(Knet)
U Aung Min woiawn ai Myen Asuya hkringmang yawng marai (4) hte Munghpawm Myen Mung simsa lam bawngban hpawng ni hta shanglawm ai Amyu Sha Rawt Malan Hpung kaw na dat kasa nkau gaw Naypyidaw hta 2014 November (11) ya shani hkrumzup wa sai lam chye lu ai.
Hkrum zup ai hta Myen Mung Asuya Hkringmang ni rai nga ai U Aung Min, U Win Htun, U Hkin Yi, U Than Htay hte Amyu Sha Rawt Malan Hpung ni kaw nna Slg. Naing Han Thar ( NMSP), Slg. Hkun Uk Kar (PNLO), U Htun Zaw (ANC) hte Slg. Salaing Hkala Aye (PNLO) ni hkrum zup ai re hpe chye lu ai.
Dai zawn hkrum zup ai gaw simsa lam a matu hkrum zup ai re nga nna U Hla Maung Shwe (MPC) kawn tsun wa sai hpe mung chye lu ai.
