Written by KNET
2014 ning November shata (23) ya jahpawt hkying (4:15)Am aten Hk.L.Y(56) Dap ni nga ai Hpun Pyen Bum, Bum Taung kawn Kadaw Bum hkran Hpaga Hka mayan maga de 120mm laknak kaba (2) hte kalang ta langai hpra gap bun ai hpe chye lu ai.
November (23) ya jahpawt hkying (4:19)Am ten hta HK.M.Y(389) dap jung nga ai Hka Ya bum maga kawn hpyen yen jawng ma ni nga ai Alen Bum hpaji ginra mayan de kalang ta shawng hpang (2) lang gap bun ai. Kade nna aten hta sha Lahkum Bum maga de 120mm laknak (2) hte mung kalang ta gap bun wa sai lam chye lu ai.
Matut nna mung November (23) ya jahpawt hkying (4:15)Am hte (4:24)Am ten lapran, masat (19) Dap Dung ginra Daw Hpum lawu na Loi Jau bum kaw nga ai HK. M.Y(320) dap ni gaw Kagam post lawu coffee sun mayan maga de 60mm, ngajinmi hte gap sharu bun ai lam hpe chye lu ai.
=====================
Myu Tsaw Kasa added 2 new photos.
Myen Asuya Dap Hpyen N-gun Kaba KIO Ginjaw De Grau Grau Ni Kahtep Wa Nga
Dai ni (Nov 25, 2014) ya shani shangi ka-ang 12:00pm grupyin daram hta Myen asuya dap hpyen nbungli (1) gaw Myitkyina-Manmaw lam dingyang Laiza makau hku garet nna Manmaw maga de pyen yu mat wa sai lam shiga na chye lu ai.
Bai, Myitkyina-Manmaw lam Ja Pu mare kaw du nga ai Myen asuya dap hpyen hpung n-gun (300) jan gaw ya yang Gang Dau mare kaw du nga sai lam shiga na chye lu ai, ndai zawn myen asuya dap hpyen n-gun kaba ni KIO ginjaw ginra makau de lani hte lani grai ni kahtep wa nga ai re lam KIA shiga lawk kawn na chye lu ai.
