dik ai hkamsha lam law htam wa hkra, Sawa myen ni zingri nga ai gaw America Kaw du nga tim, tsan kabai kau n mai, pugang yang sin machyi, Mungdan kata e’ shanu nga ai Nu-Wa hpunau ni rau, maren sha re ngu n-na, tsundan mayu ai law.
Karai aq kashu kasha ni hkrat sum mat na n-re ngu, myit dating taw tim, shi aq ga lale yang chyawm gaw, awng padang nlu hkrat sum mat chye ai re hpe dum hprang sadi nga ga. Du nga ai shara shagu kawn, myen tsadan hpyen hpe Lamu Kasa ni hte rau sha jawm gasat mat na re lam, yawng gaw chye da ra ai hku re. Myen hpyen sawa hta grau htum ai Karai gaw, an-nau ni aq n tsa, buhda Tibet, buhda Burmese , buhda Chinese, hte buhda India ni lapran lata da hkrum sai ni re zawn, n-bung, wan, mawru, aq na zinli hte n-nang nawn hpyen yawng mayawng an-hte hpang de n-du, hkoi yen mat na ten du sai.
WP sha ni e…. Rawt saga! Sai ga shasga saga! Gasat shamyit kau saga! Hke la saga! Makawp maga saga! Aq tsam madun saga! N-htu hte n-gang rau rai saga! Christian dawnghkawn sharawt, Bum tawng nhtu nawt, ginding aga na myen tai hpyen hpe shagrawt kau saga looooo, myu sha ni e’ a ten gaw daini nan rai sai looooooo……. Wp Mungdan hte WP Kachin myu sha yawng hpe KK makawp maga bausin ya u ga.
By: Saga Tu Hkawng
