Ya ngai bai laika lu ka dat ai. Ndai lang gaw, matsa mawa hte n kaja
ai laika si ni hpe n ka sa na re yaw. Ngai a laika hpe seng ang ai ni
hpang de shalai ya rit yaw.
KIO/A ningbaw ningla ni hpang de laika hte tsun mayu ai lam ni nga ai
re. Dai gaw, anhte WP myu sha ni hpe shanglawt lu ai pandung de woi
awn la na matu hpyi nem dat ai. Myen ni kaw nna awm dawm masa hpe hpyi
la ai nre sha tinang nang a ladat hte gaw gap sa wa ga ngu tsun mayu
ai.
Myen ni tsun ai hku sha hkan galaw yang gaw, mayam ngu nna pyi n tsun
ging mat hkra myi man kaji mat na re. Myen ni a ga gaw Mungkan htum
mat tim jaw ai, tara ai lam ni hpe tsun na n re. Shanhte gaw
Mungchying sha ni hpe mana shatai let pale palau masu magaw up hkang
taw nga ai re
Ya aten du hkra na mabyin ni gaw myen ni a magam lam a sakse ni rai
taw sai. Shanhte gaw Mung masa lam jahta masu nna Hpyen masa hpe
shagreng la taw sai.
Dai majaw KIO/A ni mung Mungchying sha ni yawng lawm wa hkra ladat
amyu myu shaw let awm dawm masa lu hkra (Kachinland) Wunpawng Mungdan
hpe gaw gap sa wa ga. Palestine ni zawn galaw sa wa ga. Sinna Mungdan
ni hpe mung garum hpyi la ga. Miwa mung kaw mung ra wa yang gaw jawm
garum hpyi la ga. Wunpawng Myu sha ni gaw KIO/A maga de tsap taw ai
gaw mare shagu, Nawku jawng shagu na akyu hpyi ai lam ni hpe mu lu, na
lu taw ai gaw SAK SE nan rai taw sai. Dai majaw KIO/A ningbaw ningla
ni hku nna KARAI KASANG kaw kam sham ap nawng da let shakut woi awn la
na hpe n gun jaw, hpaji jaw dat ai. Karai Kasang shaman ya u ga. Chyju
kaba sai.
By peter
