Yellow Card

Myitrum manang ni, “Yellow Card” ngu ai Ga shagawp re yaw. Mani sha Bumsawnpost na bom a majaw, dai zawn si hkrung si htan byin yang, mana mung 10:00PM daram hta bom kaba  3 lang bai gap bun ma ai. Ndai laika ka nga ai ten hta mahtai shiga garai n lu la ai. LZ grai hkrit tsang ra ai ten rai sai. Kyu grai she hpyi dum nga mi oi. KK a singkaw npu hta lai anhte LZ ni hprawng bang na shara n lu ga ai.
JIC 
Yellow Card

Laizabu ni myit yu ra,

Karai jaw sai Warning wa!

Abom hkying lam she gap bun,

Shara mi pyi n hten run;

Tim 14 ya shani,

Marai masum du hkra si;

Marai manga tsirung du,

Hkrithpa nan she rai sai lu!

Tsadan wa gaw shi a lit,

Bom ni sharut bun tik tik;

Iya lit gaw kyu hpyi na,

Karai Mying hpe jahtau ra;

Yubak mara ni hpyi nem,

Singkaw npu e sa gyem;

Nkau mi n dum shami,

Akyu sha pyi n sa hpyi;

Majan tsin-yam hkrum ninglen,

Amyit loi pyi n sharen;;

Myit malai na n dum lu,

Wenyi hta nan n shamu;

Hpyen-yen ni mung maren sha,

Myit n su she grau law nga;

Yellow Card madun nu ai,

Sadi maja ra dik sai;

Red Card hpe n mu lu hkra,

Annau ni – shakut ga i ya……..

Shanglawt – Tsing

(15.1.2013,4:30AM)