Pangwa Share Ninghkring

Myitrum Manang ni, “Pangwa Share Ninghkring” ngu ai Ga shagawp shagun dat ai yaw. Mani, 5.2.2013 na 53 lang hpring ai Rawt Malan Masat Ninghtoi hpe, LZ Lahta Tsang Hpaji Jawng wang na Rawt Ninghkawng gawknu e Magam Dap ni, Mungmasha ni, Hpyen-yen ni hte jawngma ni rai, masha 2000 daram, NBkb: Lanyaw Zawng Hra a Mungga hpe DJ.Lahkang La Awng hti shalai ya ai hpe jawm madat hkam la lu saga ai re.

 Bai,M ni gaw, Lajayang grup-yin sinat n shangoi sai nga tim, anhte hpe roi shagoi rai tara n lang ai; shanhte kam yang kam ai hku shara magup (grau nna Lajayang hte ni dik ai Lawayang de) gap bun bun rai nga ma ai hpe mungkan de shadan shadawng tsun htawn dan ga ngu shana dat ai. Maka n kap dik nga ma ai oi.

                                                    JIC

 Pangwa Share Ninghkring

Yawng hta grau sawng ai Pangwa,
Nachying tsaw grau ai shara;
Miwa lamuga jarit,
Hpundung 5,6,7;
Iya Share Ninghkring,
Magrau grang ai ningtsing;
Shaning tup tup katsi,
Ginhtawng yinam lagyi;
Luhka ja na grai tsan,
Lau n mu kra ai ajan;
Sha na n-gu sha lu,
Hkage tawng hte shadu;
Hkaraw nten mahka,
Iya lungrawk post wa;
Kadai nau n sa gawan,
Tsan gang ai laksan mungkan;
Kalang lang I hkrai ngam sai,
Myit hta garen kau ma ai;
Hpyen hte gaw htingbu sha,
“ Mu hkat tim, hkum gap mu” nga;
I shadut majan n di,
Ninghkap majan chyu shakri;
Iya arawng sadang,
Ritkawp hkan ai shadang;
Mungkan e mu mada,
Sari rawng uhpung nga;
Tsadan LUCIFA chyawm,
Mungmasa dihkrat di tawm;
Majan masa chyalang,
Pyenli rau tim n dang;
Chyeju shakawn dum mi yaw,
Numhtet ga mi shatsaw; rai dat ma ai oi.

¬

Bai matut na

Shanglawt Tsing