skip to main |
skip to sidebar
Shanhte
Myitrum Manang ni, “Shanhte” ngu ai
M laika ginjup ka jahtuk dat ai yaw. Hpakant Dap Ba (6) de na Awng Padang shiga
na lu ai. Tai ni arum ara re da. Laknak ni mung grai law hkra lu zing ai da. Mani
(17.11.2012) hta, Ba 3 – Jan Mai Yang de mung Awng Padang lu ai shiga na ai.
Bai, mani Hkayabum gasat poi de nbungli hte Lashi pala (gung)sa jahkrat bun
yang M hpyenla ni mung tsawmra bri jawng ma ai da. Ndai ten du hkra anhte akyu
hpyi ai majaw, Hkayabum hkam kaja nga ai. Anhte a Ninghkring ni mung, n-yup n
sha grai shakut masai. Daini mung, Lau Ying a Langu Sun e mahkawng da ai M
hpyenla sumpum mi bai shamu masai nga ma ai. Hkayabum de rawt na sha re. MKA de
na shiga, M ni gaw, Jinghpaw Ramma La kasha hkrai, marai 7 kalang, 5 kalang, 4
kalang rai, kaga kaw sat kau nhtawm, Dap kawng, Japan mahkrai kaw shana yuptung
e wa kabai da ai amu mung galaw nga ma ai shiga na lu ai. Waingmaw Pyada dap
kaw rim rawng da ai Jawngma 11 gaw sarama ni sa hkam shaw la nna, lawt wa tim,
Tsang 10 awng da nna,Jawng garai n lung ai Ma ni hpe gaw, marai mi sen 2 hte
kau mi hpe shaw la lu ai hpang, ya gaw sen 2 hte n lu sai ngu ma ai da. Mani
kalang bai; Washawng maga, Lamawng-yang de na M hpyen modo hpring hkra Ramma ni
bai lawm mat wa sai lam na lu ai. Ndai zawn Tai ni n shawp ai amu galaw nga
masai hpe Mungkan masha ni chye hkra htawn shalai ya na hpyi nem dat ai law! Ma
kaji ni a matu mung kyu grai hpyi garum mi yaw.
JIC