·
စိတ်နာရင် နာပလေ့စေ။ တိုင်းရင်းသားတွေက မြန်မာ့တပ်မတော်ကို စစ်ရေးအရ ရှုံးနိမ့်ခဲ့တာ များပါတယ်။ ဒါပေမဲ့ အထင်မကြီးဘူးဗျ။ ကြောက်လည်း မကြောက်ဘူးဗျ။ ဘာဖြစ်လဲဆိုတော့ မြန်မာ့တပ်မတော်သားတွေက အခွင့်အရေးတစ်ခုအတွက်နဲ့ တပ်ထဲကို ဝင်လာကြတာ များတယ်။ တိုင်းပြည်ကို ချစ်တဲ့ စိတ်နဲ့ ဝင်တာ ရှိချင်ရှိမှာပေါ့။ ဒါပေမဲ့ နည်းနည်းပါးပါးပဲ ရှိမယ်။
ဘာနဲ့ တူသလဲဆိုရင် မွတ်စလင်အစွန်းရောက်တွေနဲ့ တူတယ်။ ကလေးတွေကို ဖမ်းဆီးတယ်။ ပြီးတော့ ဦးနှောက်ကို ဆေးကြောပလိုက်တယ်။ ဒီလူက အပြင်လူတွေနဲ့ ဘဝခြားသွားပြီ။ သူ့မှာ ပကတိအမှန်တရား မရှိတော့ဘူး။ အဲဒီအမှန်တရားနဲ့ မနီးစပ်ရလေအောင် ပြည်သူတို့ကို ရန်သူလို့ မသိမသာ ရိုက်သွင်းထားတယ်။ နိုင်ငံရေးသမားဆိုတာ အလကားလို့ ထင်ကုန်ကြတယ်။ တပ်မတော်ကပဲ အပင်ပန်းခံခဲ့ရတယ်။ တပ်မတော်ပဲ ဒီတိုင်းပြည်ကို ကာကွယ်နိုင်မယ်လို့ ယူဆကြတယ်။
အမှန်မှာ ဘုရားဟောထဲမှာ သဒ္ဓါဗိုလ်၊ ဝီရိယဗိုလ်၊ သတိဗိုလ်၊ သမာဓိဗိုလ်၊ ပညာဗိုလ်ဆိုတဲ့ အား(၅)ခု ရှိတယ်။ သာသနာရေး (သဒ္ဓါ)၊ စွမ်းအင်(ဝီရိယ)၊ ပြည်ထဲရေး (သမာဓိ)၊ ပညာရေး(ပညာ)တို့ကို မဏ္ဍိုင်(၃)ခုနဲ့ ထိန်းရတာ ဖြစ်တယ်။ မဏ္ဍိုင်ကြီး (၃)ခုကို သတိဗိုလ်နဲ့ နှိုင်းမယ်။ တပ်မတော်က အာဏာရှင်တွေကို နီဝါရဏတရားနဲ့ နှိုင်းမယ်။ နီဝါရဏတရားဆိုတော့ ဘာသာရေးလည်း အစွန်းရောက်အောင် သူ လုပ်မယ်။ ဒါမှ သူ ခြယ်လှယ်လို့ ရမှာကိုး။ စွမ်းအင်ကိုလည်း အပြည့်အဝ မပေးဘူး။ ပေးလိုက်ရင် သူက ထိန်းချုပ်လို့ မရမှာစိုးလို့။ ပြည်ထဲရေးကိုလည်း ချုပ်ကိုင်ထားမယ်။ လိုရင်လိုသလို မလိုရင် မလိုသလို ခြယ်လှယ်လို့ ရအောင်လို့။ ပညာရေးကိုလည်း သူက မူပိုင်လုပ်ထားမယ်။ အတုအယောင်၊ လွဲမှားတဲ့ အယူအဆတွေနဲ့ မှိုင်းတိုက်ထားနိုင်အောင်လို့။ ပညာမရှိလေ တဏှာက ခိုင်းလို့ ကောင်းလေ၊ ပြည်သူတို့မှာ ပညာမရှိလေ စစ်ကျွန်ဖြစ်လေပဲ။ ဒါကို အမျိုးသားရေးသတိ၊ အမျိုးသားရေးမဏ္ဍိုင်၊ အမျိုးသားရေးအမြင်နဲ့ ထိန်းကျောင်းရမှာ ဖြစ်တယ်။
မဏ္ဍိုင်ကြီး (၃)ရပ်ကို ချုပ်ကိုင်ထားပြီး အခြားအင်အားစု(၄)ရပ်ကို ခြယ်လှယ်နေတဲ့ ၂၀၀၈ ခု ဒိုင်အာခီစနစ် နာဂစ်ဖွဲ့စည်းပုံကို မပြင်နိုင်မချင်း ဒီတိုင်းပြည်အတွက် ဆုတ်ယုတ်နေမယ်။ လူတစ်စုက တပ်မတော်ကို ပြန်ပေးဆွဲပြီး သူတို့ကိုယ်ကျိုးအတွက် အသုံးပြုနေပါအုံးမယ်။ ပြည်သူတို့၊ တိုင်းရင်းသားတို့မှာ ဒုက္ခပင်လယ်ဝေနေကြပါအုံးမယ်။ ဒါကြောင့် တပ်မတော်ကို အာဏာရှင်တစ်စုလက်ထဲကနေ ဆွဲထုတ်နိုင်ဖို့ အရေးကြီးပါတယ်။ ဒါဟာ တိုင်းပြည်အတွက် အရေးကြီးပါတယ်။
